7 արդյունավետ եղանակ՝ կրկնակզակից ազատվելու և մաշկը ձգելու համար

Կրկնակզակը շատերի համար է լուրջ խնդիր: Ինչպես նշում է BeautyClue-ն, ավելորդ քաշն ու ճարպակալումը այս խնդրի առաջացման պատճառներից միայն երկուսն են:

Տարիքը, գենետիկ հակվածությունը, ոսկորների կառուցվածքը, քաշի կորուստը, սխալ դիրքերն ու դեմքի արտահայտությունները նույնպես կարող են հանգեցնել կրկնակզակի առաջացման:

Կրկնակզակից կարելի է ազատվել պլաստիկ վիրահատության միջոցով, սակայն նման պրոցեդուրաները բավական թանկարժեք են:

Սակայն այս խնդրից կարելի նաև ազատվել տնային պայմաններում՝ առանց մեծ գումարներ ծախսելու: Այս պրոցեդուրաներն իրականացվում են բնական միջոցներով, ուստի շատ ավելի օգտակար են և ոչ պակաս արդյունավետ:

Ձեր ուշադրությանն ենք ներկայացնում կրկնակզակից ազատվելու և մաշկը ձգելու 7 արդյունավետ միջոց:

1. Վիտամին Е

Առաջին հերթին խորհուրդ է տրվում օգտագործել ավելի շատ վիտամին E-ով հարուստ մթերք, ինչպիսիք են կանաչ տերևավոր բանջարեղենը, տավարի լյարդն ու գետնանուշը: Բացի այդ, հարկավոր է նաև մերսել մաշկը վիտամին E-ի յուղային լուծույթով՝ կզակի հատվածում արյան շրջանառությունը բարելավելու համար: Այս վիտամինի շնորհիվ մաշկը կդառնա ավելի ձիգ ու հարթ:

2. Կակաոյի յուղ

Նախապես տաք գոլորշու օգնությամբ հալած կակաոյի յուղն օրական երկու անգամ նուրբ շարժումներով քսել մաշկին, սակայն ոչ մի դեպքում չձգել մաշկը: Այս պրոցեդուրան կդարձնի մաշկն ավելի առաձգական և կազատի կրկնակզակից:

3. Ձվի սպիտակուց

Սպիտակուցային դիմակներն օգնում են ձգել թուլացած մաշկը և հարթեցնել կնճիռները: Պարզապես հարկավոր է խառնել 2 ձվի սպիտակուցը, 1 ճաշի գդալ (15 մլ) կաթը, 1 ճաշի գդալ (15 մլ) մեղրը, 1 ճաշի գդալ (15 մլ) կիտրոնի հյութն ու մի քանի կաթիլ անանուխի յուղը և քսել դիմակը դեմքի և դեկոլտեի մաշկին: 15-20 րոպե անց դիմակը հարկավոր է մաքրել գոլ ջրով: Լավ արդյունքի հասնելու համար անհրաժեշտ է պառկել և հնարավորինս թուլանալ:

4. Սեխ և խնձորի հյութ

Սեխի հյութը խնձորի հյութի հետ համատեղելու դեպքում կարելի է հավասարեցնել մաշկի գույնն ու ձգել մաշկը: Հարկավոր է խառնուրդը բամբակի օգնությամբ քսել մաշկին, թողնել 15-20 րոպե և լվանալ:

5. Կանաչ թեյ

Քանի որ կրկնակզակի առաջացման պատճառ կարող է դառնալ նաև ավելորդ քաշը, խորհուրդ է տրվում օրվա ընթացքում խմել մի քանի բաժակ կանաչ թեյ՝ նյութափոխանակությունն արագացնելու և նիհարելու համար:

6. Ցորենի ածիկի յուղ

Այս յուղը փափկեցնում է մաշկն ու դարձնում ավելի առաձգական: Խորհուրդ է տրվում ամեն օր մոտ 20 րոպե մերսել կզակի մաշկը ցորենի ածիկի յուղով: Ընդամենը 30 օր անց տարբերությունն արդեն ակնհայտ կլինի:  

7. Կոկոսյան ընկույզի յուղ

Օրական երկու անգամ կոկոսյան ընկույզի յուղով մերսում անելը կօգնի դարձնել մաշկն ավելի առաձգական ու ազատվել կրկնակզակից:

Այս պարզ մեթոդները կօգնեն զգալիորեն բարելավել մաշկի վիճակն ու կազատեն տհաճ կրկնակզակից՝ առանց առողջությանը վնաս հասցնելու: Բացի արդյունավետ լինելուց, այս մեթոդները նաև շատ հասանելի են: Այս բնական միջոցները թույլ կտան ձեռք բերել գեղեցիկ, առողջ ու խնամված մաշկ և կընդգծեն ու կգեղեցկացնեն դեմքի ձևը:

Նյութի աղբյուրը՝ instiks.com