Սոճու յուղը՝ որպես բազմաթիվ հիվանդությունների բալասան

Բրգաձև սոճու՝ եղևինի հյութահանուկը համարվում է էկոլոգիապես մաքուր մթերք, քանի որ եղևինն աճում է միայն այն վայրերում, որտեղ օդը բյուրեղյա մաքրության է:

1.    Նշիկաբորբ (անգինա)

Նշիկաբորբի դեպքում հարկավոր է կաթոցիչի, բամբակի կամ ներարկիչի (առանց ասեղի) օգնությամբ մաքուր յուղը քսել նշագեղձերին: Այս պրոցեդուրան հարկավոր է կրկնել օրվա ընթացքում 2-5 անգամ՝ 4-6 ժամը մեկ:

2.    Հայմորիտ, երկարատև ռինիտ

Անհրաժեշտ է օրական մի քանի անգամ 1-2 կաթիլ եղևինի յուղ կաթեցնել քթանցքերում: Պետք չէ վախենալ այրոցից, փռշտոցից, արցունքահոսությունից ու քթային արտադրությունից, քանի որ 15-20 րոպե անց այդ տհաճ զգացողությունները կանցնեն:

3.    Թոքաբորբ, բրոնխիտ

Թոքաբորբի կամ բրոնխիտի ժամանակ հարկավոր է էմալապատ կաթսայում եռացող ջրի մեջ կաթեցնել 3-4 կաթիլ յուղ, գլուխը ծածկել սրբիչով և շնչել այդ գոլորշին: պրոցեդուրայից հետո հարկավոր է տրորել կուրծքը յուղով և ծածկվել տաք ծածկոցով:

4.    Գրիպ, սուր ռեսպիրատոր հիվանդություններ

Այս հիվանդությունների դեպքում հարկավոր է յուրաքանչյուր 5-6 ժամը մեկ մերսել կործքը, մեջքի պարանոցային հատվածը և ոտնաթաթերը եղևինի յուղով, այնուհետև փաթաթվել կոմպրեսային թղթով, հագնել տաք գուլպաներ, ծածկվել տաք ծածկոցով ու խմել դեղաբույսերից պատրաստված թուրմ, որը խթանում է քրտնարտադրությունը:

Բացի այդ, հարկավոր է յուրաքանչյուր քթանցքում կաթեցնել մեկական կաթիլ յուղ: Եթե հիվանդությունը ուղեկցվում է ուժեղ հազով, ապա կարելի է առավոտյան և քնելուց առաջ լեզվի ետնամասին կաթեցնել 3-5 կաթիլ յուղ:

5.    Դիաթեզ (երեխաների մոտ)

Խառնել եղևինի յուղը և մանկական քսուքը՝ 1:3 հարաբերակցությամբ և քսել ախտահարված հատվածներին: Կարելի պատրաստել նաև մեկ այլ բաղադրատոմսով՝ 3 մաս եղևինի յուղ, երեք մաս ծծմբի քսուք և չորս մաս մանկական քսուք:

6.    Մաշկի վնասվածքներ

Եղևինի յուղը նաև շատ լավ բուժիչ միջոց է վերքերի ու այրվածքների դեպքում: Անհրաժեշտ է անձռոցիկը թրջել յուղով և դնել վերքի վրա:

7.    Ստոմատիտ, պարոդոնտեզ

Բամբակը թրջել յուղով և դնել բորբոքված լնդի կամ հիվանդ ատամի վրա 15-20 րոպե: Եթե ատամը շարունակի ցավել, ապա կրկնել պրոցեդուրան 1,5-2 ժամ հետո: Պարոդոնտեզի դեպքում կատարել 15-20 ապլիկացիա և կրկնել կուրսը կես տարի անց: Եթե հիվանդությունը շատ է խորացել, ապա անհրաժեշտ է կրկնել պրոցեդուրան ևս կես տարի անց: Սակայն հարկ է հիշել, որ յուղն օգտագործելիս պետք է լինել շատ զգույշ, այլապես բարձր է լորձաթաղանթի այրվածքի հավանականությունը:

8.    Կոտրվածքներ ու վնասվածքներ

Օրական 2 անգամ կոտրվածքի ու վնասվածքի հատվածում յուղ քսելը կօգնի արագացնել ապաքինման գործընթացը:

9.    Ռադիկուլիտ, միոզիտ, կոճի և ծնկի հոդի ցավեր

Անհրաժեշտ է եղևինի յուղ քսել ախտահարված հատվածներին և մի փոքր տրորել: Պրոցեդուրայից հետո ցանկալի է վաննա ընդունել կամ տաքացնել հիվանդ հատվածները: Այս պրոցեդուրան անհրաժեշտ է կրկնել 10-15 օր շարունակ:

10. Ֆուրունկուլներ և մաշկի այլ թարախային հիվանդություններ

Անհրաժեշտ է խառնել եղևինի յուղն ու բալասանային լինիմենտը (ըստ Վիշնևսկու)՝ 3:7 հարաբերակցությամբ, քսել վիրակապին, դնել ախտահարված հատվածին, վրայից փաթաթել կոմպրեսային թուղթ և կրկին վիրակապել: Վիրակապը հարկավոր է փոխել օրական 2-3 անգամ:

Այս դեղամիջոցը հակացուցված է հղիներին և սրտի որևէ հիվանդությամբ տառապողներին:

Նյութի աղբյուրը՝ belleza-salud.ru