Լեզուն օրգանիզմի հայելին է. ինչ հիվանդությունների մասին կարող են պատմել լեզվի արտաքին տեսքի փոփոխությունները

Համարվում է, որ մաքուր, առանց փառի լեզուն առողջ մարսողական համակարգի գրավականն է, սակայն իրականում ամեն ինչ այդքան էլ այդպես չէ: Լեզուն կարող է արտացոլել գրեթե բոլոր օրգանների աշխատանքը:

Օրինակ՝ լեզվի ծայրը պատասխանատու է կոնքի հատվածի օրգանների համար, ձախ կողմից մեջտեղի հատվածը՝ փայծաղի համար: Եզրային հատվածքները ցույց են տալիս թոքերի վիճակը՝ աջ և ձախ կողմում համապատասխանաբար և այդպես շարունակ: Ընդ որում՝ որքան հաստ է փառը, այնքան խորն է հիվանդությունը:

Լեզվի մակրեևույթի տարբեր հատվածներ ցույց են տալիս տարբեր օրգանների առողջական վիճակը: Օրինակ՝ լեզվի մեջտեղի հատվածը ցույց է տալիս ստամոքսի վիճակը, սեղանատամների մոտ գտնվող հատվածը՝ լյարդի և այլն: Ցանկացած հիվանդություն անպայման դրսևորվում է լեզվի արտաքին տեսքի որևէ փոփոխությամբ:

Առողջական վիճակի մասին կարելի է տեղեկանալ լեզվի գույնից, դրա լորձաթաղանթի վիճակից, դրա վրա եղած փառից և այդ փառի գույնից, ինչպես նաև դրա մակերևույթի բնույթից: Առհասարակ լեզվի վրա եղած փառը կարող լինել ինչպես ցածր իմունիտետի, այնպես էլ քրոնիկ հիվանդությունների նշան:

·         Լեզուն պատվում է փառով դիսբակտերիոզի, ստոմատիտի, սնկային հիվանդությունների և մի շարք այլ հիվանդությունների դեպքում:

·         Քրոնիկ ալկոհոլային թունավորման ժամանակ լեզուն գրեթե արմատի մոտ պատվում է շագանակագույն փառով:

·         Կապտավուն երանգը կարող է հաղորդել միջին տարիքի մարդկանց մոտ սրտանոթային անբավարարության առաջացման մասին հիվանդության առաջին ախտանշանների ի հայտ գալուց դեռ շատ ավելի շուտ:

·         Լեզվի մակերևույթի հարթությունը խոսում է ցածր թթվայնությամբ գաստրիտի մասին, իսկ բարձր թթվայնության դեպքում լեզվի մակերևույթը կոշտանում է և բորբոքվում:

·         «Քարտեզանման» լեզուն երեխաների մոտ սննդային ալերգիայի նշան է: Ընդ որում՝ «ցամաքների» և «ծովերի» տեղակայմամբ հեշտությամբ կարելի է ասել, թե մարսողական համակարգի որ օրգաններն են հիվանդ:

·         Լեզվի ծայրի կարմրությունն ու ցավոտ զգացողությունները կարող են պայմանավորված լինել կոնքի հատվածի օրգանների հիվանդություններով:

·         Եթե ցավում է լեզվի մեջտեղի հատվածը և երկու կողային հատվածները, ապա հնարավոր է, որ դա լինի թոքերի լուրջ հիվանդության արդյունքում:

·         Լեզվի աջ հատվածի (ծայրից մինչև մեջտեղի հատվածը) կարմրությունն ու այտուցվածությունը խոսում են լյարդի բորբոքային հիվանդության մասին:

·         Նույն ախտանշանները լեզվի ձախ կողմում կարող են լինել փայծաղի հիվանդությունների նշան:

Նյութի աղբյուրը՝ vajnoe.com