Կանանց համար ամենակարևոր 10 վիտամինը

Մարդու օրգանիզմն ամբողջական ու ներդաշնակ համակարգ է, որը երկար տարիներ կաշխատի միայն այն դեպքում, երբ բոլոր «մասնիկները» միասին են և լավ «յուղված»:

Օրգանիզմի համար այդ «յուղը» վիտամիններն են, որոնք կարգավորում են օրգանիզմի տարբեր գործառույթներ՝ արյան մատակարարումը, շնչառությունը, ռեգեներացիան և այլն: Սակայն ինչպես տղամարդկանց, այնպես էլ կանանց համար կան համեմատաբար ավելի կարևոր վիտամիններ: Ձեր ուշադրությանն ենք ներկայացնում կանանց համար ամենակարևոր 10 տարրը:

1. Վիտամին А (գազար, սեխ)

Վիտանիմ A-ով հարուստ սննդամթերքը ամրապնդում է իմունային համակարգը, բարելավում է տեսողությունն ու զգալիորեն նվազեցնում սրտանոթային հիվանդությունների առաջացման հավանականությունը:

2. Վիտամին В (ծնեբեկ, լոբազգիներ)

B խմբի վիտամիններն ութն են: Նրանք կարգավորում են նյութափոխանակությունը, բարձրացնում մկանային տոնուսը և բարելավում գլխուղեղի աշխատանքը: Երիտասարդ կանանց համար շատ կարևոր է վիտամին В9՝ ֆոլաթթուն, որը նպաստում է էրիթրոցիտների արտադրմանը և նույնիսկ պաշտպանում է քաղցկեղից:

3. Վիտամին С (ցիտրուսային մրգեր, կարմիր պղպեղ, բրոկոլի)

Այս վիտամինը ոչ միայն ամրապնդում է իմունիտետը, այլև պայքարում է սրտանոթային հիվանդությունների դեմ, կանխում է աչքերի բազմաթիվ հիվանդությունների առաջացումը, ազատում է կնճիռներից և շատ օգտակար է ապագա մայրկիների համար:

4. Վիտամին D (արևի ճառագայթներ, սաղմոն, կաթ, նարնջի հյութ)

Սա միակ վիտամինն է, որը կարելի է ստանալ ոչնչից: Վիտամին D-ն պաշտպանում է կրծքի ու ձվարաների քաղցկեղից և շաքարային դիաբետից: Բացի այդ, այն դրական ազդեցություն է ունենում մազերի, մաշկի, ատամների և եղունգների առողջության վրա:

5. Վիտամին Е (պնդուկ, գետնանուշի յուղ, արևածաղկի և սոյայի յուղեր)

Այս հրաշալի վիտամինը կանխում է ծերացումը: Այն գործում է որպես հակաօքսիդանտ՝ պայքարելով ազատ ռադիկալների դեմ, որոնք քայքայում են սպիտակուցները, նպաստում ծերացմանը, ճարպակալմանն ու լիբիդոյի նվազեցմանը:

6. Վիտամին К (ծաղկակաղամբ, կալե կաղամբ, տավարի միս)

Մասնագետների խոսքով՝ այս միտամինի 75%-ն արտադրվում է մեր օրգանիզմում հատուկ բակտերիաների կողմից, սակայն այն կարելի է ստանալ նաև սննդի միջոցով: Այն կարգավորում է արյան մակարդելիությունը, ապահովում աղեստամոքսային համակարգի առողջությունը և ազատում այնպիսի տհաճ խնդրից, ինչպիսին դիսբակտերիոզն է:

7. Կալցիում (կաթ, յոգուրտ, պանիր)

20 տարեկանից հետո ոսկորները սկսում են կորցնել ամրությունը, ուստի կալցիումի օրական չափաբաժինը շատ կարևոր է: Ի դեպ՝ շատ լավ տարբերակ է նաև մանրացրած ու փոշի դարձրած ձվի կեղևը: Դրա միջոցով կարելի է վերականգնել ոսկորները կոտրվածքներից հետո: Սակայն հարկավոր է իմանալ, որ կալցիումն առավել լավ յուրացվում է վիտամին D-ի և ֆոսֆորի հետ: Բացի այդ, այս հանքանյութը պաստասխանատու է ոչ միայն ոսկորների, այլև ատամների ու նյարդային համակարգի համար:

8. երկաթ (լյարդ, կակղամորթեր, սիսեռ, դդմի սերմեր, սոյա)

Երկաթի պակասը հանգեցնում է սակավարյունության: Կանանց համար երկաթը շատ կարևոր է նաև դաշտանային ցիկլի համար:  Եթե օրգանիզմում չկա երկաթի պակաս, ապա դաշտանային ցիկլը չի խանգարվի և դաշտանը կանցնի անցավ:

9. Բիոտին (ձվի դեղնուց, ընկուզեղեն, սնկեր, ծաղկակաղամբ)

Բիոտինի շնորհիվ մազերն ու եղունգներն աճում են առողջ ու ամուր: Այն նաև պատասխանատու է տեսողության, մաշկի, լյարդի և նյարդային համակարգի առողջության համար:

10. Ֆոլաթթու (սպանախ, ցիտրուսային մրգեր, ելակ, ոսպ, լյարդ)

Այս վիտամինի ամենամեծ առավելությունը կամանց վերարտադրողական համակարգի առողջությունն ապահովելն է: Կանայք պետք է սկսեն ֆոլաթթու ընդունել արդեն հղիությանը նախապատրաստվելիս: Օրգանիզմում այս տարրի բավարար քանակի դեպքում երեխայի մոտ ոչ մի թերություն չի առաջանա:

Ինչ անել՝ բավարար վիտամիններ ու հանքանյութեր ստանալու համար

Ձեզ ենք ներկայացնում մոտավոր ճաշացանկը, որում հաշվարկված են բոլոր արհրաժեշտ նորմաները:

Նախաճաշ. ծնեբեկով ու պղպեղով ձվածեղ, մի բուռ ելակ, մի բաժակ կաթով սուրճ և մի բաժակ նարնջի հյութ:

Ճաշ. կալե կաղամբով, քերած պանրով և արևածաղկի սերմերով աղցան:

Հետճաշիկ. հումուսով գազար և մի բուռ ընկույզ:

Ընթրիք. Ոսպով ու կանաչեղենով սաղմոն, իսկ որպես աղանդեր՝ սեխով և այլ մրգերով կաթնաշոռ:

Շատ ավելի լավ կլինի, եթե դիմեք դիետոլոգի օգնությանը, ով կկազմի համապատասխան սննդակարգ՝ հաշվի առնելով ձեր ֆինանսական վիճակն ու աշխարհագրական առանձնահատկությունները:

Նյութի աղբյուրը՝ gogetnews.info