Շաքարային դիաբետի վաղ փուլերի 10 ախտանշան

Մեր ժամանակների ամենավտանգավոր հիվանդություններից մեկը շաքարային դիաբետն է, որը մեծ խնդիր է՝ հատկապես, եթե ուղեկցվում է այլ հիվանդություններով: Այս հիվանդության հետևանքով կարող են առաջանալ մի շարք բարդություններ՝ այդ թվում նաև մաշկի, թոքերի, տեսողության, նյարդային համակարգի, երիկամների հետ կապված: Հատկապես վտանգված են այն մարդիկ, ում մոտ բարձր է արյան գերճնշման, սրտային հիվանդությունների և գլխուղեղի կաթվածի հավանականությունը:

Եթե հարազատների շրջանում կան մարդիկ, ովքեր տառապում են շաքարային դիաբետով, ապա դրա առաջացման վտանգը բարձրանում է, ուստի հարկավոր է դեռ մանկուց հսկողության տակ պահել արյան մեջ շաքարի մակարդակը: Ժամանակին հայտնաբերված ախտանշանները կօգնեն խուսափել հիվանդության հետագա խորացումից: Կան մի շարք նշաններ, որոնք կօգնեն ժամանակին հայտնաբերել հիվանդությունը և կանխել դրա հետագա բարդացումը:

1. Հաճախակի միզելը

Միջինում մարդն օրվա ընթացքում միզելու ցանկություն ունենում է 4-7 անգամ, սակայն շաքարային դիաբետի ժամանակ այդ թիվն աճում է, քանի որ երիկամները չեն կարողանում այդքան գլյուկոզա կլանել և այն դուրս է գալիս օրգանիզմից մեզի միջոցով:

2. Մշտական ծարավը

Երբ օրգանիզմը պետք է ազատվի գլյուկոզայի ավելցուկից, այն ավելի շատ հեղուկ է օգտագործում: Սա հանգեցնում է օրգանիզմի ջրազրկման, ուստի մարդն ավելի ու ավելի հաճախ է ծարավում:

3. Հոգնածությունը

Ինսուլինը կուտակում է այն գլյուկոզան, որն օրգանիզմն օգտագործում է էներգիա ստանալու համար: Ինսուլինի մակարդակի նվազման հետ մեկտեղ մարդու էներգիան շուտ է սպառվում, ուստի նա շուտ էլ հոգնում է:

4. Սովը

Ամենից հաճախ էներգիա ստանալու համար օրգանիզմին անհրաժեշտ են լինում ածխաջրեր, այդ թվում նաև շաքար: Սակայն դիաբետիկների օրգանիզմը չի կարողանում վերամշակել դրանք, ուստի մարդը հայտնվում է փակուղում:

5. Տեսողության վատացումը

Արյան մեջ գլյուկոզայի ավելցուկը հանգեցնում է աչքերից հեղուկի արտահոսքին, ինչը փոխում է դրանց ձևը և թույլ չի տալիս, որպեսզի ոսպնյակները ճիշտ աշխատեն: Հիվանդությունը չբուժելու դեպքում շաքարային դիաբետը կարող է առաջացնել ցանցաթաղանթի անուղղելի վնասվածքներ և նույնիսկ կուրություն:

6. Դանդաղ ապաքինումը

Գլյուկոզայով հարուստ արյունը չի պարուակում բավարար քանակությամբ թթվածին, ինչը կարող է հանգեցնել նյարդերի վնասվածքի: Սա նշանակում է, որ կտրվածքներն ու քերծվածքները ավելի երկար ու դժվարությամբ են ապաքինվում, ինչի հետևանքով բարձրանում է վարակումների առաջացման վտանգը:

7. Վերջույթների թմրածություն, ցավ ու ծակծկոց

Արյան մեջ թթվածնի վատ շրջանառության պատճառով մարդը կարող է նկատել ոտքերի ու ձեռքերի հատվածում թմրածություն, այրոց ու ծակծկոց:

8. «Օղակ» պարանոցի շուրջը

Ինսուլինի բարձր մակարդակը, ինչը պայմանավորված է դրա ազդեցության հանդեպ օրգանիզմի դիմադրողականությամբ, կարող է նպաստել բջիջների շատ արագ բազմացմանը: Սա է պատճատը, որ երբեմն կարող են առաջանալ մուգ հետքեր, որոնք հիմնականում լինում են թևատակերի և պարանոցի հատվածում:

9. Ուռած ու հարթ լնդեր

Դիաբետիկների օրգանիզմի դիմադրողականությունը ցածր է լինում, ուստի հիվանդների մոտ կարող են նաև ի հայտ գալ լնդերի հիվանդություններ, ինչը շատ տհաճ երևույթ է:

10. Քաշի կորուստ

Ամենից շատ շաքարային դիաբետի առաջացման հակում նկատվում է ճարպակալումով տառապողների մոտ: Թվում է, թե քաշի կորուստը միայն դրական կարող է լինել, սակայն եթե մարդը սնվում է նույն կերպ և երբեմն նույնիսկ ավել, բայց շարունակում է նիհարել, ապա հնարավոր է, որ դա լինի  առողջական լուրջ խնդրի հետևանքով: Հաճախ միզելու հետևանքով օրգանիզմից դուրս են գալիս այն կալորիաները, որոնք չեն մասնակցում նյութափոխանակության գործընթացներին, քանի որ օրգանիզմը չի կարողանում վերամշակել գլյուկոզան:

Նյութի աղբյուրը՝ you-journal.ru