6 պատճառ՝ ձմերուկի կեղևը դեն չնետելու համար

16:32 • 22.08.16

Բոլորին էլ դուր են գալիս թարմացնող, համեղ, քաղցր ու հյութեղ ձմերուկները, հատկապես՝ ամառվա տապին: Դրանք անչափ հարուստ են սննդարար նյութերով, վիտամիններով, հանքանյութերով ու հակաօքսիդանտներով, որոնք զգալիորեն բարելավում են օրգանիզմի ընդհանուր վիճակը:

Ձմերուկները մաքրում են օրգանիզմը տոքսիններից ու ավելորդ աղերից: Ընդ որում՝ օգտակար է ոչ միայն պտղամիսը, այլև կեղևը:

Որպես կանոն՝ մարդիկ դեն են նետում ձմերուկի կեղևը, որը, սակայն, հարուստ է A, C և B6 վիտամիններով, մագնեզիումով, կալիումով և ցինկով: Ձմերուկի կարմիր մասը պարունակում է մեծ քանակությամբ լիկոպին, որը հզոր հակաօքսիդանտ է և պաշտպանում է բազմաթիվ հիվանդություններից: Բացի այդ, ապացուցվել է, որ ձմերուկի օգտակար նյութերի 95%-ը պարունակվում է կեղևի մեջ:

Ձմերուկները նաև հարուստ են ցիտրուլին ամինաթթվով, որը նպաստում է մկանների աճին, ուստի այն շատ օգտակար է ուտել մարզասրահ այցելելուց հետո:

Ձվերուկի կեղևը լիբիդոն բարձրացնելու հիանալի միջոց է: Ցիտրուլինի բարձր պարունակության շնորհիվ՝ ձմերուկի կեղևը բնական ճանապարհով բարձրացնում է սեռական ցանկությունը, և հենց այդ պատճառով էլ այս բաղադրիչն ավելացվում է լիբիդոն բարձրացնող մի շարք հավելումների մեջ:

Նպաստում է ավելորդ քաշի կորստին

Ձմերուկի կեղևը մանրաթելերի հիանալի աղբյուր է: Այն նաև օգնում է ազատվել ավելորդ քաշից և կանխել շատակերությունը: Բացի այդ, կեղևն օժտված է նաև միզամուղ հատկությամբ, ինչն օգում է հեռացնել օրգանիզմից ավելորդ հեղուկը:

Ձմերուկի կեղևն օգնում է կարգավորել արյան ճնշումը

Ձմերուկի կեղևը հիանալի միջոց է արյան գերճնշում ունեցողների համար, քանի որ այն կարգավորում է արյան ճնշումը՝ հեղուկի ավելցուկը օրգանիզմից հեռացնելով: Ուսումնասիրությունների համաձայն՝ ձմերուկի կեղևի հյութահանուկը շատ արդյունավետ է տարեցների արյան ճնշումը կայուն պահելու համար:

Ձմերուկի կեղևն օգտակար է արտազատական համակարգի համար

Ձմերուկի կեղևն օժտված է միզուղիների վարակումները կանխելու հատկությամբ: Բացի այդ, այն նաև օգտակար է երիկամների աշխատանքի համար, քանի որ մեծացնում է մեզի արտադրման քանակը և պահպանում է միզուղիների առողջությունը:

Օգնում է կանխել մահացու քաղցկեղը

Ձմերուկի կեղևում պարունակվում է ևս մի օգտակար նյութ, որը կոչվում է լիկոպին: Մի շարք հետազոտությունները ցույց են տվել, որ լիկոպինը 34%-ով նվազեցնում է շագանակագեղձի քաղցկեղի հավանակոնությունը: Լինելով հզոր հակաօքսիդանտ՝ լիկոպինը պաշտպանում է նաև քաղցկեղի այլ տեսակներից, ինչպիսիք են ստամոքսի քաղցկեղը, ենթաստամոքսային գեղձի քաղցկեղը, հաստ աղիքի քաղցկեղը, կերակրափողի քաղցկեղը և արգանդի վզիկի քաղցկեղը:

Ձմերուկներն անչափ օգտակար ու համեղ են և խորհուրդ է տրվում ներառել դրանք ամենօրյա սննդակարգի մեջ: Ձմերուկի կեղևը կարելի է օգտագործել աղցանների, ապուրների կամ սմուզիների մեջ: Աշխարհի շատ երկրներում մարդիկ օգտագործում են ձմերուկի կեղևը համեմունք, մուրաբա, ջեմ և մարմելադ պատրաստելու համար:

Նյութի աղբյուրը՝ healthyfoodteam.com