Երիտասարդության բաղադրատոմսը. հալվեի (алоэ) կենսախթանված հյութ

17:07 • 11.08.16

Հալվեի կենսախթանված հյութը շատ արդյունավետ միջոց է, որը վերականգնում է վնասված բջիջները և նպաստում նորերի առաջացմանը:

Այս միջոցի համար անհրաժեշտ է առնվազն երեքամյա հալվեի հյութ: Բույս երկու շաբաթ չջրել: Այնուհետև արմատից կտրել, փաթաթել մուգ գույնի թղթի մեջ և 2 շաբաթ պահել սառնարանում (ստորին հատվածում): Նման անբարենպաստ պայմաններում, երբ բույսը սկսում է մահանալ, հալվեի բջիջներում սկսում են առաջանալ հատուկ նյութեր, որոնք կոչվում են բիոգեն խթանիչներ և նպաստում են մարող կենսագործունեության ակտիվացմանը:

Հալվեի տերևները հարկավոր է լվանալ եռացրած ջրով, մանրացնել մսաղացի օգնությամբ և մառլյայի միջոցով քամել հյութը:

Եթե հյութը շատ է ստացվում, դրա մեծ մասը կարելի է սառեցնել և պահել սառցարանում, իսկ հետագայում օգտագործել բուժիչ կամ կոսմետիկ նպատակներով:

Օրինակ կարելի է հալվեի հյութի սառույցներով տրորել դեմքի մաշկը (հարթեցնում է մանր կնճիռները) կամ.

· սառույցի 1 խորանարդիկը խառնել 1 ձվի դեղնուցի և 1 թեյի գդալ մեղրի հետ և քսել դեմքին:

· 1 խորանարդիկը խառնել մեկ թեյի գդալ ձեթայուղի հետ և քսել դեմքին (ձմռանը):

· 1 խորանարդիկը խառնել չոր (փոշի) կաթի հետ (եթե թանձր է, կարելի է ավելացնել սովորական կաթ) և քսել դեմքին:

· Յուղոտ մաշկի դեպքում կարելի է հալվեի հյութին ավելացնել սպիրտ (1:4 հարաբերակցությամբ) և տրորել դրանով դեմքը:

Կենսախթանված հյութը հարուստ է ֆերմենտներով: Դրանցից ստացվող դեղամիջոցները խթանում են հիվանդ օրգանի բջիջների աշխատանքը: Հալվեի հյութից կարելի է պատրաստել ընդհանուր օրգանիզմը ամրապնդող խառնուրդ, որի համար անհրաժեշտ է խառնել 100 գրամ հալվեի հյութը, 500 գրամ հունական ընկույզի միջուկը, 300 գրամ մեղրը և 3-4 կիտրոնի հյութը: Ընդունել օրական 3 անգամ՝ ուտելուց 30 րոպե առաջ մեկ թեյի գդալ:

Սակայն հարկ է հիշել, որ հալվեն կարող է ալերգիա առաջացնել, ուստի անհրաժեշտ է նախապես թեստի օգնությամբ պարզել, թե կա՞ արդյոք որևէ ալերգիկ ռեակցիա:

Նյութի աղբյուրը՝ secrets-of-women.ru