Հոդատապի կանխարգելման համեղ ու արդյունավետ միջոց

16:32 • 24.09.16

Հոդատապը հոդերի հիվանդություն է, որը պայմանավորված է լինում հոդերում միզաթթվի աղերի կուտակումով: Այս տհաճ հիվանդությունը կարող է ախտահարել բոլոր հոդերը, սակայն ամենից հաճախ տուժում են հենց ոտնաթաթի մատների հոդերը: Ցավոք, հոդատապը սարսափելի ցավոտ հիվանդություն է, որն ամենից հաճախ անհնագստացնում է գիշերվա ժամերին: Սակայն կան կանխարգելիչ միջոցներ, որոնք կօգնեն խուսափել հոդատապից: Ձեզ ենք ներկայացնում դրանցից մեկը:

Հիվանդության առաջացման պատճառները.

o Ալկոհոլի ընդունումը (հատկապես՝ գարեջրի),

o Չափից շատ ուտելը,

o Ժառանգական հակվածությունը,

o Մսամթերքով հարուստ միատեսակ սնունդը,

o Նստակյաց ապրեսակերպը,

o Արյան հիվանդություններն ու երիկամային անբավարարությունը:

Միզաթթուն որոշ մթերքների նյութափոխանակության վերջնական արդյունքն է, որն օրգանիզմից դուրս է բերվում երիկամների շնորհիվ: Սակայն եթե արյան մեջ բարձր է միզաթթվի մակարդակը, դրա աղերը բյուրեղանում են և կուտակվում հոդերում, ինչն էլ առաջացնում է բորբոքումներ և ուժգին ցավ:

Ինչպես օգնել

Բարեբախտաբար՝ կան մթերքներ, որոնք օգնում են հաղթահարել հոդատապը և իջեցնել արյան մեջ միզաթթվի մակարդակը: Դրանցից են ճակնդեղը, վարունգը, հազարը և կարտոֆիլը:

Հոդատապի կանխարգելման ամենապարզ ու համեղ եղանակներից մեկը վերոնշալ բանջարեղենից պատրաստված հյութն է: Կարելի է նաև օգտվել հետևյալ բաղադրատոմսից:

Բաղադրությունը.

o 1 միջին չափի վարունգ,

o մի շերտ կիտրոն

o 2 կապ նեխուր (сельдерей)

o կոճապղպեղի երիտասարդ արմատ (մոտ 1,5 սմ).

Պատրաստման եղանակը:

Բոլոր բաղադրիչները լվանալ (անհրաժեշտության դեպքում նաև կտրատել) և քամել հյութը հյութաքամիչի օգնությամբ: Այս հյութը կարելի է խմել ոչ միայն հիվանդությունը կանխելու, այլև դրա ախտանշանները մեղմացնելու համար:

Նյութի աղբյուրը՝ takprosto.cc