Կիտրոնի ու ձիթապտղի յուղի համադրության օգտակար հատկությունները

Ձեր ուշադրությանն ենք ներկայացնում մի ըմպելիքի բաղադրատոմս, որի օգնությամբ կարելի է մաքրել օրգանիզմը բոլոր վնասակար տոքսիններից: Այս ըմպելիքը կօգնի ամբողջ օրվա ընթացքում զգալիորեն բարձր պահել էներգիայի մակարդակը և մնալ առույգ:

Դարեր շարունակ այն օգտագործվել է առողջական տարբեր խնդիրների բուժման համար: Սա երկու օգտակար մթերքի՝ կիտրոնի հյութի և ձիթապտղի յուղի համադրությունն է: Անհրաժեշտ է պարզապես խառնել մեկ կիտրոնից քամված հյութը և մեկ ճաշի գդալ ձիթայուղը:

Ձիթայուղ

Ձիթայուղն անվանվում է հեղուկ ոսկի: Դրա կարևոր նշանակությունը գնահատում էին նաև հին հռոմեացիներն ու հույները: Այն պարունակում է ճարպաթթուներ, որոնք օժտված են խոլեստերինի մակարդակը կարգավորելու հատկությամբ: Բացի այդ, ձիթապտղի յուղը շատ արդյունավետ միջոց է օրգանիզմը տոքսիններից մաքրելու համար:

Այս մթերքը խորհուրդ է տրվում ներառել առօրյա սննդակարգի մեջ: Դրա օգտակար հատկությունները պահպանվում են և այն միշտ պարունակում է վիտամիններ ու հանքանյութեր, որոնք շատ կարևոր են օրգանիզմի համար:

Կիտրոն

Բոլորն էլ գիտեն, որ կիտրոնները շատ օգտակար են առողջության համար: Դրանք համարվում են ամենաօգտակար պտուղներից մեկը և պարունակում են մեծ քանկությամբ վիտամիններ, հակաօքսիդանտներ ու սննդարար նյութեր: Կիտրոնները հարուստ են վիտամին C-ով, կալիումով, ֆոսֆորով, B խմբի վիտամիններով, սպիտակուցներով ու ածխաջրերով: Բացի այդ, դրանք պարունակում են նաև մեծ քանակությամբ ֆլավոնոիդներ, որոնք նույնպես օժտված են հակաօքսիդանտային հատկություններով:

Այս երկու յուրահատուկ մթերքի համադրությունն օգնում է կանխել և բուժել բազմաթիվ հիվանդություններ, այդ թվում նաև.

Փորկապությունը

Կիտրոնի և ձիթայուղի համադրությունը հիանալի միջոց է փորկապությունից ազատվելու համար: Այն ստեղծում է շատ արդյունավետ քսուք մարսողական լորձի համար, ակտիվացնում է լեղապարկի և լյարդի աշխատանքը: Բացի այդ, այս խառնուրդը գործում է որպես ուժեղ հակաօքսիդանտ, ազատում է տոքսիններից և բարելավում է մարսողությունը:

Սրտանոթային հիվանդությունները

Ձիթապտղի յուղի մեջ պարունակվող մեծ քանակությամբ ճարպաթթուները չափազանց օգտակար են օրգանիզմի համար, քանի որ կարող են հեռացնել վտանգավոր խոլեստերինի ավելցուկները և ակտիվացնել արյան շրջանառությունը:

Ռևմատիկ խնդիրները

Այս զարմանահրաշ ըմպելիքն օժտված է նաև հակաբորբոքային հատկություններով և պարբերաբար օգտագործելու դեպքում՝ կօգնի բուժել հոդացավերը: Այն հարկավոր է խմել առավոտյան՝ նախաճաշից առաջ, սոված փորին:

Լեղապարկի խնդիրները

Այս խառնուրդը նաև օգնում է կանխել կամ դադարեցնել լեղապարկում քարերի առաջացումը: Այն կրկին հարկավոր է խմել առավոտյան սոված փորին: Անհրաժեշտ է խառնել ձիթայուղը, կիտրոնն ու ջուրը և խմել ստացված խառնուրդը նախաճաշից մեկ ժամ առաջ: Այս խառնուրդը կօգնի «լվանալ» լյարդը, երիկամներն ու լեղապարկը:

Նյութի աղբյուրը՝ naturalmedicinehouse.com