Ինչ է հոգեսոմատիկան. մարդկանց էմոցիաների, վախերի և հոգեբանական խնդիրների ազդեցությունը ֆիզիկական առողջության վրա

Բժշկության ու հոգեբանության մեջ կա մի ուղղություն, որը կոչվում է հոգեսոմատիկա։ Այն ուսումնասիրում է էմոցիաների, վախերի և հոգեբանական արգելքների ազդեցությունը մարդու առողջության վրա։ Գիտականորեն ապացուցված է, որ մարդկանց ներքին ապրումներն ու զգացմունքները կարող են հանգեցնել ֆիզիկական հիվանդությունների առաջացմանը։

Ինչ կարող են պատմել մարմնի հիվանդ հատվածները նրա հոգեկան վիճակի վրա

Գլուխը

Հաճախակի կամ քրոնիկ գլխացավերը առաջանում են մտքերի, տեղեկատվության առատության կամ որևէ հարցով մտորումների հետևանքով։ Գլխացավերը հաճախ լինում են շատ խելացի մարդկանց մոտ, որոնք զսպում են իրենց էմոցիաները։ Այս խնդիրը խոսում է ցածր ինքնագնահատականի և վախերի, ինքնաքննադատության և ամեն ինչ «մեջը» պահելու մասին։

Մազերը

Մազերի հետ կապված խնդիրները (վաղաժամ ճերմակում, մազաթափություն, անկենդանություն և այլն) սթրեսի, անօգնականության ու հուսահատության նշան են։ Մազերը մարդու կենսական էներգիայի նշան են, սակայն մշտական լարվածության ու վախի դեպքում կարող են առաջանալ խնդիրներ։ Երբեմն այս խնդիրները կարող են նաև լինել եսասիրության, հպարտության ու Աստծուց անգիտակցաբար վիրավորված լինելու հետևանքով։

Պարանոց

Պարանոցը միացնում է գիտակցությունն (գլուխ) ու զգացմունքները (մարմին), ուստի պարանոցի խնդիրները վկայում են, որ այդ երկուսի միջև խախտվել է ներդաշնակությունը։ Պարանոցի հիվանդությունները խոսում են ճկունության պակասի մասին. մարդը վախենում է պտտվել, որպեսզի չլիսի մեջքի ետևում իր մասին խոսվող ճշմարտությունը և անտեսում է այդ իրավիճակը՝ խնդիրը լուծելու փոխարեն։ Բացի այդ, հիվանդ պարանոցի դեպքում կարելի է փորձել գլուխը թափահարել դրական կամ բացասական պատասխան տալու համար։ Այս կերպ կարելի է պարզել, թե ինչում է խնդիրը և որ պատասխանն է մարդուն դժվար տրվում։

Աչքերը

·  Կարճատեսություն. այս խանգարումը խոսում է հեռատեսության բացակայության, ապագայի հանդեպ վախի և եսասիրություն մասին։

·  Հեռատեսություն. ներկայով ապրելու անկարողություն։ Հեռատեսությամբ տառապող մարդիկ շատ երկար են մտածում որոշումներ կայացնելուց առաջ։ Բացի այդ, նրանք չեն կարողանում ընկալել իրավիճակն ամբողջությամբ։

·  Դալտոնիզմ. մարդը չի կարողանում ընկալել կյանքի ուրախությունը։ Այս դեպքում նշանակություն ունի նաև այն, թե որ գույնը չի ընդունվում գիտակցության կողմից։

·  Գլաուկոմա. մարդը տառապում է անցյալի պատճառով և չի ցանկանում ներել ու ընդունել այն։

Ատամները

Ատամնացավերը հատուկ են անվճռական ու որոշումներ չկայացնող մարդկանց։ Այս մարդկանց համար բոլոր որոշումները կայացնում են մյուսները, իսկ իրենք վախենում են և չեն կարողանում վերլուծել իրավիճակը։ Ընդ որում՝ կախված հիվանդ ատամից՝ խնդիրները նույնպես կարող են տարբեր լինել։ Բացի այդ, ենթադրվում է, որ աջ կողմի ատամների խնդիրները վկայում են մոր հետ շփման խնդիրներն, իսկ ձախ կողմի ատամներինը՝ հոր հետ։

Բերանը

Բերանի խոռոչի հիվանդությունները կապված են խորը վիրավորանքի հետ։ Լեզուն կծելով մարդիկ պատժում են իրենք իրենց շատախոսության համար, իսկ այտը կծելով՝ սեփական գաղտնիքները պատմելու։ Բերանը կապված է նոր գաղափարների հետ, ուստի բոլոր խնդիրները կապված են հենց այս ոլորտի հետ։

Շուրթերը

Շուրթերը մարդու զգացմունքայննության արտացոլումն են։

·  Ճաքեր. մարդուն տանջում են հակասական զգացմունքները։

·  Շուրթերը կծոտելը. մարդը պատժում է ինեն զգացմունքայնության համար։

·  Հերպես. նույնն է ինչ և շուրթերը կծոտելու դեպքում, սակայն այս դեպքում խնդիրը շատ ավելի լուրջ է։

Մեջքը

Մեջքը կյանքի հենակետն է։ Մեջքի խնդիրները խոսում են բարոյական աջակցության բացակայության մասին։ Մարդուն թվում է, որ իրեն ոչ-ոք չի սիրում, կամ նա ստիպված է թաքցնել իր իսկ տածած սերը։ Եթե մարդը կորցնում է շարժունությունը, նշանակում է նա չի կարողանում սեր ցուցաբերել ուրիշների հանդեպ ( ձախ կողմից՝ հարազատների հանդեպ, աջից՝ աշխարհի)։

Գոտկատեղ

Գոտկատեղի խնդիրները պայմանավորված են կոնֆլիկտներով և մեղքի զգացումով։ Մեջքի ստորին հատվածի ցավերը նշանակում են, որ մարդը ցանկանում է որևէ բան ստանալ՝ իրեն ավելի ինքնավստահ զգալու համար, սակայն չի համարձակվում խոստովանել դա ո՛չ իրեն, ո՛չ էլ ուրիշներին։

Հոդերը.

·  Բարձիկաբորբ (Бурсит). զսպված զայրույթ։ Մարդը փորձում է ամեն ինչում հասնել կատարելության։ Նա զրկում է իրեն զայրույթի իրավունքից, ինչն էլ կուտակվում է հոդերում։

·  Արթրիտ. արթրիտով տառապող մարդիկ սովորաբար միշտ շատ «ճիշտ» են։ Նրանց համար ամենակարևորը «պետք է» բառն է։ Նրանք ամեն ինչ անում են նույնիսկ իրենց ցանկությանը դեմ։ Նրանց մոտ շատ ուժեղ է զարգացած ինքնաքննադատությունը։

·  Հոդախախտումներ. վերջույթների հոդախախտումները խոսում են այն մասին, որ մարդը չափազանց շատ է թույլ տալիս, որ մյուսները կառավարեն իրեն։

·  Ծնկների խնդիրներ. համառություն, հպարտություն, ճնշված վախեր ու չզիջելու ցանկություն։

Ավելորդ քաշ

Ավելորդ քաշով տառապող մարդիկ պետք է վերանայեն իրենց ներաշխարհը։ Հաճախ մարմինը կուտակում է ավելորդություններ՝ արտաքին ազդեցություններից պաշտպանվելու համար։ Նման մարդիկ չափազանց անպաշտպան են հասարակության ու կյանքի առջև։ Սա կարող է նաև լինել որևէ բանի հասնելու ցանկությունը ճնշելու արդյունքում։ Ավելորդ քաշով տառապող երեխաները մանուկ կամ դեռահաս տարիքում հաճախ են ստորացվում ու նվաստացվում և լսում են իրենց հասցեին բազում վիրավորանքներ։

Սրունքները

Սրունքների խնդիրները խոսում են կենսական սկզբունքների կոնֆլիկտների մասին։ Հնարավոր է՝ մարդու իդեալները փշրվել են կամ նա ցանկանում է մի բան, ինչը չի համապատասխանում իր բարոյական սկզբունքներին։ Սրունքի ցավը խանգարում է առաջ շարժվել, ուստի այն կապված է ապագայի հանդեպ վերաբերմունքի կամ կյանքում առաջ շարժվելու ունակության հետ։

Ստամոքսը

Բժիշկները հաստատում են, որ գաստրիտը հաճախ առաջանում է անհանգստությունից ու նյարդային գերլարվածությունից։ Ստամոքսի խնդիրները խոսում են այն մասին, որ մարդը գտմվում է կախյալ վիճակում։ Նա ունի կյանքում որոշակիության կարիք և կարող է ժամանակ առ ժամանակ ընկնել հուսահատության ու անելաներիության գիրկը։ Ստամոքսի խոցը կարող է առաջանալ թերարժեքության, վախի ու անպաշտպանության զգացումի հետևանքով։ Այն կարող է նաև լինել զսպված բարկության արդյունքում։ Եթե նման մարդիկ ավելի հաճախ առտահայտեն իրենց բարկությունը, ապա կարող են խուսափել խոցերից։

Նյութի աղբյուրը՝ myformat.club