Գլխուղեղի անոթները մաքրելու յուրահատուկ մեթոդներ. 5 բաղադրատոմս

14:21 • 16.09.16

Գլխուղեղի անոթները մաքրելը շատ կարևոր պրոցեդուրա է, որ կարող է զգալիորեն բարելավել մարդու ինքնազգացողությունը մի շարք հիվանդությունների դեպքում (պարանոցի հատվածի օստեոխոնդրոզից մինչև աթերոսկլերոզ): Անոթները պարբերաբար մաքրելու դեպքում կարելի է ազատվել գլխի ծանրության զգացումից ու գլխացավերից, պարզեցնել գիտակցությունն ու բարձրացնել տրամադրությունը: Ձեզ ենք ներկայացնում 5 արդյունավետ և փորձված բաղադրատոմս գլխուղեղի անոթները մաքրելու համար:

1. Մեղր և հունական ընկույզ

Հինգ հունական ընկույզը մաքրել, մանրացնել, ավելացնել մի ճաշի գդալ բնական լորու (липа) մեղր և լավ խառնել: Այնուհետև ավելացնել մեկական պտղունց դարչին ու կոճապղպեղ, կրկին խառնել և մեկ օրով դնել սառնարան: Խառնուրդն ընդունել օրական երեք անգամ՝ ուտելուց կես ժամ առաջ, մեկ ճաշի գդալ:

2. Սոխի հյութ և մեղր

Անհրաժեշտ է քամել 1/3 բաժակ սոխի հյութ, խառնել այն մի բաժակ բնական մեղրին և ընդունել խառնուրդը օրական երեք անգամ՝ ուտելուց կես ժամ առաջ, մեկ թեյի գդալ: Այս խառնուրդը ոչ միայն արդյունավետ կերպով մաքրում է անոթները, այլև ամրապնդում է իմունային համակարգը:

3. Բնական հյութեր

Կարելի է ամեն օր ճաշից և ընթրիքից կես ժամ առաջ խմել կես բաժակ նռան հյութ (կարելի է նաև հերթով խմել նռան, խնձորի և գազարի հյութ): Սակայն հյութն ընտրելիս հարկավոր է ուշադրություն դարձնել, որպեսզի այն լինի հնարավորինս բնական կամ պատրաստել այն տանը թարմ մրգերից:

4. Կռատուկի (лопух) թուրմ

Անհրաժեշտ է թերմոսի մեջ լցնել մոտ 10 գրամ կռատուկի չորացրած արմատներ, ավելացնել եռման ջուր, թրմել 8-10 ժամ, այնուհետև քամել և դնել սառը տեղ: Թուրմը հարկավոր է ընդունել նախաճաշից առաջ 4 ճ.գ.: Մեկ կուրսի տևողությունն է մեկ ամիս:

5. Օգտակար մթերքներ

Օրգանիզմի ընդհանուր կազդուրման և անոթների մաքրման համար հարկավոր է ամեն օր նախաճաշից կես ժամ առաջ ուտել մեկ հատ մանդարին, մեկական բուռ հունական ընկույզ ու չամիչ, այնուհետև 15-20 րոպե անց խմել մի թեյի գդալ մեղրով ու մի կտոր կիտրոնով ջուր (մեկ բաժակ) և ևս 15-20 րոպե անց նախաճաշել:

Նյութի աղբյուրը՝ vajnoe.com