Համեմը մաքրում է օրգանիզմը վնասակար նյութերից ու ծանր մետաղներից

13:16 • 19.08.16

Մեր օրգանիզմն անըդհատ ենթարկվում է բազմաթիվ թունավոր նյութերի ազդեցությանը, որոնք ներթափանցում են սննդի, ջրի և օդի միջոցով: Երբեմն այդ տոքսինները մնում են օրգանիզմում, ինչը կարող է հանգեցնել բազմաթիվ լուրջ հիվանդությունների առաջացման: Սա է պատճառը, որ հարկավոր է պարբերաբար մաքրել օրգանիզմը՝ առողջությունը պահպանելու համար:

Համեմը համարվում է դետոքսիկացիայի համար ամենաարդյունավետ միջոցներից մեկը, որը մաքրում է օրգանիզմը վնասակար նյութերից ու ծանր մետաղներից: Այն նույնիսկ մաքրում է օրգանիզմը սնդիկից: Այդպիսի ծանր մետաղները կարող են հանգեցնել առողջական լուրջ խնդիրների (գլխուղեղի աշխատանքի վատացում, քաղցկեղ, երիկամների հիվանդություններ, սրտանոթային համակարգի հիվանդություններ, թոքերի հիվանդություններ, հոգեկան խանգարումներ և այլն):

Օրգանիզմը նման խնդիրներից պաշտպանելու համար հիանալի տարբերակ է համեմը, ոըը կալիումի, մանգանի, կալցիումի, մագնեզիումի և երկաթի հարուստ աղբյուր է: Բացի այդ, այն պարունակում է մեծ քանակությամբ A և K վիտամիններ, օժտված է հակաբորբոքային, հակասնկային և հակասեպտիկ հատկություններով և օգնում է արագ ազատվել բորբոքումներից:

Ինչպես համեմի օգնությամբ իրականացնել օրգանիզմի դետոքսիկացիան

Անհրաժեշտ է.

· ½ բաժակ մանրացրած համեմ,

· ½ բաժակ խնձորի հյութ,

· ½ բաժակ ֆիլտրած ջուր,

· 1 թեյի գդալ սեզ (փոշիացրած):

Պատրաստման եղանակը.

Բոլոր բաղադրիչները խառնել և հարիչով մանրացնել այնքան ժամանակ, մինչև ստացվի համասեռ զանգված:

Խառնուրդը խմել ամեն օր նախաճաշին՝ բորբոքումները նվազեցնելու և օրգանիզմը տոքսիններից մաքրելու համար: Բացի այդ, համեմը կարելի է նաև ավելացնել աղցաններին ու ապուրներին, ինչը նույնպես շատ օգտակար է:

Նյութի աղբյուրը՝ letsgohealthy.net