Ոսկեգույն ստաֆիլակոկի բուժման ու կանխարգելման ժողովրդական միջոցներ

Մետիցիլինակայուն ոսկեգույն ստաֆիլակոկը ախտածին բակտերիաների շտամմ է, որը կայուն է հիմնական հակաբիոտիկների, այդ թվում նաև  օքսացիլինի, պենիցիլինի, ամոքսիցիլինի հանդեպ:

Որպես կանոն` այս բակտերիան ապրում է մարդու մաշկի վրա և չի առաջացնում առանձնահատուկ խնդիրներ, սակայն ինչ-ինչ պատճառներով օրգանիզմ ներթափանցելու դեպքում կարող է հանգեցնել օրգանիզմի լուրջ վարակման:

Մաշկի վրա վարակը դրսևորվում է ֆուրունկուլների, թարախակույտերի կամ կարբունկուլների տեսքով, որոնք ակտիվորեն զարգացնում են սեպտիկ գործընթացներ:

Ստաֆիլակոկը հաճախ հանդիպում է վիրահատություններից, այրվածքներից, վերքերից հետո: Օրգանիզմ ներթափանցելով այն կարող է առաջացնել թոքախտ, մենինգիտ, ոսկրախտ և այլն: Այն կարող է ախտահարել ցանկացած օրգան:

Ստաֆիլակոկի բուժումը

Մետիցիլինակայուն ոսկեգույն ստաֆիլակոկի առկայության ամենաչնչին կասկածների դեպքում (օրինակ՝ հստակ եզրերով վերք, որն ունի շիճուկային արտադրություն և երկար ժամանակ չի ապաքինվում) հարկավոր է անմիջապես դեմել բժշկի և հանձնել անհրաժեշտ անալիզները

Վարակի հայտնաբերման դեպքում բժիշկը կնշանակի հակաբիոտիկների կուրս, որն անհրաժեշտ է ամբողջությամբ անցնել: Ծանր դեպքերում բուժումն իրականցվում է ստացիոնար պայմաններում:

Գոյություն ունեն նաև ոսկեգույն ստաֆիլակոկի բուժման մի շարք ժողովրդական միջոցներ, որոնք հակաբիոտիկների հետ մեկտեղ կօգնեն հաղթահարել կայուն բակտերիան:

1.      Ծիրան և սև հաղարջ. օրգանիզմն ամրապնդելու և վիտամին C-ի պակասը լրացնելու համար անհրաժեշտ է սոված փորին ուտել 500 գրամ ծիրանից ու սև հաղարջից պատրաստված խյուս: Այս օգտակար խյուսն իջեցնում է աղիներում բակտերիաների կենսական ակտիվությունը՝ ազդելով որպես հակաբիոտիկ:

2.      Մասուր. բուժման ողջ կուրսի ընթացքում հարկավոր է օրական երկու անգամ խմել 100 մլ մասուրի թուրմ, որը վիտամին C-ի հարուստ աղբյուր է:

3.      Խնձորի քացախ. խնձորի քացախի լուծույթով (2 ճաշի գդալ քացախ և 200 մլ ջուր) դեղաթրջոցները շատ արդյունավետ են ֆուրունկուլների բուժման համար:

4.      Թեյի ծառի յուղ. այս յուղը հիանալի օգնական է գրեթե բոլոր միկրոօրգանիզմների և սնկերի դեմ պայքարում: Սակայն հարկավոր է օգտագործել միայն բնական բարձրորակ յուղ:

5.      Սխտոր. մինչ հակաբիոտիկներ հայտնագործելը մարդիկ իմունային համակարգը ամրապնդելու և պաշտպանելու համար օգտագործում էին սխտոր, որի մեջ պարունակվող ալլիցինն օժտված է ուժեղ հակամանրէային հատկությամբ:

Շատ կարոր է վարակը ժամանակին հայտնաբելն ու պատշաճ բուժում իրականացնելը: Վարակման կանխարգելման համար հարկավոր է լավ լվանալ ձեռքերը հատկապես՝ հասարակական վայրերում գտնվելուց հետո: Բացի այդ, ոչ մի դեպքում չի կարելի օգտագործել ուրիշի հիգիենայի պարագաները:

Հարկ է նաև հիշել, որ սննդի միջոցով չվարակվելու համար անհրաժեշտ է հատուկ ուշադրություն դարձնել մթերքի որակին ու թարմությանը և չգնել սննդամթերք կասկածելի վայրերից:

Նյութի աղբյուրը՝ takprosto.cc