Ինչ ըմպելիքներ է հարկավոր տալ հիվանդ երեխային

Դեռ դարեր ի վեր մարդիկ գիտեն, որ մրսածության ժամանակ անհրաժեշտ է շատ հեղուկ օգտագործել: Իսկ ի՞նչ անհրաժեշտ տալ երեխային հիվանդանալու դեպքում:

Հնարավորինս շատ հեղուկ

Մրսածության դեպքում երեխայի օրգանիզմը սկսում է պայքարել վիրուսների դեմ և այդ ժամանակ կուտակվում են տոքսիններ, որոնք կարող են ազդել նույնիսկ երեխայի կենտրոնական նյարդային համակարգի վրա: Այդ վնասակար նյութերն օրգանիզմից հեռացնելու համար հարկավոր է շատ հեղուկ խմել:

Սակայն միայն շատ հեղուկ խմելը բավական չէ ապաքինվելու համար, ուստի պետք չէ միայն դրանցով բավարարվել: Հարկ է նաև հիշել, որ ձեր բոլոր գործողությունները, այդ թվում նաև բնական միջոցների գործածությունը, պետք է համաձայնեցված լինեն բժշկի հետ:

Եթե երեխայի ջերմությունը 38 աստիճանից բարձր է, ապա ավելի լավ կլինի հրաժարվել տաք ըմպելիքներից, քանի որ նրանք կնպաստեն ջերմության էլ ավելի բարձրանալուն:

Ամենակարևորն այն է, որ տաք թեյը խմելուց հետո երեխան մնա տաք տեղում, եթե իհարկե նա չունի բարձր ջերմություն:

Թեյը պետք է պատրաստել այնքան, որքան երեխան կկարողանա խմել: Ամեն անգամ հարկավոր է երեխային տալ թարմ թեյ: Բացի այդ, ըմպելիքը չպեսք է շատ տաք լինի, քանի որ օրգանիզմից տոքսինները դուրս բերելու համար բավական է տալ պարզապես գոլ թեյ:

Եթե օգտագործում եք մուրաբաներ, ապա պետք է հաշվի առնեք, որ դրանց մեջ պարունակվում է մեծ քանակությամբ շաքարավազ, ուստի պետք չէ չարաշահել: Թեյերն ավելի լավ է քաղցրացնել մեղրով կամ ֆրուկտոզայով:

Հարկ է հիշել, որ անհրաժեշտ է խմել օրական 2 լիտրից ոչ պակաս հեղուկ, եթե իհարկե երեխան չունի երիկամների խնդիրներ:

Ինչ է կարելի օգտագործել

Մեղրով թեյ. մեկ բաժակին 2 գդալ մեղրը բավական կլինի: Մեղրը պետք չէ չարաշահել, քանի որ այն կարող է ալերգիաներ առաջացնել: Բացի այդ, շատ տաք ջրում այն կորցնում է իր օգտակար հատկությունները, ուստի ջրի ջերմաստիճանը չպետք է գերազանցի 40 աստիճանը:

Մրսածության ժամանակ հիանալի մբուժիչ միջոց են դեղաբույսային թեյերը (երիցուկ, մասուր, վաղենակ (календула), ուրց և այլն), որոնք կարելի է պատրաստել ինչպես առանձին, այնպես էլ միասին: Այս բույսերից յուրաքանչյուրն օժտված է հակաբորբոքային և ջերմիջեցնող հատկություններով: Սակայն հարկավոր է զգույշ լինել լորենու (липа) թեյի հետ, քանի որ այն կարող է հանգեցնել անքնության:

Շատ օգտակար են նաև չրերից պատրաստված եփուկները, սակայն պետք է ուշադիր լինել և չափազանց շատ շաքարավազ չօգտագործել:

Բացի այդ, լկարելի է օգտագործել նաև լորամրգի մորս, որը լավագույն ըմպելիքն է մրսածության դեպքում: Այս հատապտուղը հարուստ է վիտամիններով և ունի բակտերիասպան հատկություններ:

Նյութի աղբյուրը՝ detstrana.ru