Վիտամին D-ի դեֆիցիտ. ախտանշանները, հետևանքներն ու բուժումը

18:03 • 04.09.16

Մարդու օրգանիզմի համար վիտամին D-ի օգտակարությունը դժվար է գերագնահատել: Այն կարգավորում է կալցիումի ու ֆոսֆորի յուրացումը, արյան մեջ վերջիններիս քանակությունը, ինչպես նաև ոսկրային հյուսվածքներ ու ատամներ նրանց հոսքը: Վիտամին A-ի, կալցիումի ու ֆոսֆորի հետ միասին այն պաշտպանում է օրգանիզմը մրսածությունից, շաքարային դիաբետից, աչքի ու մաշկային հիվանդություններից:

Վիտամին D-ն կանխում է նաև կարիեսի ու լնդերի պաթոլոգիայի առաջացումը, օգնում է պայքարել օստեոպորոզի դեմ ու արագացնում է կոտրվածքների ապաքինումը: Սակայն հաճախակի այնպես է պատահում, որ օրգանիզմում առաջանում է այդ վիտամինի դեֆիցիտ, որի հետևանքով էլ ի հայտ են գալիս մի շարք տհաճ ախտանշաններ:

Վիտամին D-ի դեֆիցիտի ախտանշանները

1. Ախորժակի կորուստ
2. Անքննություն
3. Բերանում ու կոկորդում այրոց
4. Քաշի կորուստ
5. Տեսողության վատացում

Վիտամին D-ի դեֆիցիտը բավականին տարածված երևույթ է, որի առաջացման հիմնական պատճառը արևի ճառագայթների պակասը, արևայրուքի համար նախատեսված քսուքների հաճախակի օգտագործումն ու մաշկի քաղցկեղի զարգացումը կանխող պրոֆիլակտիկ միջոցառումներից ելնելով՝ արևի ճառագայթներից խուսափելը:

Վիտամին D-ի դեֆիցիտ կարող է առաջանալ նաև սննդակարգում այնպիսի մթերքների օգտագործման բացակայության դեպքում, ինչպիսիք են՝ կաթնամթերքները, խոզի ու տավարի լյարդը, հավի ձուն ու ձկան յուղոտ տեսակները:

Մարդիկ տարիքի հետ, ունենում են վիտամին D-ի պակաս, որը հիմնականում առաջանում է երիկամների աշխատանքի խանգարման արդյունքում, այսինքն նրանք կորցնում են նշված տարրը վերամշակելու ունակությունը:

Գոյություն ունի նաև աղիների հիվանդություն, որը խախտում է վիտամին D-ի ներծծումը(Կռոնի հիվանդություն, մուկովիսցիդոզ, ցելակիա): Ճարպակալմաբ տառապող մեծահասակների մոտ ևս նկատվում է վիտամին D-ի դեֆիցիտ:

Գործոններ, որոնք խթանում են վիտամին D-ի դեֆիցիտ

1. Տարիքը 50+
2. Հղիությունն ու կրցքով կերակրելու շրջանը
3. Թուխ մաշկը
4. Երիկամների ու լյարդի հիվանդությունները
5. Անտացիդների ընդունումը
6. Վեգանական դիետան ու բուսակերությունը

Վիտամին D-ի դեֆիցիտը կարող է առաջացնել բավականին լուրջ հետևանքներ, որոնք կարող են հանգեցնել ոսկորների դեֆորմացիայի, կոտրվածքների, ռախիտի ու օստեոպորոզի:

Ավիտամինոզի զարգացումը արտահայտվում է այնպիսի հետևանքներով, ինչպիսիք են արթրիտը, կրծքի քաղցկեղը, ասթման ու սրտի հիվանդությունները:

Բարդությունների առկայությունն ուղղեկցվում է հետևյալ ախտանշաններով. անոթային համակարգի ցավեր, քրոնիկ հոգնածություն, գլխացավեր, ցրված սկլերոզ, հիպերտոնիա, 2-րդ տիպի շաքարային դիաբետ:

Մթերքներ, որոնք կօգնեն վերացնել վիտամին D-ի դեֆիցիտը

• ձկան յուղ
• սաղմոն (Лосось)
• կաթ
• հացաբույսեր
• ձու
• նարնջի հյութ
• սնկեր
• մարգարին
• տավարի լյարդ
• սոյա

Վիտամին D-ի դեֆիցիտի անգամ չնչին կասկածի դեպքում անհրաժեշտ է դիմել բժշկի ու ստանալ ճիշտ բուժում: Դա թույլ կտա խուսափել այդ վիտամինի դեֆիցիտից զարգացող ծանր հիվանդություններից:

Աղբյուրը՝ fithacker.ru