4 պարզ, հասանելի ու արդյունավետ բաղադրատոմս՝ ենթաստամոսային գեղձի բուժման համար

1-ին բաղադրատոմս

Ենթաստամոքսային գեղձի բուժման համար շատ հարմար են սամիթի սերմերը: Անհրաժեշտ է մեկ թեյի գդալ սամիթի սերմերին ավելացնել մեկ բաժակ եռման ջուր և թրմել մեկ ժամ: Մեկ ժամ անց թուրմը հարկավոր է քամել և խմել այն օրվա ընթացքում՝ քիչ-քիչ:

2-րդ բաղադրատոմս

Ամենատարածված և ամենաարդյունավետ ժողովրդական միջոցներից մեկը վարսակն է, որը կարելի է օգտագործել ցանկացած վիճակում: Վարսակը դեռ շատ վաղուց ամբողջ աշխարհում համարվել է չափազանց օգտակար մթերք: Ենթաստամոքսային գեղձի բուժման համար խորհուրդ է տրվում ուտել վարսակի շիլա՝ պատրաստված միայն ջրով և առանց աղի ու յուղի: Այն անհրաժեշտ է ուտել օրական մի քանի անգամ մեկ շաբաթ շարունակ: Հատկապես օգտակար է համարվում այդ շիլայով նախաճաշելը:

Իհարկե նման սնունդը շատ շուտով կձանձրացնի, ուստի կարելի է շիլայի փոխարեն խմել վարսակի թուրմ: Թուրմը պատրաստելու համար հարկավոր է կես կգ վարսակին ավելացնել մեկ լիտր եռման ջուր, մեկ ժամ թրմել, այնուհետև քամել և խմել օրական երեք անգամ՝ կես բաժակ:

3-րդ բաղադրատոմս

Շատ լավ ժողովրդական միջոց է կիտրոնով, մաղադանոսով ու սխտորով պատրաստվող խառնուրդը: Անհրաժեշտ է 1 կգ կիտրոնը (կիտրոններից հեռացնել սերմերը, բայց ոչ կեղևը), 300 գրամ սխտորն ու 300 գրամ մաղադանոսը մանրացնել մսաղացի օգնությամբ և խառնել: Խառնուրդը հարկավոր է պահել սառնարանում ապակյա տարրայի մեջ: Բուժման ընթացքում անհրաժեշտ է օրական երեք անգամ ուտելուց 15 րոպե առաջ ընդունել մեկական գդալ խառնուրդ: Ավելի լավ արդյունքի հասնելու համար կարելի է խառնուրդից հետո խմել վայրի ելակի և հապալասի տերևներով պատրաստված թուրմ: Թուրմը պատրաստելու համար հարկավոր է վերոնշյալ բույսերի տերևները, ինչպես նաև եգիպտացորենի մազիկներն ու կանաչ լոբին (բոլոր բաղադրիչները հավասար չափաբաժիններով) լցնել թերմոսի մեջ, ավելացնել եռման ջուր և թրմել մի քանի ժամ:

Այս միջոցը հարկավոր է ընդունել հետևյալ կերպ. ուտել վերոնշյալ խառնուրդից մեկ թեյի գդալ, այնուհետև խմել 1/3 բաժակ թուրմ: Բուժման կուրսի տևողությունն է երեք ամիս:

4-րդ բաղադրատոմս

Հետևյալ միջոցը հարկավոր է պատրաստել երեկեյան: Դրա համար անհրաժեշտ է մի տուփ կեֆիր (կես լիտր) և մեկ բաժակ հնդկաձավար: Հնդկաձավարը հարկավոր է մաքրել ու լավ լվանալ, այնուհետև ավելացնել կեֆիրն ու թողնել, որ թրմվի: 12 ժամ անց հարկավոր է ստացված զանգվածը բաժանել երկու հավասար մասի, որոնցից մեկը հարակավոր է ուտել նախաճաշի փոխարեն, իսկ երկրորդը՝ ընթրիքի: Շատ օգտակար կլինի, երե գոնե մի քանի օր հիվանդը սնվի այս ռեժիմով և օրվա ընթացքում այլևս ոչինչ չուտի: Հետագայում ճաշի համար կարելի է պատրաստել շոգեխաշած բանջարեղեն, իսկ երբեմն կարելի է ուտել նաև մի փոքր միրգ:

Այս դիետայի տևողությունն է 10 օր, որից հետո հարկավոր է անել 10-օրյա ընդմիջում, այնուհետև կրկնել կուրսը: Այս մեթոդով բուժված մարդիկ նշում են, որ ընդամենը մի քանի օր անց արդեն նկատվում են դրական փոփոխություններ. ցավերը մեղմանում են, մարմինը կարծես թեթևանում է, իսկ աղիների փխվածությունն անցնում:

Հարկ է հիշել, որ այս ժողովրդական մեթոդներով բուժվելիս անհրաժեշտ է կատարել նաև որոշ վարժություններ: Օրինակ՝ շատ օգտակար են հատուկ շնչառական վարժությունները, որոնք օգնում են պանկրեատիտի դեպքում: Այս մարզանքների համար հարկավոր է խորը շունչ քաշել, այնուհետև ամբողջ օդն արտաշնչել և շունչը պահել: Շունչը պահած ժամանակ հարկավոր է ձգել որովայնի մկանները, դանդաղ հաշվել մինչև երեքը և թուլացնել մկանները: Այս վարժությունն օրական 10 անգամ կատարելը կօգնի ամրապնդել ենթաստամոքսային գեղձն ու ազատվել դրա որոշ հիվանդություններից:

Նյութի աղբյուրը՝ ognov.ru