Մաղադանոսով հյութեր՝ աչքերի առողջությունը պահպանելու համար

Մաղադանոսը շատ տարածված և համեղ մթերք է, բայց մարդիկ այն հաճախ օգտագործում են միայն սնունդը համեմելու համար: Հարկ է հիշել, որ բացի համեղ լինելուց, այն նաև շատ օգտակար է: Մաղադանոսը պարունակում մի շարք օգտակար նյութեր, ինչպիսիք են А, K, С, Е, B6, B12 վիտամինները, կալցիումը, երկաթը, մագնեզիումը, մանգանը, կալիումը, ցինկը:

Մաղադանոսի բաղադրության մեջ հայտնաբերված վիտամինները, հանքանյութերն ու հակաօքսիդանտները, օգնում են ամրապնդել իմունային համակարգը: Վիտամին А-ն պաշտպանում է աչքի մակերևույթը՝ ապահովելով դրա խոնավությունը: Բացի այդ, այս վիտամինի և այլ հակաօքսիդանտների համադրությունը կարող է նվազեցնել տարիքային մակուլյար դեգեներացիայի առաջացման հավանականությունը: Բետա-կարոտինով հարուստ մթերքը, ինչպիսին են գազարն ու սպանախը, էլ ավելի օգտակար է դառնում մաղադանոսի հետ համադրելու դեպքում:

Մաղադանոսում պարունակվող մյուս կարոտինոիդները՝ լյուտեինն ու զեակսանտինը միացություններ են, որոնք պաշտպանում են աչքը վնասվածքներից: Այդ նյութերը նվազեցնում են կատարակտի առաջացման հավանականությունը, իսկ լյուտեինը կանխում է աչքի ցանցաթաղանթի քայքայումը:

Բացի այդ, մաղադանոսն ունի նաև միզամուղ հատկություն, որն օգնում է վերահսկել տարբեր հիվանդություններ, ինչպիսիք են երկամների քարերը, միզուղիների վարակները, լեղապարկի քարերը և այլն: Այն նաև օժտված է հակաբորբոքային հատկություններով, ինչի շնորհիվ բուժում է ատամի ցավը, վնասվածքները, միջատների քայթածը, ռևմատոիդ արթրիտը և բորբոքումով ուղեկցվող այլ խնդիրներ:

Մաղադանոսի բաղադրության մեջ եղած եթերայուղերն արգելակում են ուռուցքների զարգացումը՝ պաշտպանելով բջիջները թթվայնացման հետևանքով առաջացած վնասվածքներից: Բացի այդ, մաղադանոսը պահպանում է սրտի առողջությունը, ոսկորներ ամրությունը և նույնիսկ կարգավորում է արյան մեջ շաքարի մակարդակը:

Հարկ է հիշել, որ թարմ մաղադանոսը շատ ավելի օգտակար է, քան չորացրածը: Այն պետք է լինի մուգ կանաչ գույնի. պետք չէ օգտագործել թոշնած ու դեղնած տերևներով մաղադանոս:

Մաղադանոսով պատրաստված օգտակար ըմպելիքներ աչքերի համար

Այս ըմպելիքները պատրաստելու համար հարկավոր է բոլոր բաղադրիչները մանրացնել հարիչի օգնությամբ՝ ավելացնելով ոչ մեծ քանակությամբ ջուր (200-250  մլ): Եթե բաղադրիչներից որևէ մեկը բացակայում է, ապա կարելի է դրա փոխարեն օգտագործել մեկ ուրիշը: Հարկ է հիշել, որ այս ըմպելիքների գլխավոր բաղադրիչը մաղադանոսն է:

1.Կոնյունկտիվիտ. հիվանդություն, որը պայմանավորված է լինում վիրուսով կամ բակտերիայով և առաջացնում է աչքի ցավ, բորբոքում ու կարմրածություն:

Հյութ. մաղադանոս, հապալաս (голубика), խնձոր, ցիկորի, սպանախ, նեխուր (сельдерей):

2.Ռոտինոպաթիա. շաքարային դիաբետի դեպքում կարող են առաջանալ բարդություններ, այդ թվում նաև ցանցաթաղանթի վնասվածք:

Հյութ. մաղադանոս, գետնախնձոր, ծնեբեկ, սպանախ, կոճապղպեղ, ճակնդեղ, նեխուր, ազնվամորի, սեզ (пырей), գազար, դդում, պրաս (лук-порей), սխտոր, կաղամբ:

3. Գլաուկոմա. տեսողական նյարդի վնասվածքի հանգեցնող վիճակ, որը ժամանակի ընթացքում էլ ավելի է վատանում:

Հյութ. մաղադանոս, վարունգ, գազար, բողկ, նեխուր, ազնվամորի, կաղամբ, ճակնդեղ, խնձոր, սալոր:

4. Մակուլոդիստրոֆիա. հիվանդություն, որը հանգեցնում է տեսողության վատացման:

Հյութ. մաղադանոս, ազնվամորի, խնձոր, բրոկոլի, քաղցր պղպեղ, կանաչեղեն:

5. Աչքերի առջև սև կետեր. ցանցաթաղանթի բաժանում, ինչի հետևանքով աչքերի առաջ հայտնվում են ոչ մեծ սև հետքեր:

Հյութ. մաղադանոս, նեխուր, վայրի գազար, Ճակնդեղ, սխտոր, խնձոր, ազնվամորի, գազար:

6. Ցանցաթաղանթի դիստրոֆիա. ցանցաթաղանթի պերիֆերիայի հյուծում, որը կարող է աղդել պերիֆերիկ տեսողության վրա:

Հյութ. մաղադանոս, գազար, խնձոր, սպանախ, պրաս, կոճապղպեղ, ճակնդեղ, կաղամբ, խաղող, նեխուր, կիտրոն, ազնվամորի, սեզ:

Նյութի աղբյուրը՝ pandalove.ru