Ինչով է օգտակար անանուխը մարդու օրգանիզմի համար

12:50 • 28.08.16

Անանուխի տարատեսակ բուժիչ հատկությունների մասին հայտնի է դեռ հին ժամանականերից: Անանուխը շատ տարածված է ժողովրդական բժշկության մեջ: Այս բույսն ունի բուժիչ ազդեցության լայն սպեկտոր: Բույսերի հիման վրա ստեղծված դեղամիջոցները մարդու առողջության համար ավելի անվտանգ են և նրանց անցանկալի հետևանքների առաջացման հավանականությունն ավելի քիչ է:

Անանուխի հակամանրէային ազդեցությունը տարածվում է տարբեր տեսակի ախտածին միկրոօրգանիզմների՝ ստաֆիլոկոկի, հելիկոբակտեր պիլորի, աղիքային ցուպիկի, սալմոնելա աղիքային մանրէի, ինչպես նաև ախտահարույց սնկերի վրա:

Անանուխի յուղը հանդիսանում է գրգգռված աղու ախտանիշի բուժման տարածված միջոց: Այն ընդունում են սրտխառնոցի, փորկապության դեպքում: Օժտված է նաև թեթև լեղամուղ հատկությամբ:

Այս բույսը կիրառվում է նաև մանկաբարձության և գինեկոլոգիայի ոլորտում: Այն օգտագործում են հղիության ժամանակ տոքսիկոզի դեպքում, ինչպես նաև եթե կնոջ մոտ առկա է ծանր դաշտանային ցիկլ: Կրծքով կերակրելու ընթացքում, կնոջ մոտ կարող է առաջանալ կաթի լճացում: Այս դեպքում անանուխի տերևները կարելի է դնել կրծքի վրա:

Անանուխն օգտագործվում է հակամանրէային ատամի մածուկների և շամպունների կազմի մեջ: Իսկ անանուխի հանգստացնող հատկության մասին բոլորս գիտենք:

Շնորհիվ իր սպազմոլիտիկ հատկության, անանուխի մզվածքը առկա է սրտի կաթիլների, վալոկարդինի, կորվալոլի մեջ: Նրա օգտագործման ժամանակ լայնանում են արյունատար և սրտամկանային անոթները: Անանուխային յուղերը խթանում են լյարդի աշխատանքը և կարգավորում են նյութափոխանակությունը: Իսկ աղիներում, լորձաթաղանթի վրա ազդելու հետևանքով, ուժեղացնում է նրանց գալարակծկանքը (պերիստալտիկան):

Անանուխը օգտագործվում է մարսողական համակարգի հիվանդությունների, ջղաձգության և ծակծկոցների, փորափքանքի, մաղձային համակարգի պաթալոգիայի, կրծքային հեղձուկի, մրսածության, գլխացավի, նյարդացավի, դերմատիտի և բորբոքային գործընթացների դեպքում:

Աղբյուրը՝ gogetnews.info