Ինչպե՞ս բուժել նևրալգիան սխտորի օգնությամբ

Սխտորի օգտակար հատկությունները բոլորին են հայտնի: Ժողովրդական բժշկության մեջ այն պարզապես անփոխարինելի միջոց է: Սակայն այն օգտագործվում է նաև նևրալգիայի ոլորտում:

Առհասարակ սխտորը յուրահատուկ բանջարեղեն է, հիանալի համեմունք շատ ուտեստների համար և հրաշալի բուժիչ միջոց: Այն հայտնի է դեռ հին ժամանակներից: Դեռ Հին Եգիպտոսում մարդիկ գիտեին սխտորի ամրապնդող հատկությունների  մասին: Եգիպտական բուրգերից մեկի սալիկի վրայի գրության համաձայն՝ շինարարները սննդի մեջ օգտագործում էին մեծ քանակությամբ սխտոր սոխ ու բողկ: Բացի այդ, սխտորը նաև համարվում էր գլխավոր բուժիչ բույսերից մեկը հին Հունաստանում ու Հռոմում:

Սխտորի հյութը խառնում էին ափիոնային խաշխաշի հյութամզվածքին և ավելացնում գինուն, որը հետագայուն տալիս էին հիվանդներին կատարվելիք վիրահատություններից առաջ: Բացի այդ, սխտորի հյութով էին թրջում վիրակապերը՝ արյան վարակից խուսափելու համար: Համարվում էր, որ սխտորը ոգեպնդում է, բուժում բոլոր հիվանդությունները և նվազեցնում մահվան հանդեպ վախի զգացումը, ուստի այն գլադիատորների և լեգիոներների սննդակարգի պարտադիր մասն էր կազմում: Սխտորը բոլոր ժամանակներում համարվել է ժանտախտի և խոլերայի դեմ հիանալի միջոց:

Հին Ռուսիայում սխտորը համարվում էր դեղամիջոց թույների և վարակիչ հիվանդությունների դեմ, իսկ չորացրած սխտորը պաշտպանում էր չար ուժերից: Չինաստանում սխտորն օգտագործվում էր մասողական ու շնչառական օրգանների հիվանդությունները, ավիտամինոզը, ռևմատիզմը և մի շարք այլ հիվանդություններ բուժելու համար, իսկ ճապոնիայում այն հակաքաղցկեղային բոլոր պրոցեդուրաների պարտադիր մասն է կազմում:

Ձեզ ենք ներկայացնում մի միջոց, որը թույլ կտա սխտորի օգնությամբ բուժել բազմաթիվ հիվանդություններ, որոնք ոմանց մոտ արդեն կրում են քրոնիկ բնույթ (եռորյակ նյարդի նևրալգիա, հայմորիտ և ռադիկուլիտ):

Սխտորով ապլիկացիաներ

Սխտորով ապլիկացիաների համար անհրաժեշտ է վերցնել սխտորի մի քանի խոշոր շերտ, ընկղմել եռացող ջրի մեջ և եփել 1-2 րոպե: Անհրաժեշտ է, որ շերտերը լինեն տաք, բայց չեփվեն:

Շերտերը կիսել և կտրած հատվածներով դնել ցավոտ կետերին: Եթե սխտորները շատ տաք են, պետք չէ դիմանալ, քանի որ կարելի է այրվածք ստանալ: Սակայն պետք է նաև հետևել, որ սխտորները չսառեն:

Չափազանց տաք լինելու դեպքում սխտորը կարելի է դնել ոչ թե անմիջապես մաշկի վրա, այլ բարակ կտորի (մառլյա կամ թաշկինակ), իսկ վրայից ծածկել բամբակով ու բրդյա կտորով: Երբ սխտորը սառի (մոտ 10 րոպե անց), ցանկալի է անմիջապես կրկնել պրոցեդուրան:

Ապլիկացիաներից հետո հիվանդ հատվածներին անհրաժեշտ է որևէ տաք կտոր փաթաթել՝ չմրսելու համար: Օրվա ընթացքում կարելի է անել միայն մեկ պրոցեդուրա, քանի որ հակառակ դեպքում մեծ է այրվածք ստանալու հավանականությունը: 2-3 պրոցեդուրան բավական է , որպեսզի հիվանդը մոռանա նրևալգիայի մասին:

Սխտորով ապլիկացիաները շատ օգտակար են նոր սկսվող մրսածության, ռինիտի, գրիպի դեպքում: Այս ժամանակ սխտորը դնում են հոնքերի միջև և ընդամենը մի քանի րոպե անց շնչառությունը բացվում է: Պետք չէ մրսածությունն ու նման այլ հիվանդոթյուններն աչքթող անել, քանի որ ավելի լավ է բուժվել ժողովրդական մեթոդներով, քան հետագայում վնասել առողջությունը դեղահաբերով:

Նյութի աղբյուրը՝ budetezdorovy.ru