Լավագույն բաղադրատոմսերը՝ աղիների միկրոֆլորան վերականգնելու համար

Աղիների միկրոֆլորայի վերականգնումը ժողովրդական միջոցներով շատ արդյունավետ պրոցեդուրա է, որը կարելի է իրականացնել նաև տնային պայմաններում:

Եթե աղիներում ապրող միկրոօրգանիզմների ոչնչացումը շատ հեշտ է, ապա դրանց վերականգնման համար կարող է բավական երկար ժամանակ պահանջվել:

Այդ միկրոօրգանիզմները կարող են վնասվել բազմաթիվ պատճառների ու գործոնների հետևանքով: Առաջին հերթին, աղիների ֆլորան կարող է ոչնչանալ տարբեր բնածին հիվանդությունների հետևանքով, որոնք հանգեցնում են ֆերմենտի պակասի կամ ավելի: Ֆլորան կարող է նաև ոչնչանալ տարբեր դեղամիջոցների (օրինակ՝ հակաբիոտիկների) ընդունման, ինչպես նաև սխալ սննդակարգի, տարբեր վարակների ու ալկոհոլի չարաշահման հետևանքով: Բացի այդ, աղիների միկրոֆլորայի ոչնչացմանն են նպաստում նաև բոլոր տեսակի ճառագայթումները, այդ թվում նաև ռենտգենյան ճառագայթումը:

Ժողովրդական միջոցներով աղիների միկրոֆլորայի վերականգնումը շատ կարևոր է, քանի որ այն կախված է մարդու առողջական վիճակից: Բարեբախտաբար, գոյություն ունեն մի շարք դեղաբույսեր, որոնք կօգնեն լուծել այդ խնդիրը:

Այսպես աղիների միկրոֆլորան վերականգնելու համար կարելի է պատրաստել քաղցր ու օգտակար մի խառնուրդ: Անհրաժեշտ է ծիրանաչիրն ու սալորաչիրը մանրացնել հարիչի կամ մսաղացի օգնությամբ և ավելացնել մեղր: Այս խառնուրդն անհրաժեշտ է ընդունել օրական մեկ անգամ մեկ ճաշի գդալ:

Աղիների միկրոֆլորայի վերականգնումը ժողովրդական միջոցներով կարելի է իրականացնել ձավարահատիկների օգնությամբ: Օրինակ՝ շատ օգտակար են վարսակի կամ հնդկացորենի շիլաները, որոնց կարելի ավելացնել նաև որակյալ սալորաչիր:

Բացի այդ, շատ օգտակար է նաև չրերից պատրաստված կոմպոտը և ճաշին ճակնդեղով որևէ աղցան ուտելը: Նաև անհրաժեշտ է ամեն օր ուտել երկու պճեղ սխտոր՝ վնասակար բակտերիաները ոչնչացնելու համար, և խմել կիտրոնի կտորներով թեյ:

Իհարկե ամենաօպտիմալ տարբերակներից մեկն է կաթնամթերք օգտագործելը, ինչպիսիք են կեֆիրն ու կաթնաշոռը: Կաթնամթերքը կարելի է ուտել առանց սահմանափակումների, քանի որ դրանք օրգանիզմին բացառապես օգուտ են բերում:

Աղիների միկրոֆլորայի վերականգնման համար շատ օգտակար է սամիթի սերմերի թուրմը: Դրա պատրաստման համար անհրաժեշտ է 4 թեյի գդալ սամիթի սերմերը 2 ժամ թրմել մի բաժակ եռման ջրով, որից հետո ընդունել թուրմը յուրաքանչյուր երկու ժամը մեկ անգամ:

Եզան լեզվի և խնկեղեգի (аир) արմատի թուրմը նույնպես շատ լավ միջոց է այս խնդրից ազատվելու համար: Անհրաժեշտ է դեղաբույսերի խառնուրդի 2 ճաշի գդալը կես ժամ թրմել եռման ջրով և ընդունել 10 օրվա ընթացքում ուտելուց կես ժամ առաջ 50 մլ:

Բացի այդ, կարելի է օգտվել հետևյալ բաղադրատոմսից: Անհրաժեշտ է կես լիտր տաք ջրին ավելացնել մեկական ճաշի գդալ մեղր և շաքարավազ և մոտ երկու գրամ խմորիչ, լավ խառնել և թողնել մի քանի ժամ խմորվի տաք վայրում: Սակայն հարկ է հիշել, որ ըմպելիքը չի կարելի երկար թողնել խմորվի, քանի որ այն կդառնալ արբեցնող: Ըմելիքն անհրաժեշտ է խմել ամբողջությամբ ու միանգամից և սննդի ընդունումների ուղիղ մեջտեղում: Այս ըմպելիքի շնորհիվ աղիներում են հայտնվում խմորիչ միկրոօրգանիզմներ, որոնք վերականգնում են աղիների կանոնավոր աշխատանքը:

Բացի այդ, հարկ է հիշել, որ բոլոր թթու հատապտուղները, ինչպես նաև մասուրը համարվում են աղիների միկրոֆլորայի վերականգնման համար շատ լավ դեղամիջոցներ, ուստի ամեն օր այդ պտուղներն օգտագործելու դեպքում աղիների խնդիրները գրեթե չեն անհանգստացնի:

Ոչ մեկի համար էլ գաղտնիքի չէ, որ դդմի սերմերը շատ լավ մաքրում են աղիները մակաբույծներից: Դրանց ազդեցությունը կարելի է ուժեղացնել հետևյան բաղադրատոմսի օգնությամբ: Անհրաժեշտ է հավասար չափաբաժիններով դդմի սերմերը, արևածաղկի սերմերը և հունական ընկույզը մանրացնել հարիչի օգնությամբ, ստացված փոշու երկու ճաշի գդալին ավելացնել կես բաժակ եռացրած ջուր և խմել: Այս ըմպելիքն անհրաժեշտ է խմել օրական երկու անգամ: Բուժման կուրսի տևողությունն է 10 օր:

Հարկ է նշել, որ աղիների միկրոֆլորայի վերականգնումը շատ աշխատատար գործընթաց է, որի համար անհրաժեշտ է լինել շատ համբերատար: Ամբողջական վերականգնման համար անհրաժեշտ է ընդունել բուժիչ խոտաբույսերն առնվազն 10 օր և չմոռանալ դիետաների մասին:

Նյութի աղբյուրը՝ med2.ru