Այս վիտամինի դեֆիցիտը կարող է պատճառ դառնալ մեջքի ու հոդերի տանջող ցավերի

10:33 • 20.08.16

Շատերը կարծում են, որ հոդացավերը ծերացման բնական արդյունքն են, սակայն լինում են դեպքեր, երբ անտանելի ցավերը պայմանավորված են լինում վիտամինի պակասով և հենց այդ իսկ պատճառով մարդը պետք է մնա ֆիզիկապես ակտիվ:

Մեծ մասամբ հոդացավերն իսկապես լինում են ծերության արդյունքում, սակայն դրանք կարող են պայմանավորված լինել նաև օրգանիզմի թթվայնության մակարդակով, սննդակարգով, ավելորդ քաշով և, ինչպես ցույց են տվել վերջերս արված ուսումնասիրությունները, վիտամին D-ի պակասով:

Այս խնդիրը ժամանակին չլուծելու դեպքում ցավը կարող է ուժեղանալ և հանգեցնել ոսկորների հետ կապված խնդիրների կամ արթրիտի առաջացմանը:

Օրգանիզմում վիտամին D-ի պակասի ախտանշաններն են.

· հավասարակշռության խանգարումը,

· վատ քունը,

· ոտքերի այրոցն ու քորը,

· ոտքերի ցավը

Այս վիտամինի պակասը կարելի է հայտնաբերել նաև պարզ թեստի օգնությամբ: Անհրաժեշտ է սեղմել կրծքավանդակին և հետևել օրգանիզմի արձագանքին: Եթե ցավը զգացվում է անմիջապես սեղմելուց հետո, ապա հարկավոր է ավելացնել օրվա ընթացքում օգտագործվող վիտամին D-ի քանակը:

Օրգանիզմում այս վիտամինի մակարդակը բարձրացնելու համար՝ առաջին հերթին անհրաժեշտ են արևի ճառագայթներ: Հարկավոր է օրական առնվազն 10-15 րոպե անցկացնել արևի տակ: Բացի այդ, կարելի է նաև օգտագործել վիտամին D-ով հարուստ սննդամթերք (ձվի դեղնուց, թունա, սկումբրիա, սնկեր և այլն):

Վիտամին D-ի պակասի դեպքում կարելի է նաև ընդունել հատուկ հավելումներ և չփոխել սովորական սննդակարգը: Սակայն հարկ է ուշադրություն դարձնել, որ ավելի լավ է ընդունել վիտամին D3-ի հավելումներ, այլ ոչ թե D2-ի, քանի որ D3-ն արտադրվում է բնական ճանապարհով՝ որպես օրգանիզմի պատասխան ռեակցիա արևի ճառագայթներին:

Նման հավելումները կարող են պարունակել մինչև 5000 МЕ վիտամին, ինչպես նաև պրոբիոտիկներ, որոնք շատ օգտակար են մարսողական համակարգի համար:

Նյութի աղբյուրը՝ healthyfoodhouse.com