Ծնկահոդի դեֆորմացնող արթրոզի բուժումը ժողովրդական միջոցներով

Ծնկի հոդի արթրոզը միջին տարիքի մարդկանց շրջանում ամենատարածված հիվանդություններից մեկն է, որը որպես կանոն առաջանում է հիմնականում ավելորդ քաշ ունեցողների մոտ (ավելի շատ կանանց):

Հիվանդությունը դրսևորվում է ծնկների հոդերի ցավով (ցավն անհամաչափ է և մի ծունկը մյուսից շատ է ցավում), առավոտյան շարժումների կաշկանդվածությամբ, ինչպես նաև քայլելիս հոդի առաջացրած ձայներով:

Ժամանակին միջոցներ չձեռնարկելու դեպքում կարող են առաջանալ բարդություններ, հիվանդությունը կհանգեցնի ծնկի հոդի առանցքի դեֆորմացիայի և ոտքերի ծռվածության:

Սակայն գոյություն ունեն մի շարք ժողովրդական միջոցներ, որոնք շատ արդյունավետ են և չեն առաջացնում կողմնակի բարդություններ:

Ժողովրդական միջոցներ ծնկի արթրոզի դեմ

Ձվով տրորում

Անհրաժեշտ է թարմ ձվի դեղնուցը, սկիպիդարն ու խնձորի քացախը (1:1 հարաբերակցությամբ) լավ խառնել և ստացված հեղուկով գիշերը շփել հիվանդ հոդերը: Այնուհետև հարկավոր է վիրակապել հոդը և փաթաթել տաք բրդյա կտորով: Պորցեդուրաները հարկավոր է անել շաբաթական 2-3 անգամ՝ հավասարաչափ ընդմիջումներով:

Ծիծեռնախոտի յուղով շփումներն ամենաարդյունավետ միջոցներից մեկն են համարվում

Մեկ այլ միջոց պատրաստելու համար անհրաժեշտ է 3 գդալ մանրացրած թարմ ծիծեռնախոտը (տերևներն ու ցողունները) լավ տրորել, այնուհետև ավելացնել բուսական յուղ (ցանկալի է ձիթայուղ), ամուր փակել տարրան և 2 շաբաթ դնել մութ տեղ: Թրմելուց հետո խառնուրդն անհրաժեշտ է քամել և օգտագործել ամեն օր մերսումների շամանակ: Կուրսի տևողությունն է 1 ամիս:

Շոգեխաշած կռատուկով կոմպրեսներ

Այս պրոցեդուրայի համար հարկավոր է կռատուկի 5-6 միջին չափի տերևը շոգեխաշել տաք գոլորշիով, հոդերին քսել բուսայուղ և տերևները դնել հոդերին: Վրայից հարկավոր է փաթափել պոլիէթիլենային թաղանթ և տաք կտոր:

Դեղաբույսային թուրմ՝ ներքին կամ արտաքին օգտագործման

Դեֆորմացնող արթրոզի բուժման համար օգտակար թուրմերի շարքին են դասվում նրանք, որոնք բաղկացած են.

Կեչու բողբոջներից (100 գրամ հումքը թրմել կես լիտր օղու մեջ և օգտագործել ամենօրյա շփումների համար),
Լորամրգի թուրմը (2 գդալ լորամիրգը թրմել մեկ լիտր եռման ջրում և խմել)
 

Քափուրով(կամֆորա) շփումները բարելավում են ոտքերի արյան շրջանառությունն ու մեղմացնում ցավը

500 մլ լուծույթ ստանալու համար անհրաժեշտ է քափուրի մի փոքր կտորին ավելացնել նախապես պատրաստված սկիպիդարի, օղու և բուսայուղի խառնուրդ (1:1): Ստացված խոռնուրդով անհրաժեշտ է գիշերը լավ մերսել ծնկներն ու փաթաթել տաք կտորով:

Բուժում մումիոյի օգնությամբ

Այս միջոցի պատրաստման համար հարկավոր է 3 գրամ մումիոն խառնել 100 գրամ բնական մեղրին և ստացված խառնուրդը գիշերը քսել ախտահարված հատվածներին: Բուժման կուրսի տևողություն է մեկ շաբաթ: Նաև խորհուրդ է տրվում պարբերաբար գործածել այս խառնուրդը՝ որպես ներքին օգտագործման միջոց:

Մեղրով մերսում

Մեկ ճաշի գդալ մեղրը տաք գոլորշու վրա տաքացնել մինչև դառնա հեղուկ այնուհետև այդ մեղրով զգույշ մերսել հիվանդ ծունկը, ծածկել մառլյայով և տաք կտորով և թողնել, որ այն ազդի (15 րոպե): Լավ արդյունքի հասնելու համար անհրաժեշտ է կատարել մոտ 10 պրոցեդուրա:

Զգուշացում.

Հարկ է հիշել, որ ժողովրդական միջոցները որպես բուժման միջոց ընտրելու դեպքում՝ միևնույն է հարկավոր է նախապես խորհրդակցել բժշկի հետ, որպեսզի նա նշանակի ճիշտ չափաբաժինն ու զգուշացնի հնարավոր հակացուցումների մասին:

Նյութի աղբյուրը՝ setmar.ru