Ինչպես արագ վերականգնել վնասված աճառային հյուսվածքը

Ամենատարածված վնասվածքներից մեկը աճառային հյուսվածքի պատռվածքն է, որը որպես կանոն, ուղեկցվում է շատ ցավոտ զգացողություններով։ Սակայն վերջերս արված հետազոտությունները ցույց են տվել, որ սննդի միջոցով կարելի է նպաստել վնասված աճառային հյուսվածքի արագ վերականգնմանը։

Աճառն ունի շատ շարժուն ու ճկուն կառուցվածք, ինչն օգնում է մարդկային մարմնի տարբեր տարրերին (ականջախեցիներ, հոդեր, քիթ և այլն)։ Սակայն կան մարմնի որոշ հատվածներ, որոնք շատ ավելի հաճախ են վնասվում, ինչպիսին ծնկի հոդն է։ Առօրյա կյանքում այն հաճախ է վնասվում, հատկապես՝ կտրուկ շարժումներ անողների (օր.՝ մարզիկները) կամ տարեց մարդկանց մոտ։

Ինչպես վերականգնել աճառը

Աճառի վերականգնումը տեղի է ունենում որոշ սննդամթերքների օգտագործման շնորհիվ։ Աճառների վնասվածքների երկրորդ ամենատարածված պատճառը արթրիտն է, որն առաջանում է մեծ մասամբ 40 տարեկանից բարձր անձանց մոտ, ուստի ճիշտ սննդակարգը շատ կարևոր է արագ վերականգման համար։

Աճառի արագ վերականգնման համար ամենակարևոր ամինաթթուներից մեկը լիզինն է, որը պատասխանատու է կալցիումի կլանման ու կոլագենի արտադրման համար (որպեսզի վնասված հյուսվածքները նորից արտադրվեն), ինչպես նաև նպաստում է ջլերի առաձգականության բարձրացմանը և բարելավում է մաշկի արտաքին տեսքը։

Ուսումնասիրությունները ցույց են տվել, որ լիզինի պակասը դանդաղեցնում է վնասված հյուսվածքների աճը, ինչպես նաև բացասաբար է ազդում վնասվածքի հատվածում մաշկի բջիջների վերականգնման վրա։

Այդ իսկ պատճառով՝ աճառային հյուսվածքների արագ վերականգնմանը նպաստելու համար անհրաժեշտ է մարմնի զանգվածի յուրաքանչյուր կիլոգրամի դիմաց օգտագործել 12 մգ լիզին։ Լիզինով հարուստ են.

·         լոբազգիները,

·         ձողաձուկը,

·         կարմիր միսը,

·         գարեջուրը,

·         ձուն,

·         սոյան,

·         պանիրը,

·         ընկուզեղենը,

·         գարեջրի խմորիչը,

·         ժելատինը։

Բացի այդ, անհրաժեշտ է նաև բարձրացնել օրգանիզմի պաշտպանողական գործառույթները։ Այս հարցում հիանալի օգնական է վիտամին C-ն, որը նաև նպաստում է կոլագենի արտադրմանն ու վերքերի արագ ապաքինմանը, օգնում է հագեցնել արյունը թթվածնով և հասցնել թթվածինը բոլոր զարկերակներին։

Օրգանիզմում վիտամին C-ի պակասի դեպքում կարող է դանդաղել վերքերի սպիացման գործընթացը։ Օրգանիզմի բջիջների անընդհատ թարմացման համար մարդկանց անհրաժեշտ է ընդունել օրական առնվազն 75 մգ վիտամին С։ Այս վիտամինով ամենահարուստ մթերքն է.

·         կիվին,

·         նարինջը,

·         ելակը,

·         կիտրոնը։

Նյութի աղբյուրը՝ vajnoe.com