Օստեոմալյացիա(ոսկրակակղանք). ախտանշանները, բուժումն ու կանխարգելումը

Ոսկրակակղանքը համակարգային հիվանդությունը է, որը բնորոշվում է ոսկրային հյուսվածքների ախտահարմամբ: Այս հիվանդության ժամանակ հանքանյութերի փոխանակման խանգարման հետևանքով փափկում են ոսկորները:

Օստեոմալյացիայի տեսակները

·         Մանկական ու պատանեկան. հիմնականում ախտահարվում են վերջույթները:

·         Հղիների օստեոմալյացիա. նկատվում է 20-40 տարեկան կանանց մոտ և հաճախ երկրորդ հղիության ընթացքում: Հիմնականում ախտահարվում է կոնքոսկրը:

·         Դաշտանադադարային:

·         Ծերունական:

·         Էքսկրետորային օստեոմալյացիա. սա հանդիպում է երիկամների քրոնիկ հիվանության դեպքում, երբ օրգանիզմից «լվացվում» է կալցիումը:

Օստեոմալյացիայի առաջացման ռիսկի գործոնները

Կանանց մոտ օստեոմալյացիան 10 անգամ ավելի հաճախ է հանդիպում, քան տղամարդկանց: Ռիսկի գործոններն են.

·         վատ սոցիալական ու կենցաղային պայմանները,

·         սխալ սննդակարգը,

·         ծանր աշխատանքը,

·         հղիությունը:

Օստեոմալյացիայի առաջացումը պայմանավորված է օրգանիզմում վիտամին D-ի պակասով, երբ մարդը չի ստանում այդ վիտամինի բավարար քանակությունը սննդի միջոցով և քիչ ժամանակ է անցկացնում արևի տակ: Վիտամին D-ն ոսկրային հյուսվածքների համար շատ անհրաժեշտ տարր է, ուստի դրա պակասի դեպքում նկատվում է հանքանյութերի փոխանակության խանգարումներ և արդյունքում ոսկորները փափկում են:

Օստեոմալյացիայի ախտանշանները

Մանկական ու պատանեկան օստեոմալյացիա

- անորոշ ցավեր (ամենից հաճախ ոտքերի և ձեռքերի հատվածում),
- ոտքերի աննշան կորացում,
- շարժումների սահմանափակում:

Հղիների օստեոմալյացիա

- կոնքի դեֆորմացիա,
- անորոշ ցավեր մեջքի և կոնքի հատվածում,
- «բադի» քայլվածք:

Դաշտանադադարային ու ծերունական օստեոմալյացիա

- Մարմնի երկարության նվազում,
- ոսկորների բազմաթիվ կոտրվածքներ,
- մեջքի ցավեր,
- մանր քայլերով քայլվածք,
- դժվարություններ աստիճանների վրա քայլելու հետ կապված:

Օստեոմալյացիայի բուժումը

- կանոնավոր սնուցում,
- վիտամին D-ի ընդունում,
- կալցիումի և ֆոսֆորի ընդունում,
- բուժիչ մարմնամարզություն (բուժիչ գիմնաստիկա),
- ոսկորների դեֆորմացիայի դեպքում անհրաժեշտ է նաև վիրահատական միջամտություն,
- հղի կնոջ կոնքոսկրի դեֆորմացիայի դեպքում անհրաժեշտ է կեսարյան հատում:

Օստեոմալյացիայի կանխարգելումը

- վիտամին D-ի ընդունում,
- սննդակարգի կանոնավորում,
- կյանքի որակի բարձրացում:
Օստեոպորոզը և օստեոմալյացիան շատ դժվար են բուժվում, ուստի կանխարգելիչ միջոցները շատ կարևոր են: Մանկահասակ ու դեռահաս աղջիկների ծնողները պետք է մտածեն այս հիվանդությունների կանխարգելման մասին, քանի որ այդ տարիքում են ընթանում ոսկրային հյուսվածքների զարգացման վերջին փուլերը:

Երիտասարդ տարիքի ցուցանիշներից է կախված ոսկորների ծավալն ու ամրությունը տարեց հասակում:

Շատ կարևոր է նաև կանխարգելիչ միջոցներ ձեռնարկել հղիության ու կրծքով կերակրելու ժամանակ, ինչպես նաև դաշտանադադարային և հետդաշտանադադարային շրջանում:

Երկրորդական կանխարգելումը նախատեսված է օստոպորոզով տառապողների համար:

Ձեռնարկվող միջոցներն ուղղված են կոտրվածքները կանխելուն:

Այսպիսով՝ օստեոպորոզի և օստեոմալյացիայի կանխարգեման միջոցներն են.

1.      Կալցիումի պակասի լրացում՝ լիարժեք սննդի միջոցով (կալցիումով, ֆոսֆորով, մագնեզիումով և վիտամիններով (հատկապես К և С) հարուստ սնունդ):

2.      Վիտամին D-ի պակասի ախտորոշում և բուժում վիտամին D-ի ակտիվ մետաբոլիտներ ու կալցիում պարունակող դեղորայքի միջոցով (հատկապես երեխաների ու տարեցների մոտ):

3.      Ակտիվ ապրելակերպ ու ֆիզիկական ծանրաբեռնվածություն՝ տարիքին ու առողջական վիճակին համապատասխան:

4.      Ծխախոտի, ալկոհոլի, սուրճի մեծ չափաբաժինների, ինչպես նաև սպտակուցային սննդի չարաշահման բացառում:

5.      Ուղեկցող ախտաբանությունների վերահսկում (անհրաժեշտ է հաշվի առնել բոլոր ընդունվող դեղամիջոցների ազդեցությունը ոսկորների ամրության վրա):

Բացի այդ, օստեոպորոզի և օստեոմալյացիայի կանխարգեման համար անհրաժեշտ է ամրապնդել առողջությունը: Շատ հեքիմներ պնդում են, որ օստեոմալյացիայի բուժման համար կարելի է օգտագործել արտաքին ազդեցության մեթոդներ: Այդպես բավական լավ արդունք կարող են ապահովել բուժիչ վաննաները: Դրանցից մեկը պատրաստելու համար անհրաժեշտ է 200 կղմուխը (девясил) խառնել նույնքան կռատուկի (лопух) արմատի հետ, թրմել մի դույլ (10 լիտր) եռման ջրում և 15 րոպե եփել միջին կրակի վրա: Պատրաստի միջոցը քամել և ավելացնել վաննայի ջրին:

Բացի այդ, օստեոմալյացիայի բուժման համար կարելի է պատրաստել ճահճային խնկեղեգի (болотный аир) և եղինջի արմատների թուրմ, որը նույնպես կարելի է ավելացնել վաննաներին: Անհրաժեշտ է 150-ական գրամ ճահճային խնկեղեգնին ու եղինջի արմատներին ավելացնել մի դույլ եռման ջուր և եփել 10 րոպե: Այնուհետև անհրաժեշտ է ծածկել թուրմը և թողնել 15 րոպե թրմվի:

Օստեոմալյացիայով տառապող հիվանդները պետք է ուշադրություն դարձնեն կատվալեզվիկի (череда)(400 գրամ) և հազարատերևուկի (тысячелистник) (100 գրամ) խառնուրդին, որն անհրաժեշտ է թրմել 10 լիտր եռման ջրով և 5 րոպե եփել միջին կրակի վրա: Այնուհետև անհրաժեշտ է 50 րոպե թրմել եփուկը, քամել և ավելացնել վաննայի ջրին:

Օստեոմալյացիայի դեպքում վաննաները պետք է տաք լինեն՝ գրեթե մարմնի ջերմաստիճանին հավասար կամ նույնիսկ բարձր: Վաննայի ընդունման տևողությունը 15-20 րոպե է, որից հետո անհրաժեշտ է մի փոքր չորացնել մարմինը սրբիչով (առանց տրորելու) և պառկել: Պրոցեդուրան պետք է անել 2 օրը մեկ անգամ, իսկ բուժման կուրսը բաղկացած է նվազագույնը 10 պրոցեդուրայից:

Հաճելի բուրավետ վաննան, որը շատ հեշտ է պատրաստել, մեղմացնում է ցավը, ազատում մկանային լարվածությունից ու հոգնածությունից, հանգստացնում նյարդային համակարգը, երիտասարդացնում ու մաքրում մաշկը, բարելավում քնի որակը և նյութափոխանակությունը:

Հարկ է հիշել, որ վաննաները ազդեցություն են ունենում միայն այն դեպքում, երբ ընդունվում են որպես բուժման կուրս (առնվազն 10-15 անգամ, 1-2 օր դադարներով, 36–38 °C ջերմաստիճանում):

1.      Երիցուկ (ցողունն ու ծաղիկները). 300 գրամ երիցուկին ավելացնել 5 լիտր եռման ջուր, 2 ժամ թրմել, քամել և ավելացնել վաննայի ջրին:

2.      Եղեսպակ (Шалфей) (տերևները). 200 գրամ եղեսպակի տերևներին ավելացնել 5 լիտր եռման ջուր, 2 ժամ թրմել, քամել և ավելացնել վաննայի ջրին:

3.      Փշատերև (փշատերևի հյութահանուկ) և ծովի աղ. 150 գրամ հյութահանուկը և 2-2,5 կգ ծովի աղն ավելացնել վաննայի ջրին: Ծովի աղի փոխարեն կարելի է օգտագործել նաև կերակրի աղ:

4.      Չոր խոտ. չթե պարկի մեջ լցնել 800 գրամ չոր խոտ և եռացնել 30 րոպե 2 լիտր ջրում: Ստացված եփուկը լցնել վաննայի մեջ և ավելացնել այնքան ջուր, որ այն կիսով չափ լցվի:

Հարկավոր է նստել վաննայի մեջ և ծածկել այն բրեզենտով կամ թաղանթով (այնպես, որ դրա ծայրերը կախվեն ներքև) և ծայրերն ամրացնել ռետինե առաձգական թելով: Ծածկոցի մեջ անհրաժեշտ է նախորոք գլխի համար նախատեսված անցք բացել:  Չոր խոտի փշրանքները պարունակում են մեծ քանակությամբ եթերայուղ, որը ուժեղ բուժիչ միջոց է:

Վաննան բրեզենտով կամ տաղանթով չծածկելու դեպքում եթերայուղը կցնդի գոլորշու հետ: Վաննայի ջուրը պետք է լինի առավելագույնս բարձր (այնքան, որ հիվանդը ի վիճակի լինի դիմանալ): Այն չպետք է լինի 37 °C-ից ցածր: Եթե ջուրը սկսի սառել, ապա անհրաժեշտ է տաք ջուր ավելացնել: Խորհուրդ է տրվում վաննայում մնալ բավական երկար ժամանակ (հնարավորության դեպքում՝ ցանկալի է մեկ ժամ):

Վաննայի ընդունումից հետո անհրաժեշտ է պառկել և լավ ծածկվել՝ ստացած ջերմությունը պահպանելու համար:

Նյութի աղբյուրը՝ med2.ru