7 միջոց տնային պայմաններում կրունկների ճաքերից ազատվելու համար

19:53 • 11.08.16

Կրունկների Ճաքերն ու չորությունը բավական տարածված խնդիրներ են, որոնց առաջացման պատճառ կարող են հանդիսանալ մաշկի չորացումը, անհարմար կոշիկը, սխալ հիգիենան կամ վիտամինների պակասը: Ճաքերն անհրաժեշտ է անպայման բուժել, իսկ դրանց առաջացման պատճառները պարզելու համար հարկավոր է դիմել մասնագետի:

Սնկային հիվանդությունների դեպքում բժիշկը կնշանակի համապատասխան դեղամիջոցներ, իսկ եթե ճաքերը պայմանավորված են այլ խնդիրներով, ապա անհրաժեշտ է կրել ավելի հարմար կոշիկ և հոգ տանել ոտքերի մասին:

Ձեր ուշադրությանն ենք ներկայացնում 7 միջոց, որոնք կօգնեն բարելավել կրունկների վիճակը: Այս քսուքները, դիմակներն ու ոտքերի վաննաները կարելի է նաև օգտագործել կանխարգելիչ նպատակներով:

Ինչպե՞ս ազատվել կրունկների ճաքերից

Կիտրոն, աղ, գլիցերին ու վարդի ջուր

Տարրայի մեջ լցնել տաք ջուր, ավելացնել 3 պտղունց աղ, 15 կաթիլ կիտրոնի հյութ, մեկ թեյի գդալ գլիցերին և 2 թեյի գդալ վարդի ջուր: Ոտքերը 20 րոպե դնել ստացված լուծույթի մեջ, այնուհետև կրունկները մի փոքր տրորել պեմզայով: Առանձին տարրային մեջ խառնել մեկական թեյի գդալ գլիցերին, վարդի ջուր ու կիտրոնի հյութ և ստացված զանգվածքը քսել կրունկներին: Պրոցեդուրայից հետո հագնել երկու զույգ բարակ բաբակյա գուլպա և թողնել ամբողջ գիշեր: Առավոտյան ոտքերը լվանալ տաք ջրով: Կրկնել այս պրոցեդուրան շաբաթական 3-4 անգամ:

Բուսական յուղ

Ոտքերը լավ լվանալ, չորացնել և կրունկներին քսել բուսայուղ: Պրոցեդուրայից հետո հագնել բարակ բամբակյա գուլպա, իսկ դրա վրայից բրդյա գուլպա, թողնել ամբողջ գիշեր և առավոտյան լվանալ: Կրկնել այս պրոցեդուրան մի քանի օր շարունակ:

Վազելին և կիտրոնի հյութ

Ոտքերը 15 րոպե դնել տաք ջրի մեջ, այնուհետև չորացնել: խառնել մեկական թեյի գդալ վազելինն ու կիտրոնի հյութը և ստացված զանգվածով տրորել կրունկները: Գիշերը հագնել բարակ բամբակյա գուլպաներ կամ պոլիէթիլեն, իսկ վրայից մի զույգ բրդյա գուլպա: Առավոտյան լվանալ ոտքերը:

Պարաֆին

Մի փոքր պարաֆինին ավելացնել կոկոսյան ընկույզի յուղ և լավ խառնել: Տաքացնել խառնուրդը կաթսայի մեջ (թույլ կրակի վրա), մինչև մոմը հալվի, այնուհետև թողնել, որ մի փոքր սառի և քսել ոտքերին: Լավ արդյունքի հասնելու համար այս միջոցը հարկավոր է օգտագործել գիշերը և հագնել մի զույգ տաք գուլպա: Առավոտյան անհրաժեշտ է լավ լվանալ ոտքերը:

Մեղր

Մի բաժակ մեղրին ավելացնել 5 լիտր տաք ջուր և ոտքերը 20 րոպե դնել այդ լուծույթի մեջ: 20 րոպե անց ոտքերը մի փոքր տրորել պեմզայով, այնուհետև լվանալ, լավ չորացնել և քսել սնուցող քսուք:

Բրնձի ալյուր

3 ճաշի գդալ աղացած բրնձին ավելացնել մի քանի թեյի գդալ մեղր, խնձորի քաղախ և մի թեյի գդալ ձիթայուղ: Ստացված թանձր զանգվածը 10 րոպե դնել տաք ջրի մեջ, այնուհետև օգտագործել որպես ոտքերի սկրաբ:

Ձիթապտղի յուղ

Մեկ ճաշի գդալ ձիթայուղը, մի քանի կաթիլ եթերայուղը (նարդոսի (лаванда) կամ կիտրոնի) և մեկ թեյի գդալ տաք ջուրը լավ խառնել և օրական մի քանի անգամ քսել ոտքերին:

Բացի վերոնշյալ միջոցներից, հարկավոր է նաև հիշել, որ անհրաժեշտ է կրել հարմար կոշիկ և սննդակարգի մեջ ներառել A և E վիտամիններով հարուստ սնունդ:

Նյութի աղբյուրը՝ takprosto.cc