Մուրաբայի բաղադրատոմս՝ փորկապությունից ազատվելու համար

Փորկապությունը հիմնականում պայմանավորված է լինում սննդամթերքի մեջ մանրաթելերի ու ջրի պակասով: Բացի այդ, այն նաև կարող է լինել ֆիզիկական վարժությունների բացակայության կամ տարբեր դեղամիջոցների առաջացրած կողմնակի բարդությունների հետևանքով: Այս խնդիրը ժամանակ առ ժամանակ տանջում է բոլորին, սակայն, բարեբախտաբար, կան բազմաթիվ անվտանգ բաղադրատոմսեր՝ ախտանշանները մեղմելու և հիվանդությունը կանխելու համար:

Բնական տնական մուրաբան լավագույն լուծողական միջոցն է: Ձեր ուշադրությանն ենք ներկայացնում այդ յուրահատուկ մուրաբայի բաղադրատոմսը:

Բաղադրությունը.

·       150 գրամ (1 բաժակ) արմավ(խուրմա) (առանց կորիզների),

·       150 գրամ սալորաչիր (1 բաժակ),

·       5 բաժակ եռացրած ջուր (կարելի է և ավելի քիչ՝ ավելի թանձր մուրաբա ստանալու համար):

Պատրաստման եղանակը.

Արմավներն ու սալորաչիրը մանրացնել, ավելացնել եռացրած ջուրն ու եփել, մինչև խառնուրդը թանձրանա: Այս մուրաբան կարող են օգտագործել բոլորը՝ անկախ տարիքից: Այն կարելի է ուտել նախաճաշին՝ ավելացնելով յոգուրտին, շիլային կամ մեկ այլ ուտեստի հետ:

Սալորաչիրը մանրաթելերի հիանալի աղբյուր է: Բացի այդ, այն հարուստ է սորբիտով, որն ընդամենը մի քանի ժամում մեղմացնում է փորկապության ախտանշանները՝ ազատելով այդ տհաճ խնդրից:

Բացի այդ, կարելի է մի քանի հատ սալորաչիր դնել բաժակի մեջ, ավելացնել ջուր, թրմել ամբողջ գիշեր և օգտագործել առավոտյան:

Օգտակար խորհուրդներ

Եթե փորկապությունը կրկնվում է պարբերաբար, իսկ այս բնական մեթոդները չեն օգնում հաղթահարել այն, ապա անհրաժեշտ է անպայման խորհրդակցել բժշկի հետ:

Բացի այդ, եթե այս բաղադրատոմսը չի օգնում, կարելի է օգտագործել միանգամից մի քանի մեթոդ: Օրինակ կարելի է ոչ միայն ավելացնել օգտագործվող մանրաթելերի քանակը, այլև հաճախակի դուրս գալ զբոսանքի: Կարելի է նաև պատրաստել սեննայի թեյ և փորձել յոգայի որոշ դիրքեր: Հարկ է հիշել, որ լուծողական միջոցները ցակալի չէ խառնել միմյանց, ուստի հարկավոր է օգտագործել լուծողականի միայն մի տեսակ:

Մանրաթելեր ու ջուր պարունակող սնունդը ոչ միայն կօգնի բուժել փորկապությունը, այլև կկանխի այն:

Կարելի է նաև խմել կիտրոնով ջուր, քանի որ կիտրոնաթթուն նույնպես շատ օգտակար է այս հարցում:

Նյութի աղբյուրը՝ healthonlinecentral.com