Արյան անալիզի «վերծանումը»

Երիտասարդ մայրիկների համար շատ դժվար է հետևել երեխայի առողջությանը վերաբերող բոլոր խնդիրներին, ուստի շատերը ցանկանում է իմանալ, թե ինչպես է պետք «կարդալ» արյան, մեզի և այլ անալիզները:

Արյան ընդհանուր անալիզ

Արյան ընդհանուր անալիզն արվում է արյան մեջ էրիթրոցիտների, լեյկոցիտների, թրոմբոցիտների և հեմոգլոբինի մակարդակը որոշելու համար, որոնք էլ երեխայի առողջության ցուցանիշներն են:

Էրիթրոցիտները արյան կարմիր բջիջներն են, որոնք հեմոգլոբինի օգնությամբ հագեցնում են օրգաններն ու հյուսվածքները թթվածնով և ապահովում են արյան կարմիր գույնը:

Հեմոգլոբինի նորման.

1 տարեկանում՝ 110-135գ/լ,

1-6 տարեկանում՝ 110-140 գ/լ,

7-12 տարեկանում՝ 110-145 գ/լ,

13-15 տարեկանում՝ 115-150 գ/լ:

Հեմոգլոբինի մակարդակի նվազումը կարող է պայմանավորված լինել անեմիայով, որը զարգանում է արյունահոսությունների (ներքին և արտաքին) և երկաթի պակասի պատճառով:

Էրիթրոցիտների նորման.

1 տարեկանում՝ 3,6-4,9х1012/լ,

1-6 տարեկանում՝ 3,5-4,5 х1012/լ,

7-12 տարեկանում՝ 3,5-4,7 х1012/լ,

13-15 տարեկանում՝ 3,6-5,1 х1012/լ:

Էրիթրոցիտների մակարդակի նվազումը նույնպես կարող է պայմանավորված լինել անեմիայով կամ երեխայի օրգանիզմում բորբոքային գործընթացներով, իսկ բարձրացումը կարող է ուղեկցվել ջրազրկմամբ կամ ուռուցքի առաջացումով:

Լեյկոցիտների նորման.

1 տարեկանում՝ 6-12 х109/լ,

1-6 տարեկանում՝ 5-12 х109/լ,

7-12 տարեկանում՝ 4,5-10 х109/լ,

13-15 տարեկանում՝ 4,3-9,5 х109/լ:

Լեյկոցիտները արյան սպիտակ բջիջներն են, որոնք պաշտպանում են փոքրիկի օրգանիզմը: Դրանք պայքարում են վարակների, բակտերիաների և նույնիսկ երեխայի օրգանիզմի մահացող բջիջների բացասական ազդեցության դեմ: Ընդ որում՝ շատ կարևոր է ոչ միայն էրիթրոցիտների ընդհանուր քանակը, այլև դրա առանձին տեսակների (մոնոցիտներ, լիմֆոցիտներ, բազոֆիլներ, էոզինոֆիլներ, նեյտրոֆիլներ) մակարդակները:

Լեյկոցիտների մակարդակի բարձրացումը պայմանավորված է լինում բակտերիալ վարակներով, քրոնիկ և սուր բորբոքումներով, ալերգիաներով, թունավորումներով, արյան և լյարդի հիվանդություններով: Ընդ որում՝ դրանց քանակը կարող է փոխվել երեխայի սնվելուց հետո, ցավի կամ ֆիզիկական ակտիվության դեպքում: Լեյկոցիտների մակարդակի նվազումը կարող է ուղեկցվել վիրուսային հիվանդություններով ու ճառագայթային հիվանդությամբ:

Լինֆոցիտների նորման.

1 տարեկանում՝ 54,5%

2 տարեկանում՝ 51%

3-4 տարեկանում՝ 44%

5-6 տարեկանում՝ 42%

7-8 տարեկանում՝ 39,5%

8 տարեկանից բարձր՝ 25-50%

Լիմֆոցիտների մակարդակի բարձրացումը բնորոշ է տուբերկուլյոզին ու վիրուսային հիվանդություններին: Բացի այդ, նման հետևանք կարող է ունենալ նաև ցավազրկող միջոցների ընդունումը: Լիմֆոցիտների քանակի նվազումը կարող է լինել ճառագայթման, իմունիտետի թուլացման և ուռուցքների առաջացման պատճառով: Բացի այդ, հորմոնալ դեղերի ընդունումը նույնպես կարող է ուղեկցվել նման ախտանշանով:

Մոնոցիտների նորման.

1 տարեկանում՝ 11,5%,

2 տարեկանում՝ 10%,

3-4 տարեկանում՝ 9%,

5-6 տարեկանում՝ 9,5%,

7-8 տարեկանում՝ 8,5%,

8 տարեկանից բարձր՝ 2-10%:

Մոնոցիտներ քանակը կարող է բարձրանալ տուբերկուլյոզի, սուր վարակիչ հիվանդությունների կամ արյան հիվանդությունների դեպքում: Դրանց նվազումը կարող է լինել վիրուսային հիվանդությունների կամ հորմոնալ դեղերի ընդունման պատճառով:

Բազոֆիլների նորման.

1-8 տարեկանում՝    0,5%,

8 տարեկանից բարձր՝ 0-1%:

Բազոֆիլների մակարդակը կարող է բարձրանալ, եթե կան արյան հիվանդություններ, ալերգիաներ, կամ քրոնիկ բորբոքային գործընթացներ: Այս բջիջների մակարդակի նվազումը կարող է պայմանավորված լինել սթրեսով, հորմոնալ դեղորայքի ընդունմամբ, կամ սուր վարակիչ հիվանդություններով:

Էոզինոֆիլների նորման.

1-2 տարեկանում՝ 1,5%,

3-6 տարեկանում՝ 1%,

7-8 տարեկանում՝ 2%,

8 տարեկանից բարձր՝ 0,5-6%:

Էոզինոֆիլների մակարդակը կարող է բարձրանալ սկարլատինայի, մակաբուծային հիվանդությունների ալերգիաների, ինչպես նաև սուլֆանիլամիդների և հակաբակտերիալ միջոցների ընդունման պատճառով:

Թրոմբոցիտներն արյան այն բջիջներն են, որոնք ապահովում են դրա մակարդումը:

Թրոմբոցիտների նորման.

1 տարեկանում՝ 180-400 х109/լ,

1-6 տարեկանում՝ 160-390 х109/լ,

7-12 տարեկանում՝ 160-380 х109/լ,

13-15 տարեկանում՝ 160-360 х109/լ:

Թրոմբոցիտների մակարդակի բարձրացումը պայմանավորված է լինում տուբերկուլյոզով, քրոնիկ բորբոքումներով, ուռուցքներով և անեմիայով: Թրոմբոցիտների մակարդակի նվազումը կարող է ուղեկցվել վիրուսային կամ բակտերիալ վարակներով, հեմոֆիլիայով, անեմիայով, արյունահոսություններով կամ որոշ դեղամիջոցների ընդունմամբ:

Նյութի աղբյուրը՝ podelkidetkam.ru