Էնդոմետրիումի գեղձային հիպերպլազիա. հիգիենան և կանխարգելման միջոցները

Էնդոմետրիումի հիպերպլազիան արգանդի ներքին շերտի բարորակ գերաճն է, որը հանգեցնում է դրա հաստացմանն ու չափերի մեծացմանը: Այս գործընթացը պայմանավորված է էնդոմետրիումի գեղձային ու ստրեմալ տարրերի արագ բազմացմամբ:

Կախված այս կամ այն տարրերի գերակայությունից՝ տարբերվում են էնդոմետրիումի հիպերպլազիայի մի քանի տեսակ.

·         գեղձային (գեղձային հյուսվածքների գերաճում),

·         գեղձա-կիստոզային (գեղձայի հյուսվածքներ կիստաներով),

·         ատիպիկ՝ ատիպիկ բջիջներով (այս տեսակը դասվում է նախաքաղցկեղային հիվանդությունների շարքին: Ադենոմատոզի՝ քաղցկեղի վերածվելու վտանգը 10% է),

·         էնդոմետրիումի գեղձային, գեղձա-ֆիբրոզային և ֆիբրոզային պոլիպներ (հիպերպլազիայի այս տեսակը մյուսներից ավելի տարածված է)

Գեղձային և գեզձա-ֆիբրոզային պոլիպները հազվադեպ են վերածվում քաղցկեղի, սակայն կարող են բարենպաստ ֆոն ստեղծել՝ էնդոմետրիումի քաղցկեղի զարգացման համար:

Էնդեմետրիումի հիպերպլազիայի ժամանակ հակացուցված են բոլոր տեսակի ջերմային պրոցեդուրաները, այդ թվում նաև սաունաներն ու շոգեբաղնիքները:

Էնդոմետրիումի հիպերպլազիայի կանխարգելման համար անհրաժեշտ է.

·         տարեկան երկու անգամ անցնել գինեկոլոգիական բուժզննում,

·         հրաժարվել աբորտներից,

·         սեռական օրգանների բորբոքումներն ու գինելոլագիական այլ հիվանդությունները ժամանակին բուժել,

·         ընդունել հորմոնալ հակաբեղմնավորիչներ,

·         բուժել ոչ սեռական բնույթի ուղեկցող հիվանդությունները (շաքարային դիաբետի դեպքում վերահսկել արյան մեջ շաքարի մակարդակը, գերժնշման դեպքում իջեցնել բարձր ճնշումը, ճարպակալման դեպքում նիհարել և այլն),

·         պարբերաբար կատարել ֆիզիկական վարժություններ ու սպորտով զբաղվել:

Բացի այդ, այս հիվանդության ժամանակ, հակացուցումների բացակայության դեպքում, շատ օգտակար է նաև կոնտրաստային ցնցուղ ընդունելը:

Կոնտրաստային ցնցուղը շատ օգտակար է նաև առիթմիայի, ճարպակալման, արյան գերճնշման նախնական փուլի, վեգետատիվ անոթային դիստոնիայի դեպքում: Սա օրգանիզի համար յուրահատուկ մարզանք է, որը կազդուրում է, օգնում է բարելավել մաշկի վիճակը, ամրապնդում է անոթները, բարձրացնում իմունիտետը: Կոնտրաստային ցնցուղի ժամանակ մարզվում են մկանները, ջլերը, անոթները, մազանոթները, բարելավվում է արյան շրջանառությունը, արագանում են բջիջներում փոխանակման գործընթացները, սկսում են ակտիվորեն այրվել կալորիաները և օրգանիզմը մաքրվում է թունավոր նյութերից:

Ջերմաստիճանների կոնտրաստը մաշկի համար յուրահատուկ գիմնաստիկա է: Տաք ջրի ազդեցության տակ մաշկի ծակոտիները բացվում են , իսկ սառը ջուրը ստիպում է որ դրանք սեղմվեն: Արդյունքում՝ սա նպաստում է մաշկի թարմացմանն ու առաձգականություն է հաղորդում: Բացի այդ, տաք ու սառը ջրերի ազդեցությունը խթանում է նյարդային ու էնդոկրին համակարգերի աշխատանքը և ամրապնդում մկանները: Այն նաև բարելավում է իմունային համակարգի աշխատանքը, քանի որ օրգանիզմը, աստիճանաբար սովորելով ջերմաստիճանի կտրուկ տատանումներին, դառնում է ավելի քիչ զգայուն տարբեր հիվանդությունների հանդեպ:

Ինչպես է պետք ճիշտ կոնտրաստային ցնցուղ ընդունել

Կոնտրաստային ցնցուղը հարկավոր է ընդունել մինչև նախաճաշը (սննդի ընդունումից հետո սառը ջուրը վնասակար է մարսողության համար) և մարմնամարզությունից հետո: Այս դեպքում այն ավելի արդյունավետ կլինի, քանի որ արյան շրջանառությունն արագացած է, իսկ մկանները տաքացած: Կոնտրաստային ցնցուղը կարելի է ընդունել նաև երեկոյան, սակայն ոչ քնելուց առաջ, քանի որ այն թարմացնող է և կարող է հանգեցնել անքնության:

Կոնտրաստային ցնցուղն անհրաժեշտ է ընդունել ամեն օր, քանի որ պարբերականությունը շատ մեծ նշանակություն ունի: «Մարզումների» առաջին օրերին կարող է նկատվել անհարմարություն, որը սակայն կանցնի մի քանի պրոցեդուրայից հետո:

Պրոցեդուրան կատարելիս պետք չէ շտապել և միանգամից սկսել սառը կամ շատ տաք ջրից: Անհրաժեշտ է որոշ ժամանակ հանգստանալ մարմնի համար սովորական ջերմաստիճանի ջրի տակ, այնուհետև աստիճանաբար բարձրացնել ջրի ջերմաստիճանը: Անհրաժեշտ է 1-2 րոպե մնալ շատ տաք (բայց ոչ այրող) ջրի տակ, այնուհետև կտրուկ սառեցնել այն: Սակայն հարկ է հիշել, որ սառը ջուրը չպետք է սառցե լինի: Սառը ջուրը նույնպես պետք է սառեցնել աստիճանաբար, սակայն, ի տարբերություն տաք ջրի, այն պետք է սառեցնել պրոցեդուրայից պրոցեդուրա՝ 2-4 շաբաթվա ընթացքում:

Սկզբնական շրջանում բավական է 5-10 վայրկյան անցկացնել սառը ջրի տակ, սակայն օրեցօր այդ ժամանակահատվածը պետք է երկարի: Ի վերջո հարկավոր է այնքան կոփել մարմինը, որ հնարավոր լինի տաք ջրի տակ անցկացնել 90 վայրկյան, իսկ սառի տակ՝ 30 վայրկյան:

Կոնտրաստային ցնցուղը միշտ հարկավոր է սկսել տաք ջրով և ավարտել սառով:

Սառը ջրով հարկավոր է ցողել մարմինը վերևից ներքը և ոչ մի դեպքում չի կարելի անել հակառակը: Գլուխը չի կարելի թրջել սառը ջրով, նույնիսկ, եթե դուք շատ կոփված եք:

Ցնցուղի ընթացքում հարկավոր է պարբերաբար հերթով մի փոքր բարձրացնել ոտքերը, որպեսզի ոտնաթաթերը նույնպես ստանան իրենց բաժին էներգիան:

Ընդհանուր առմամբ ցնցուղը պետք է տևի 10 րոպե, սակայն այս արդյունքին հարկավոր է հասնել աստիճանաբար: Սկզբնական շրջանում բավարար կլինի 2-3 րոպեն:

Ցնցուղից հետո անհրաժեշտ շատ լավ տրորել մարմինը կոշտ սրբիչով (այնքան, որ մաշը մի փոքր կարմրի): Պետք չէ ցնցուղից անմիջապես հետո դուրս գալ տնից: Հարկավոր է գոնե մեկ ժամ անցկացնել տանը:

Թարմությունն ու էներգիան ապացույցն են այն բանի, որ կոնտրաստային ցնցուղը շատ օգտակար է ձեզ համար: Սակայն եթե վերջույթները սառում են, նկատվում է դող և այլ տհաճ զգացողություններ, ապա նշանակում է ջերմաստիճանը սխալ է ընտրված կամ դուք որևէ բան սխալ եք անում: Հարկավոր է հիշել, որ չի կարելի ընկնել ծայրահեղությունների գիրկը: Ամեն ինչ պետք է անել աստիճանաբար և չափավոր:

Նյութի աղբյուրը՝ med2.ru