Չինական բժշկության վարժություններ պարանոցի ողերի համար

Պարանոցի ցավերն ու ոչ բնորոշ ձայները գլուխը շարժելիս շատ տհաճ զգացողություններ են, որոնք, ցավոք, ծանոթ են յուրաքանչյուր երկրորդին, քանի որ ժամանակակից հասարակությունը հակված է նստակյաց կյանք վարելու: Համակարգչի առջև երկար անշարժ նստելով՝ մարդիկ ձեռք են բերում մի շարք խնդիրներ՝ կապված ողնաշարի հետ:

Պարանոցի հատվածում սեղմվածությունը կարող է նպաստել գլխացավերի առաջացմանը, գլխուղեղի արյան շրջանառության խանգարմանն ու նույնիսկ գիտակցության կորստին: Սակայն չինական բժշկության մեջ կան հատուկ վարժություններ, որոնք կօգնեն ազատվել վերոնշյալ տհաճ զգացողություններից և դրանց պատճառներից: Այս վարժություններն անհրաժեշտ է կատարել սահուն, դանդաղ և ուշադիր:

Վարժություններ պարանոցի ողերի համար

1.  Նստել աթոռին, մեջքն ուղղել, խորը շունչ քաշել և ափերով սեղմել ճակատին՝ միևնույն ժամանակ լարելով պարանոցի մկանները և թույլ չտալով, որ գլուխը ետ գնա: Շունչը պահել և մնալ նման լարված դիրքում 5-7 վայրկյան: Արտաշնչելիս ձեռքերը հեռացնել և 10 վայրկյան մնալ բացարձակապես հանգիստ վիճակում՝ գլուխը կախած: Կրկնել վարժությունը 3-5 անգամ:

2.   Խորը շունչ քաշել, ձեռքերը «կողպել» և դրանցով սեղմել ծոծրակին՝ միևնույն ժամանակ լարելով պարանոցի մկանները և թույլ չտալով, որ գլուխն առաջ գա: Այնուհետև արտաշնչել, հնարավորինս թուլանալ և հանգստանալ: Կատարել նույն վարժությունը մյուս ձեռքով: Կրկնել վարժությունը 3-5 անգամ:

3.   Խորը շունչ քաշել և ձախ ափով սեղմել քունքին՝ աշխատելով 5-7 վայրկյան դիմակայել ճմշմանը: Այնուհետև արտաշնչել, առավելագույնս թուլանալ և հանստանալ 10 վայրկյան: Կատարել նույն վարժությունը նաև ձախ ձեռքով: Կրկնել վարժությունը 3-5 անգամ յուրաքանչյուր ձեռքով:

4.  3-5 անգամ գլուխը խոնարհել առաջ ու ետ տանել: Շնչելիս գլուխը տանել ետ՝ ձեռքերով ետևից պարանոցը պահելով և դիմադրությունը հաղթահարելով, այնուհետև 5-7 վայրկյան պահել շնչառությունն ու լարել մկանները: Արտաշնչելիս գլուխը վերադարձնել ակզբնական դիրք և 10 վայրկյան հանգստաալ:

5.   Խոնարհվել առաջ և ափերով սեղմել պարանոցին՝ աստիճանաբար ենթարկվելով ճնշմանը: Շնչելիս գլուխը մոտեցնել կրծքին: Կզակը սեղմել պարանեցին, իսկ հայացքն իջեցնել: Մնալ այս դիրքում 5-7 վայրկյան, այնուհետև արտաշնչել և առավելագույնս թուլանալ:

6.   Շնչելիս գլուխը դանդաղ պտտել դեպի ձախ՝ լարելով պարանոցի մկանները: Հարկավոր է հնարավորինս երկար նայել շարժման ուղղությամբ: Շունչը 5-7 վայրկյան պահել, այնուհետև վերադառնալ սկզբնական դիրք և 10 վայրկյան հանգստանալ: Կատարել վարժությունը 3-5 անգամ յուրաքանչյուր ուղղությամբ:

7.   Գլուխը մոտեցնել կրծքին, թուլացնել պարանոցի մկանները և աշխատել կզակով հասնել անրակներին ու «շոյել» դրանք: Կրկնել վարժությունը 10 անգամ:

8.   Գլուխը ետ տանել, թուլացնել դեմքի ու պարանոցի մկանները և աշխատել ծոծրակով «տրորել» պարանոցի ստորի հատվածը: Կրկնել վարժությունը 20 անգամ:

9.   Ուսերը թուլացնել ու իջեցնել, այնուհետև դանդաղ շունչ քաշել և գագաթով հնարավորինս վեր ձգվել՝ փորձելով առավելագույնս երկարացնել պարանոցի ողերը: Միևնույն ժամանակ հարկավոր է պտտել գլուխը աջ ու ձախ: Վերադառնալ սկզբնական դիրք և հանգստանալ: Կրկնել վարժությունի 5 անգամ:

Որպեսզի վարժությունները լինեն ավելի արդյունավետ, անհրաժեշտ է գլուխը պտտելիս աչքերը թեքել նույն ուղղությամբ: Այս պարզ վարժությունը կարելի է անել ցանկացած տեղ և ցանկացած պահի, եթե պարանոցը կտրուկ սկսի ցավել:

Բացի այդ, հարկավոր է հետևել նաև սննդակարգին: Պարանոցի խնդիրների դեպքում անհրաժեշտ է բացառել չափազանց աղի ու ճարպոտ սնունդը, օգտագործել ավելի շատ կաթնամթերք ու խմել հնարավորինս շատ ջուր: Հարկ է հիշել որ պարանոցի ողերի առողջությունից է կախված գլխուղեղի ակտիվությունը:

Նյութի աղբյուրը՝ takprosto.cc