Հնդկաձավար, հունական ընկույզ և մեղր. յուրահատուկ միջոց՝ բազմաթիվ հիվանդությունների բուժման համար

14:10 • 17.08.16

Այս հիանալի խառնուրդը շատ օգտակար է տարբեր հիվանդությունների դեպքում: Այն օգնում է արագ ապաքինվել և հեշտությամբ ավելացնել քաշը: Բացի այդ, այն շատ օգտակար է բոլոր նրանց համար, ովքեր արյան մեջ հեմոգլոբինի ցածր մակարդակի հետևանքով միշտ ունենում են ուժի ու էներգիայի պակաս:

Այս միջոցի բոլոր բաղադրիչները շատ հասանելի են, իսկ մարդկանց օրգանիզմի վրա դրանց ունեցած յուրահատուկ ազդեցության մասին արդեն բավական շատ է խոսվել:

Հնդկաձավարը երկաթի, վիտամինների, միկրո- և մակրոտարրերի աղբյուր է:

Մեղրը յուրահատուկ մթերք է, որն օժտված է մարմինը բջջի մակարդակում բուժելու կարողությամբ:

Հունական ընկույզը վիտամինների ու ճարպաթթուների յուրահատուկ բնական պաշար է:

Այս երեք բաղադրիչների համադրությունն ուժգին բուժիչ ազդեցություն է ունենում մարդու օրգանիզմի վրա:

Բաղադրությունը.

1 կգ հնդկաձավար,

1 կգ մաքրած հունական ընկույզ,

0,7 կգ հնդկաձավարի կամ ծաղկային մեղր:

Պատրաստման եղանակը.

Հնդկաձավարը սրճաղացով մանրացնել և դարձնել համասեռ փոշի, ավելացնել մսաղացով մանրացրած ընկույզն ու մեղրը և լավ խառնել: Խառնուրդն անհրաժեշտ է պահել սառնարանում: Հարկ է հիշել, որ ոչ մի դեպքում չի կարելի հնդկաձավարի փոխարեն օգտագործել հնդկաձավարի ալյուր, քանի որ դրա մեջ չկան այն օգտակար բաղադրիչները, որոնք պարունակվում են հնդկաձավարի կեղևում:

Օգտագործման եղանակը.

Պատրաստի խառնուրդն անհրաժեշտ է ընդունել օրական երեք անգամ (ուտելուց առաջ) մեկ ճաշի գդալ: Կուրսի տևողությունն է մեկ ամիս:

Ցանկության դեպքում կարելի է խառնուրդին ավելացնել մանրացրած ծիրանաչիր կամ չամիչ, ինչը շատ օգտակար կլինի սրտի խնդիրներ ունեցողների համար:

Այս միջոցը չի առաջացնում որևէ կողմնակի բարդություն, բացի հնարավոր ալերգիայից (մեղրից): Բուժման ընդամենի մի կուրսը կբարելավի հիվանդի ինքնազգացողությունը, կամրապնդի առողջությունը և ուժ ու էներգիա կհաղորդի:

Նյութի աղբյուրը՝ vajnoe.com