Լեզուն օրգանիզմի հայելին է. ինչի մասին է խոսում լեզվի վրա առկա փառը

Լեզուն մարմնի յուրահատուկ օրգան է, որը շատ անհրաժեշտ է յուրաքանչյուր մարդու: Վերջինիս օգնությամբ մարդը շփվում է, օգտագործում է սնունդ, ապահովում է բերանի խոռոչի առողջ վիճակը:

Լեզուն յուրովի հայելու դեր է կատարում նաև  ամբողջ օրգանիզմի  համար, քանի որ նրա օգնությամբ հնարավոր է պատկերացում կազմել օրգանիզմի առողջության վերաբերյալ:

«Առողջ» լեզվի գույնը գրեթե միշտ հավասարաչափ վարդագույն է, իսկ օրգանը գրեթե միշտ խոնավ, առանց փառի, կետերի, ակոսների ու խոցերի: Դա խոսում է այն մասին, որ ստամոքսն ու մարսողական համակարգը առողջ են:

Լեզվի վրա առկա փառ

1. Թեթև սպիտակ

Լեզվի վրա թեթև և սպիտակ փառի առկայությունը խոսում է լյարդի ու աղեստամոքսային տրակտի աշխատանքի հետ կապված խնդիրների մասին:

2. Սպիտակ փառի հաստ շերտ

Սպիտակ փառի հաստ շերտով ծածկված լեզուն խոսում է օրգանիզմում որոշ օրգան համակարգերի վատ ֆունկցյոնալության  և ինֆեկցիոն հիվանդությունների առկայության մասին:

3. Դեղին գույնի փառ

Լեզվի վրա դեղին գույնի փառը խոսում է լյարդի կամ լեղապարկի հիվանդության մասին: Դա կարող է նաև օրգանիզմում  սննդի լճացման ու  վատ մարսողության հետևանք լինել:

4. Հավասար գունավոր, ակոսներով ծածկված լեզու

Այն նաև հաճախակի անվանում են «Աշխարհագրական լեզու», որը խոսում է աղեստամոքսային տրակտի հիվանդությունների մասին: Իսկ այդ ակոսների խորությունը վկայում է արյան մեջ շաքարի բարձր մակարդակի մասին:

Լեզվի գույնը

1. Գունատ սպիտակ լեզու

Սպիտակ կամ գունատ սպիտակ լեզուն  խոսում է մարսողական համակարգի հետ կապված խնդիրների մասին:Օրգանի նման գույնը հաճախակի ուղեկցվում է ձեռքերի ու ոտքերի սառնությամբ, հոգնածությամբ կամ  ստամոքսի փքվածությամբ:

Չափից շատ գունատ, չոր լեզուն ևս կարող է վկայել արյան դեֆիցիտի մասին, որը որպես կանոն ուղեկցվում է տագնապի, գլխապտույտի, հիշողության խանգարման, անքնությամբ, անեմիայով կամ շուրթերի դողով:

2. Կարմիր լեզու

Վառ կարմիր լեզուն  գրեթե միշտ վկայում է օրգանիզմում ինֆեկցիայի առկայության մասին: Լեզվի վրա կարմիր կետերը խոսում են արյան ջերմության կամ արյան մեջ բորբոքային պռոցեսի մասին:  Երեխաների մոտ նման կերպ կարող  է արտահայտվել ինֆեկցիայի նկատմաբ իմունային համակարգի պատասխանը:

Մուգ կարմիր գույնը խոսում է երիկամային խնդիրների կամ օրգանիզմի ինտոկսիկացիայի մասին:

3. Կարմիր ծայրով լեզու

Լեզվի ծայրը ևս հայտնի է  որպես սրտի շրջան: Այդ պատճառով լեզվի ծայրի կարմրությունը կարող է վկայել էմոցիոնալ ցնցման մասին:

4. Լեզվի եզրերի կարմրությունը

Լեզվի նման գույնը խոսում է կծու և ճարպոտ մթերքի  և ալկոհոլի օգտագործման չարաշահման մասին:  Արևելյան բժշկության մեջ տարածված տեսակետի համաձայն, այն կարող է վկայել նաև կուտակված զայրույթի ու վիրավորանքի դրսևորման մասին:

5. Մանուշակագույն լեզուն

Առավել հաճախ լեզվի  նման գույնը պայմանավորված է վիտամին В2-ի դեֆիցիտով: Այն կարող է նկատվել նաև այն կանանց մոտ, ովքեր ունեն դժվար դաշտանային ցիկլ կամ այն մարդկանց մոտ ովքեր ունեն քրոնիկ ցավեր:

  6. Կապտավուն լեզու

Կապտավուն լեզուն  վկայում է օրգանիզմում թթվածնային անբավարարության մասին, որը կարող է նաև սրտային հիվանդությունների,արյունատար անոթների վնասման, սրտի  կամ շնչուղիների դիսֆունկցիայի    զարգացման ախտանշան լինել:

7. Դեղին լեզու

Եթե լեզվի դեղնություը երկար ժամանակ է պահպանվում, ապա այն կարող է խոսել լյարդի կամ լեղապարկի հիվանդությունների մասին: Լեզվի առջևի մասի դեղին գույնը  խոսում  հեպատիտի  առկայության մասին:

8. Կանաչավուն լեզուն

Մուգ կամ կանաչավուն փառը կարող է առաջանալ օրգանիզմի  ուժեղ թունավորման հետևանքով, ինչպես նաև ալկոհոլից:

Չինական բժշկության մեջ ասվում է, որ լեզուն հանդիսանում է սրտի շարունակությունը, այդ պատճառով յուրաքանչյուր մարդ պետք է հետևի վերջինիս առողջական վիճակին:

Ամեն դեպքում հարկավոր է հիշել, որ առողջության հետ կապված ցանկացած շեղումների, կամ ինքնազգացողության վատացման դեպքում հարկավոր է դիմել բժշկի:

Աղբյուրը՝  fithacker.ru