Վարսակով շիլայի 3 ամենաարդյունավետ բաղադրատոմսերը՝ արյան մեջ խոլեստերինի մակարդակը կարգավորելու համար

Այսպես կոչված «վատ խոլեստերինն» արտադրվում է ոչ միայն մեր օրգանիզմի կողմից, այլև պարունակվում է սննդի մեջ։ Այն կարող է կուտակվել հյուսվածքներում ու արյան շիճուկում, ինչն անչափ վտանգավոր է օրգանիզմի համար։

Սակայն օրգանիզմում խոլեստերինի մակարդակը կարգավորելու համար երբեմն բավական է միայն կարգվորել սննդակարգն ու պարբերաբար կատարել ֆիզիկական վարժություններ։

Արյան մեջ խոլեստերինի մակարդակը կարելի է կարգավորել հասարակ վարսակի օգնությամբ։ Վարսակը համարվում է «սուպերմթերք», որը շատ օգտակար է սրտի համար, կարգավորում է քաշը, բարելավում է մարսողությունն ու օգնում ազատվել փորկապությունից։ Այս մթերքը օգտագործվել է դեռ հին ժամանակներում և ընդունված է նաև ժամանակակից բժշկության մեջ։

Հետազոտությունները ցույց են տվել, որ վարսակը շատ օգտակար է և կարող է կարգավորել օրգանիզմում վատ խոլեստերինի մակարդակը։ Այն պարունակում է մեծ քանակությամբ լուծվող մանրաթելեր, որոնք շատ հարուստ են լիպոպրոտեիններով և թույն են տալիս իջեցնել արյան մեջ վատ խոլեստերինի մակարդակը։ Մանրաթելերի այս տեսակը պարունակվում է նաև խնձորների մեջ, որոնք վաղուց արդեն հայտնի են՝ որպես խոլեստերինի դեմ պայքարի հիանալի միջոց։

Սակայն հարկ է նշել, որ վասակով ոչ բոլոր մթերքներն են այսչափ օգտակար։ Օրինակ՝ վարսակով թխվածքաբլիթները պարունակում են մեծ քանակությամբ շաքարավազ ու ճարպեր, ուստի ցանկալի է ուտել միայն բնական վարսակ։

Ինչպես կարգավորել արյան մեջ խոլեստերինի մակարդակը վարսակի օգնությամբ

1.   Վարսակ կանաչ խնձորով և դարչինով 

Բաղադրությունը

·         100 գրամ վարսակ,

·         մեկ հատ կանաչ խնձոր

·         200 մլ ջուր,

·         մի փոքր դարչին։

Պատրաստման եղանակը.

Խնձորները լվանալ և առանց կեղևազրկելու կտրատել (կեղևը պարունակում է մեծ քանակությամբ օգտակար նյութեր)։ Վարսակին ավելացնել մի բաժակ (200 մլ) եռման ջուր և դնել կրակին։ 10 րոպե անց վարսակին ավելացնել կտրատած խնձորը և երբ դրանք փափկեն, վերցնել շիլան կրակից։

Խառնուրդը հարիչով հարել, մինչև դառնա համասեռ զանգված և ըմպելիքը մատուցելուց առաջ ավելացնել մի փոքր դարչին։

2.    Տանձով վարսակ

Բաղադրությունը.

·         մեկ հատ տանձ,

·         100 գրամ վարսակ,

·         մեկ բաժակ ջուր,

·         20 գրամ մեղր։

Պատրաստման եղանակը.

Այս բաղադրատոմսով պատրաստված վարսակը շատ հարմար է նախաճաշի և ընթրիքի համար։ Անհրաժեշտ է ջուրը լցնել կաթսայի մեջ, եռացնել, այնուհետև ավելացնել վարսակը և երբ շիլան դառնա թանձր ու համասեռ զանգված, վերցնել այն կրակից։

Տանձը մաքրել և մանր կտրատել (առանց կեղևազրկելու)։ Վարսակի շիլան լցնել ափսեի մեջ, ավելացնել մի քանի կտոր տանձ և մի ճաշի գդալ մեղր։

Տանձն իջեցնում է արյան մեջ խոլեստերինի մակարդակը, իսկ վարսակի հետ համադրելու դեպքում, դրա օգտակար հատկությունները միայն ավելանում են։

3.    Սալորով վարսակ

Բաղադրությունը.

·         100 գրամ վարսակ,

·         2 հատ սալոր,

·         3 հատ հունական ընկույզ,

·         մի բաժակ ջուր։

Պատրաստման եղանակը.

Խոլեստերինի դեմ պայքարում երեք ամենաարդյունավետ մրգերն են տանձը, խնձորն ու սալորը։ Բացի այդ, շատ օգտակար են նաև ելակը, կիվին, խաղողը և հապալասը (брусника), ուստի արյան մեջ խոլեստերինի մակարդակը կարգավորելու համար այս մրգերից ու հատապտուղներից յուրաքանչյուրը կարելի է ավելացնել վարսակով շիլային:

Այս բաղադրատոմսով վարսակը պատրաստելու համար անհրաժեշտ է ջուրը եռացնել, ավելացնել վարսակը և մինչ այն կեփվի պատրաստել մյուս բաղադրիչները։ Սալորները հարկավոր է կտրատել և հեռացնել կորիզները, իսկ ընկույզները մանրացնել։

Շիլայի պատրաստ լինելուն պես՝ լցնել այն ափսեի մեջ և ավելացնել սալորն ու ընկույզը։ Այս նախաճաշը շատ հարմար է արյան մեջ խոլեստերինի մակարդակը կարգավորելու համար։ Բացի այդ, ամեն օր վարսակ ուտելը զգալիորեն կբարելավի ինքնազգացողությունը։

Նյութի աղբյուրը՝ med2.ru