Արմավի օգտակար հատկությունները. և՛ միրգ, և՛ քաղցրավենիք, և՛ դեղամիջոց

Արմավը զարմանահրաշ պտուղ է, որը բազմաթիվ երկրներում համարվում է առողջությունն ամրապնդող ու կյանքը երկարացնող միջոց: Ասում են, որ Չինաստանում կան երկարակեցներ, ում սննդակարգի հիմնական մթերքը արմավն է: Սա շատ առողջարար միրգ է, որը շատ դիետոլոգներ խորհուրդ են տալիս օգտագործել քաղցրի փոխարեն: Բացի այդ, այն դեռ հին ժամանակներից հայտնի է եղել իր բուժիչ հատկություններով:

Բժիշկները հաստատել են, որ արյան մեջ շաքարի մակարդակի ցածր լինելու հետևանքով մարդիկ հաճախ քաղցի զգացում են ունենում, որը, սակայն, ընդամենը մի քանի արմավ օգտագործելուց հետո անհետանում է:

Արմավները պարունակում են 23 տեսակի տարբեր ամինաթթուներ, որոնք չեն պարունակվում մրգերի մեծ մասում: Դրանք հարուստ են տրիպտոֆան ամինաթթվով, որը շատ անհրաժեշտ է ուղեղի աշխատանքի բարելավման և հոգեկան առողջությունը պահպանելու համար՝ հատկապես տարեցների համար: Այս նյութը դանդաղեցնում է ծերացումը և ազդում է որպես հանգստացնող և մեղմ քնաբեր միջոց:

Բացի այդ, արմավները հարուստ են նաև գլյուտամինաթթվով, որը կանխում է այրոցի առաջացումը՝ չեզոքացնելով ավելորդ ստամոքսահյութը, և սելենով, որը նվազեցնում է քաղցկեղի և սրտի հիվանդությունների առաջացման հավանականությունն ու ամրապնդում իմունային համակարգը:

Մեծ քանակությամբ շաքարների և վիտամին B5-ի համադրության շնորհիվ՝ արմավները ոչ միայն արագ հագեցնում են, այլև վերականգնում է ֆիզիկական ուժը, էներգիան և գլխուղեղի ու նյարդերի թարմությունը:

Ինչպես և բուսական ծագում ունեցող մթերքների մեծ մասը, արմավները նույնպես չեն պարունակում խոլեստերին: Դրանց 100 գրամում պարունակվում է 142-274 կալորիա, իսկ չորացրած պտուղներում՝ 340 կալորիա, ուստի սա շատ լավ սննդաթերք է նիհարել ցանկացողների համար: Պտուղները պարունակում են 40-77,5% չոր նյութեր:

Դրանք նաև շատ հարուստ են տարատեսակ հանքանյութերով, աղերով ու վիտամիններով: Գիտնականները կարծում են, որ օրական 10 արմավը բավարար է օրգանիզմը մագնեզիումի, պղնձի և ծծումբի օրական չափաբաժնով և երկաթի չաձաբաժնի կեսով և կալցիումի չափաբաժնի մեկ քառորդով ապահովելու համար:

Ժամանակակից բժշկությունը նույնպես ուսումնասիրել է արմավի օգտակար հատկությունները և պարզել հետևյալը.

·         արմավներ չեն հանդիսանում մարդու օրգանիզմի համար վնասակար բակտերիաների, մանրէների կամ մակաբույների հարուցիչ,

·         դրանք վնասակար ամեոբայի դեմ պայքարի հիանալի միջոց են,

·         դրանք պարունակում են մի նյութ, որը ոչնչացնում է մարդու օրգանիզմում գտնվող ախտածին բակտերիաները,

·         արմավները անփոխարինելի սնունդ են տիեզերագնացների համար և շատ ավելի օգտակար են, քան ձկնկիթը,

·         այս պտղի մեջ պարունակվում է մի նյութ, որը նպաստում է արգանդի մկանների արագ կծկվելուն, ինչը հեշտացնում է ծննդաբերության գործընթացն ու դարձնում այն ավելի արագ ու քիչ ցավոտ,

·         դրանք հարուստ են վիտամին A-ով, որը պահպանում ու բարելավում է տեսողությունը գիշերը,

·         շնորհիվ մեծ քանակությամբ վիտամին B-ի՝ արմավները շատ օգտակար են մկանային համակարգի աշխատանքի ու զարգացման համար:

·         արմավները բարելավում են ախորժակը,

·         սոված փորին արմավ ուտելը նպաստում է մակաբույծների ոչնչացմանը,

·         արմավները միրգ են, սննդամթերք, ըմպելիք, քաղցրավենիք ու դեղամիջոց:

Արմավները շատ օգտակար են հետևյալ դեպքերում.

·         մտավոր ծանրաբեռնվածության դեպքում (ենթադրվում է, որ չորացրած արմավները բարձրացնում են ուղեղի արտադրողականությունը 20%-ով և նույնիսկ ավելին),

·         ֆիզիկական գերհոգնածության ու հյուծման դեպքում (վերականգնում են ուժերն ու էնէրգիա են հաղորդում օգտագործելուց ընդամենը կես ժամ անց),

·         շնչառական ուղիների հիվանդությունների դեպքում,

·         սրտանոթային համակարգի հիվանդությունների դեպքում (շնորհիվ մեծ քանակությամբ կալիումի՝ դրանք շատ օգտակար են սրտային անբավարարության դեպքում. խթանում են սրտի աշխատանքը, տոնուս են հաղորդում, ամրապնդում են սրտամկանը և վերականգնում են ուժերը երկարատև հիվանդությունից հետո),

·         անեմիայի՝ սակավարյունության դեպքում,

·         ստամոսի և աղիների խոցի ու քաղցկեղի կանխարգելման համար (պեկտինի և մանրաթելերի շնորհիվ),

·         սերմնահեղուկի քանակն ավելացնելու համար,

·         վերարտադրողական ֆունկցիայի բարելավման համար (արմավները շատ օգտակար են կանանց օրգանիզմը ծննդաբերությունից հետո վերականգնելու համար: Գիտափորձերը ցույց են տվել, որ դրանք պարունակում են հատուկ նյութեր, որոնք ամրապնդում են արգանդի մկանները հղիության վերջին ամիսներին, ինչը ոչ միայն հեշտացնում է ծննդաբերությունը, այլև նվազեցնում հետծննդաբերական արյունահոսությունը),

·         իմպոտենցիայի դեպքում,

·         նյարդային համակարգի խանգարումների դեպքում,

·         ծովային հիվանդության դեպքում,

·         մրսածության դեպքում,

·         վիժումները կանխելու համար,

·         մազանոթներն ամրապնդելու համար,

·         մարսողությունը բարելավելու և աղեստամոքսային խանգարումները բուժելու համար,

·         տեսողությունը բարելավելու և աչքերը հանգստացնելու համար,

·         արյան շրջանառությունն ու ճնշումը կարգավորելու համար,

·         հակաբիոտիկների առաջացրած կողմնակի բարդությունները նվազեցնելու համար,

·         ծերացումը դանդաղեցնելու և կյանքը երկարացնոլու համար,

·         մայրական կաթը վիտամիններով հարստացնելու համար (հարստացնում է մայրական կաթը բազմաթիվ սննդարար նյութերով, որոնք անհրաժեշտ են երեխայի լիարժեք զարգացման համար),

·         լնդերի արյունահոսությունը դադարեցնելու համար,

·         իմունային համակարգի ամրապնդման համար,

·         քաղցկեղի կանխարգելման համար,

·         թրոմբների առաջացումը կանխելու և վարակների հանդեպ դիմադրողականությունը բարձրացնելու համար,

·         անհավասարակշռված ոը նյարդային խանգարումներ ունեցող երեխաների համար,

·         սրտի հիվանդությունների ու արյան ճնշման հետ կապված հիվանդությունների կանխարգելման համար,

·         ներքին ականջի հիվանդություններով պայմանավորված այտուցվածությունն ու գլխապտույտները բուժելու համար,

·         կանանց մոտ նախադաշտանային համախտանիշի դեպքում,

·         արյան մեջ շաքարի մակարդակը կարգավորելու համար,

·         օրգանիզմից ծանր մետաղների իոնների դուրսբերման համար,

·         հղի կանանց մոտ դեպրեսիաների բուժման համար,

·         ցավը մեղմացնելու համար,

·         ենթաստամոքսային գեղձի քաղցկեղի առաջացման հավանականությունը նվազեցնելու համար,

·         օրգանիզմի նյութափոխանակությունը բարելավելու և արյան մեջ խոլեստերինի մակարդակը իջեցնելու համար,

·         լյարդի մակաբուծային վարակների և դեղնախտի բուժման համար (շնորհիվ վիտամին B-ի),

·         մկանային ցավերը մեղմացնելու համար:

Արմավի վտանգավոր հատկությունները

Ալերգիկ հիվանդությունների առկայության դեպքում հարկավոր է շատ ուշադիր լինել արմավ օգտագործելիս: Բացի այդ, արմավները հակացուցված են շաքարային դիաբետով տառապողներին, քանի որ դրանց գլիկեմիկ ինդեքս բարձր է, ինչի հետևանքով այս միրգն ազդում է արյան մեջ շաքարի մակարդակի վրա: Սա նշանակում է, որ արմավները կարող են կտրուկ բարձրացնել արյան մեջ շաքարի մակարդակը:

Աղիների խոցի և որոշ այլ հիվանդությունների դեպքում նույնպես հարկավոր է ուշադիր լինել: Պետք չէ ամբողջությամբ բացառել արմավը սննդակարգից, սակայն անհրաժեշտ է սահմանափակել դրանց գործածությունը և խորհրդակցել բժշկի հետ:

Բացի այդ, արմավները շատ վտանգավոր են ֆրուկտոզայի հանդեպ օրգանիզմի անհանդուրժողականության դեպքում, քանի որ այս պտուղների մեկ բաժակում պարունակվում է 29 գրամ ֆրուկտոզա: Այս դեպքում կարող են առաջանալ գազեր, փորլուծություն և որովայնի փքվածություն:

Պետք է նաև շատ ուշադիր լինել մթերքն ընտրելիս: Հարկավոր է ստուգել, որպեսզի մրգերի վրա բորբոսասունկ չլինի, իսկ օգտագործելուց առաջ անհրաժեշտ է լվանալ արմավները տաք ջրով: Այս դեպքում դրանք կլինեն շատ օգտակար:

Հարկ է հիշել, որ պատրաստի չորացրած մրգերն ավելի երկար թարմ պահելու համար արտադրողները հաճախ մշակում են թունավոր միացություններով, որոնք կարող են առաջացնել տարբեր բորբոքումներ և աղիների խոց:

Բացի այդ, հարկավոր է նաև ճշտել, թե օրական որքան արմավ է կարելի ուտել: Սովորական կյանքով ապրողների օրական չափաբաժինը չպետք է գերազանցի 10 արմավը, իսկ ծանր աշխատանք կատարողներն ու մարզիկները կարող են օգտագործել օրական 20-25 արմավ:

Ինչպես և այլ մթերքների դեպքում, արմավները նույնպես չի կարելի չարաշահել, քանի որ դրանք կարող են առաջացնել ուժեղ գլխացավեր: Բացի այդ, այս չրերի չարաշահումը շատ վնասակար է ատամների համար, քանի որ դրանք շատ քաղցր են և կարող են առաջացնել կարիես: Այդ իսկ պատճառով ատամնաբույժները խորհուրդ են տալիս արմավ ուտելուց հետո լվանալ ատամները կամ գոնե խմել առանց շաքարավազի տաք թեյ կամ տաք ջուր:

Բացի այդ, հարկ է նաև նշել, որ արմավները բավական եկար են մարսվում, ուստի խորհուրդ չի տրվում դրանք ուտել քնելուց 1,5-2 ժամ առաջ:

Նյութի աղբյուրը՝ women-page.ru