Այս հազարամյա բաղադրատոմսով պատրաստված դեղամիջոցը կարող է ոչնչացնել մեթիցիլին ռեզիստենտ ոսկեգույն ստաֆիլակոկը

15:50 • 17.10.16

Ժամանակակից բժշկության տեսանկյունից բուժման հնադարյան մեթոդներից շատերն անհեթեթություն են թվում, սակայն վերջերս գիտնականները հայտնաբերել են, որ աչքերի հիվանդությունների բուժման համար նախատեսված անգլոսաքսոնական հազարամյա դեղամիջոցը կարող է ոչնչացնել ներկայիս ամենահայտնի բակտերիան՝ մեթիցիլին ռեզիստենտ ոսկեգույն ստաֆիլակոկը:

Պրոֆեսոր Քրիսթինա Լին թարգմանել է 9-րդ դարում գրված այդ բաղադրատոմսը, որը համարվում է ամենահին միջնադարյան տեքստերից մեկը: Գիտնականները պատրաստել են այդ դեղամիջոցի չորս չափաբաժին, որում օգտագործվում է սոխի և սխտորի երկու տեսակ, գինի և ցլի լեղի: Այն հարկավոր է պատրաստել պղնձե կաթսայի մեջ, այնուհետև 9 օր թրմել:

Բաղադրատոմսում գրված էր. «Վերցրու հավասար չափաբաժիններով սոխ ու սխտոր, տրորիր և խառնիր դրանք, վերցրու հավասար չափաբաժիններով գինին և ցլի լեղին, խառնիր սոխին, լցրու պղնձե կաթսայի մեջ և թրմիր 9 օր, քամիր կտորի միջոցով և ինչպես հարկն է մաքրիր, լցրու եղջյուրի մեջ և գիշերը թռչնի փետուրի օգնությամբ կաթեցրու աչքերի մեջ»:

Глазное лекарство тысячелетней давности отлично справляется с самой знаменитой бактерией наших дней

Գիտնականները փորձարկել են այս մեթոդը մեթիցիլին ռեզիստենտ ոսկեգույն ստաֆիլակոկի բակտերիաների վրա, որոնք տեղակայված էին արհեստական վերքերի և վարակված առնետների վրա, և պարզել, որ դեղամիջոցի բաղադրիչներից ոչ մեկն առանձին չի ազդում բակտերիայի վրա, սակայն միասին դրանք սպանում են գրեթե բոլոր բջիջները(կենդանի էր մնում հազարից միայն մեկը): Ընդ որում՝ ավելի թույլ չափաբաժնի դեպքում թուրմը չէր ոչնչացնում ստաֆիլակոկի բակտերիաները, բայց այնուամենայնիվ խանգարում էր դրա աշխատանքը՝ թույլ չտալով բակտերիաներին ախտահարել վարակված հյուսվածքները: Գիտնականները բակտերիայի աշխատանքի նման խանգարումը դիտարկում են դիմացկուն բակտերիաների առաջացրած ախտահարումների բուժման նոր եղանակ:

Ներկայումս գիտնականները մտադիր են վերականգնել դեղամիջոցների ևս մի քանի հին բաղադրատոմս և փորձարկել ներկայիս հիվանդությունների և դրանց հարուցիչների վրա:

Նյութի աղբյուրը՝ econet.ru