Գայլախտի բուժմանը նպաստող ժողովրդական բաղադրատոմսեր

Այնիպիսի լուրջ հիվանդությունը ինչպիսին գայլախտն է հիվանդների մոտ արտահայտվում է քրոնիկ հոգնածությամբ, հոդերի բորբոքումով, լորձաթաղանթի խոցերով և արևի ճառագայթների հանդեպ գերզգայունությամբ: Սակայն դրա ամենաակնհայտ ախտանշանը քթի ու այտերի հատվածի թիթեռի տեսք ունեցող կարմիր ցանն է:

Գայլախտի բուժումը ժողովրդական միջոցներով

Գայլախտը տուբերկուլյոզի տեսակներից մեկն է: Սա երկարատև բուժում պահանջող աուտոիմունային հիվանդություն է: Բժշկի նշանակած դեղամիջոցների ազդեցությունը կարելի է ուժեղացնել ժողովրդական միջոցներով: Ոչ մի դեպքում չի կարելի զբաղվել ինքնաբուժությամբ, սակայն կարելի է բժշկի հետ մշակել հատուկ կուրս, որը կդադարեցնի հիվանդության զարգացումն ու կնվազեցնի դրա դրսևորումները: Դրա համար կարելի է օգտագործել խոցերի բուժման համար նախատեսված քսուքներ ու դեղաբույսային թուրմեր:

Հարկ է հիշել, որ կարմիր գայլախտի դեպքում չի կարելի օգտագործել իմունային համակարգի աշխատանքը խթանող ժողովրդական միջոցներ:

Գայլախտի բուժումը էլեուտերեկոկի թուրմով

Այս թուրմի պատրաստման համար հարկավոր է 100 գրամ էլեուտերոկոկի մանրացրած արմատները լցնել ապակյա տարրայի մեջ և ավելացնել կես լիտր օղի: Տարրան հարկավոր է փակել և առնվազն 7 օր պահել մութ վայրում (սենյակային ջերմաստիճանում):

Քամելուց հետո դեղամիջոցն ընդունել օրական 2-3 անգամ մեկ կամ կես թեյի գդալ:

Այս թուրմը բարելավում է մակերիկամների աշխատանքը, նվազեցնում ռևմատիկ դրսևորումները և ունենում է ադապտոգեն ազդեցություն: Բուժման կուրսի տևողությունն է մեկ ամիս:

Այս բաղադրատոմսը հակացուցված է արյան գերճնշման ու անքնության դեպքում:

Գայլախտի բուժումը Ճագումի (омела) եփուկով

Կեչուց հավաքված ճագումի եփուկը բավական արդյունավետ միջոց է կարմիր գայլախտի դեմ: Տերևների նախապատրաստումը կատարվում է տարվա ցուրտ եղանակին (դրանք լվացվում են ու չորացվում): Մանրացրած հումքը լցնում են ապակյա տարրաների մեջ և պահում մութ վայրում:

Եփուկի պատրաստման համար անհրաժեշտ է 2 թեյի գդալ հումքին ավելացնել մեկ բաժակ եռման ջուր, եփել առավելագույնը մեկ րոպե և մոտ կես ժամ թրմել: Պատրաստի եփուկը քամելուց հետո բաժանվում է երեք մասի (3 ընդունման համար): Բուժման կուրսի տևողությունն է մեկ ամիս:

Գայլախտի բուժումը դեղաբույսերի միջոցով

Չնայած, որ գայլախտի բուժումը բավական բարդ է, սակայն այս բաղադրատոմսը կօգնի թեթևացնել դրա ախտանշանները: Այս միջոցով բուժումը բավական երկար է, բայց շատ արդյունավետ:

Թուրմի պատրաստման համար օգտագործվում է դեղաբույսերի հետևյալ խառնուրդը.

100 գրամ կղմուխի (девясил) արմատ,
100 գրամ խնկեղեգի (аир) արմատ,
100 գրամ խատուտիկի արմատ,
75 գրամ զրվանդ (кирказон),
75 գրամ մեղվամուշկ (пижма):

Չոր բաղադրիչները խառնելուց հետո հարկավոր է 3 ճաշի գդալ խոտաբույսերը երեկոյան լցնել թերմոսի մեջ, ավելացնել 750 մլ եռման ջուր և թրմել ամբողջ գիշեր: Առավոտյան թուրմը քամել, բաժանել 4 հավասար մասի և ընդունել դրանք օրվա ընթացքում՝ ուտելուց մեկ ժամ առաջ: Թուրմն անհրաժեշտ է պատրաստել ամեն օր:

Խորհուրդ է տրվում թուրմն ընդունելիս դրան ավելացնել 30-40 կաթիլ սոֆորա ճապոնականի թուրմ, որը պատրաստելու համար անհրաժեշտ է 100 գրամ սոֆորայի պտուղները մանրացնել մսաղացով, ավելացնել կես լիտր օղի և 10 օր պահել մութ վայրում՝ պարբերաբար թափահարելով:

Երեխաների մոտ գայլախտի բուժումը ուռենու արմատների եփուկով

Երեխաների մոտ գայլախտը կարելի է բուժել ուռենու արմատների եփուկի օգնությամբ, սակայն ուռենին պետք է երիտասարդ լինի: Հավաքված արմատներն անհրաժեշտ է լվանալ, չորացնել (կարելի է ջեռոցում) և մանրացնել: Մանրացրած հումքի մեկ ճաշի գդալին ավելացնել մեկ բաժակ եռման ջուր, եփել մեկ րոպե և թրմել ևս 8 ժամ: Թրմվելուց հետո հեղուկը հարկավոր է քամել և ընդունել օրվա ընթացքում մի քանի անգամ (հավասար ընդմիջումներով) երկուական ճաշի գդալ: Թուրմն ավելի համեղ դարձնելու համար կարելի է ավելացնել մի փոքր մեղր:

Թուրմը հարկավոր է պատրաստել ամեն օր, իսկ բուժման կորսի տևողությունն է 29 օր: Խորհուրդ է տրվում բուժման ընթացքում օգտագործել նաև ընդհանուր օրգանիզմը կազդուրող խոռնուրդներ:

Գայլախտից ախտահարված մաշկի բուժումը կեչու բողբոջներից պատրաստված քսուքով

Այս քսուքի պատրաստման համար հարկավոր է խառնել մի բաժակ կեչու բողբոջները (փոշիացրած) և 500 մլ փորոտիքի թարմ ճարպը և մեկ շաբաթ շարունակ խառնուրդը օրական 3 ժամ դնել ոչ շատ տաք ջեռոցում: Պատրաստի քսուքը հարկավոր է պարբերաբար քսել ախտահարված հատվածներին: Այն նաև կարելի է լուծել 100 մլ տաք կաթի մեջ և խմել ուտելուց առաջ:

Գայլախտից ախտահարված մաշկի բուժումը թարխունից պատրաստված քսուքի օգնությամբ

Այս քսուքը նույնպես շատ արդյունավետ է: Դրա պատրաստման համար հարկավոր է տաք գոլորշու վրա հալեցնել փորոտիքի թարմ ճարպը և դրան ավելացնել չորացրած թարխուն: Բաղադրիչները հարկավոր է խառնել 5:1 հարաբերակցությամբ: Խառնուրդը 5-6 ժամ հարկավոր է պահել ոչ շատ տաք ջեռոցում, այնուհետև քամել, սառեցնել և պահել սառնարանում:

Քսուքն անհրաժեշտ է օգտագործել 2-3 ամիս՝ օրական 3-4 անգամ ախտահարված մաշկին քսելով:

Գայլախտի բուժումը դեղաբույսերի օգնությամբ՝ հիվանդության ախտանշանների թուլացման ընթացքում

Հիվանդության ախտանշանների ժամանակավոր թուլացման ընթացքում ժողովրդական բժշկությունը խորհուրդ է տալիս օգտագործել այնպիսի դեղաբույսերի եփուկ, ինչպիսիք են ծիծեռնախոտը, կայնքի արմատը (ժենշեն), գայլուկի կոները (երկուական ճաշի գդալ), մատուտակի արմատները և հացհամեմի սերմերը (մեկական ճաշի գդալ): Անհրաժեշտ է բոլոր բաղադրիչները լավ խառնել, ստացված հումքի մեկ ճաշի գդալին ավելացնել մեկ բաժակ ջուր և եփել մոտ 15 րոպե տաք գոլորշու վրա: պատրաստի եփուկը քամել և դարձնել սկզբնական քանակի:

Այս դեղամիջոցը հարկավոր է ընդունել օրական երեք անգամ՝ ուտելուց կես ժամ առաջ 50-70 մլ:

Նյութի աղբյուրը՝ econet.ru