Կեֆիրով լավագույն կոկտեյլները՝ նյութափոխանակությունը կարգավորելու և իմունիտետը բարձրացնելու համար

Ձեր ուշադրությանն ենք ներկայացնում կեֆիրով լավագույն կոկտեյլների բաղադրատոմսերը, որոնք կօգնեն  կարգավորել նյութափոխանակությունն ու ամրապնդել իմունիտետը:

1. Համեմունքներով

200 մլ կեֆիրին ավելացնել աղացած կոճապղպեղ, դարչին (այս երկուսը դանակի ծայրով), կարմիր պղպեղ (մի փոքր ավելի շատ) ու երկու ճաշի գդալ հանքային ջուր     և լավ խառնել:

2. Մեղրով

Եթե դուք չեք կարողանում հրաժարվել թխվածքից, ապա կերեք այն օրվա առաջին կեսին, այնուհետև խմեք այս ըմպելիքը, որի պատրաստման համար հարկավոր է 1 թ.գ. աղացած կոճապղպեղին և 1 թ.գ. մեղրին խառնել 2 ճ.գ. եռացրած ջուր, ավելացնել մի պտղունց  դարչին ու մի կտոր կիտրոն և սատացված խառնուրդը խառնել 200 մլ կեֆիրին:

3. Խնձորով

Այս հրաշալի ըմպելիքը շատ հարմար է ախորժակը նվազեցնելու համար և կարող է փոխարինել առավոտյան նախաճաշը: Հարկավոր է 5 հատ միջին չափի խնձորը կեղևազրկել և մանրացնել քերիչի օգնությամբ, այնուհետև ավելացնել 300 մլ անյուղ կեֆիր և հարիչով հարել: Խմելիս ավելացնել դարչին (ըստ ճաշակի) և կրկին խառնել:

4. Բուժիչ

Այս ըմպելիքն օրական ընդամենը 3 անգամ խմելու, յուղոտ ու կալորիաներով հարուստ սննդից հրաժարվելու և սպորտով զբաղվելու դեպքում՝ կարելի է մեկ շաբաթում ազատվել 2-4 կգ ավելորդ քաշից:  Բացի այդ, այս կոկտեյլը շատ օգտակար է աղիների միկրոֆլորայի համար: Հարկավոր է կես լիտր կեֆիրին ավելացնել 1 թ.գ. կոճապղպեղ, մի փոքր մեղր և մի պտղունց դարչին, 10 րոպե թրմել, այնուհետև հարիչով հարել և խմել:

5. Ճարպերն այրող

10 օր շարունակ հարկավոր է առավոտյան ու երեկոյան սոված փորին խմել մաղադանոսով կեֆիր: Այդ օրերին դիետոլոգները խորհուրդ են տալիս սնվել միայն բանջարեղենով և խմել հնարավորինս շատ հեղուկ (ջուր, կանաչ թեյ): Մեկ բաժակ կեֆիրին ավելացնել 1 ճ.գ. մանրացրած մաղադանոս և մի պտղունց դարչին, այնուհետև թրմել առնվազն մեկ ժամ և խմել:

6. Չիչխանով (облепиха)

·         200 գ չիչխան,

·         250 մլ կեֆիր

·         1-1,5 ճ.գ. լորու մեղր:

Հարիչով մանրացնել չիչխանի հատապտուղները, այնուհետև քամել քամիչի օգնությամբ, ավելացնել մեղր և զգուշերեն խառնել: Առանձին հարել կեֆիրը, այնուհետև ավելացնել չիչխանի հյութը, լավ խառնել և անմիջապես խմել:

Կոկտեյլները կարելի է զարդարել անանուխի տերևներով, մանրացրած ընկույզով, հատապտուղներով կամ դարչինով:

Նյութի աղբյուրը՝ «Наслаждаться здоровьем.» ֆեյսբուքյան էջ