Հիանալի մազերի դիմակ, որը խթանում է մազերի աճը, դարձնում դրանք ավելի առողջ, փայլուն ու նուրբ

12:00 • 18.09.16

Բաղադրությունը.

1. Դարչին. օգտագործվում է արյան շրջանառությունն արագացնելու և դրանով իսկ մազերի աճը խթանելու և դրանք ամրապնդելու համար:

2. Մեղր. մեղր պարունակող դիմակներն օգնում են ազատվել մազերի բազմաթիվ խնդիրներից: Անհրաժեշտ է պարզապես ամեն օր վարսերին մեղր քսել և կարելի է ազատվել մազաթափությունից ու մազերի չորությունից, ինչպես նաև դարձնել մազերն ավելի հարթ ու փայլուն:

3. Ձու. ձվի սպիտակուցով դիմակներն օգտակար են բոլոր տեսակի մազերի համար: Դրանք դարձնում են մազերն ավելի ամուր ու առողջ, բարելավում են մազերի կառուցվածքն ու արագացնում աճը: Ձվի սպիտակուցի մեջ պարունակվող բաղադրիչները կանխում են մազերի փխրունությունն ու ճյուղավորումը, հարթեցնում են մազերը և ավելի խնամված տեսք են հաղորդում: Ձվի դեղնուցը պարունակում է մեծ քանակությամբ օգտակար բաղադրիչներ և պարզապես անփոխարինելի է մազերի ու մաշկի սնուցման համար: Բացի այդ այն նաև հիանալի բաղադրիչ է դիմակի խտությունը կարգավորելու համար:

4. Կռատուկի յուղ (Репейное масло). օգտագործվում է մազերի աճի և խոնավեցման համար:

Պատրաստման և օգտագործման եղանակը.

1. 1ճ.գ. դարչինը խառնել 1,5-2ճ.գ. մեղրին, ավելացնել ձուն ու յուղը (քանակությունն ըստ ցանկության) և լավ խառնել:

2. Մոտ 20 վայրկյան դնել միկրոալիքային վառարանի մեջ կամ մի քանի րոպե տաքացնել ջրային բաղնիքի վրա (այդ ընթացքում ձուն չի եփվի, սակայն խառնուրդը կտաքանա): Կարելի է տաքացնել 5-ական վայրկյաններով մի քանի անգամից, որպեսզի դիմակը չփչանա:

Դիմակը հարկավոր է պահել հնարավորինս երկար, սակայն դարչնի պատճառով այն կարող է մի փոքր այրել: Եթե դիմակը շատ ուժեղ է այրում, ապա կարելի է պահել ընդամենը 15 րոպե, հակառակ դեպքում՝ հնարավորինս երկար:

Այնուհետև հարկավոր է մազերը 2 անգամ լվանալ շամպունի օգնությամբ: Արդյունքում մազերը կդառնան փայլուն, նուրբ և ձեռք կբերեն շատ հաճելի դարչնի բույր:

Նյութի աղբյուրը՝ vajnoe.com