Կենդանիների բրդի օգտակարությունն ու օգտագործման եղանակները՝ առողջական մի շարք խնդիրներից ազատվելու համար

16:48 • 29.10.16

Մարդիկ դարեր ի վեր օգտագործել են կենդանիների բուրդը տարբեր նպատակներով: Այն օգտագործվել է ոչ միայն կենցաղում, այլ նաև բուժիչ նպատակներով: Օրինակ վաղածին երեխաներին սովորաբար դնում էին ոչխարի բրդից պատրաստված օրորոցի մեջ: Հիպոկրատը խորհուրդ էր տալիս նաև ծանր հիվանդների համար պատրաստել նման անկողին:

Ամերիկացի գիտնականները մեկ տարի հետևել են մի հիվանդանոցի հիվանդների ապաքինմանը և նկատել, որ ոչխարի բրդից պատրաստված անկողինները կանխում էին պառկելախոցերի առաջացումը: Այս փաստը պայմանավորված էր նրանով, որ բուրդը հավասարաչափ ճնշում էր գործադրում ամբողջ մարմնի վրա և նվազեցնում էր շփման ու խորավեցման մակարդակը: Կենդանիների բրդի և մորթու օգնությամբ հիվանդությունների բուժման մեթոդներն օգտագործում էին դեռ մեր նախապապերը: Ընդ որում՝ այդ մեթոդներից շատերը դեռ պահպանվել են և մինչ օրս էլ օգտագործվում են:

Ոչխարի բրդի բուժիչ հատկություններն ու օգտագործման եղանակը

Բուրդը դեռ հնուց համարվում է ամենատարածված ֆիզիոթերապևտիկ միջոցը ոչ ավանդական բժշկության մեջ: Այն օժտված է հակաբորբոքային, ցավազրկող ու կազդուրող ազդեցությամբ: Ընդ որում՝ առավել լավ արդյունքի հասնելու համար հարկավոր է օգտագործել չներկված բուրդը: Որքան այն հաստ ու կոպիտ լինի, այնքան լավ կազդի:

Սա է պատճառը, որ հիվանդ մարդկանց հաճախ խորհուրդ են տալիս հագնել բրդյա հագուստ և օգտագործել բրդյա ծածկոցներ: Բրդի մանրաթելերի շփումից առաջացող էլեկտրոստատիկ դաշտը դրական է ազդում մարդու օրգանիզմի վրա: Բուրդը նպաստում է.

· ինքնազգացողության բարելավմանը,

· հոգնածության ու հոդացավերի մեղմացմանը,

· արթրիտի ու ռադիկուլիտի դեպքում ցավոտ զգացողությունների մեղմացմանը,

· տրամադրության բարձրացմանն ու կենտրոնական նյարդային համակարգի աշխատանքի կարգավորմանը,

· արյան ճնշման վերականգնմանն ու կարգավորմանը:

Ոչխարի բուրդը պարունակում է մեծ քանակությամբ կենդանական մոմ՝ լանոլին, որը ստացվում է այն ջրից, որում լվացվել է կենդանու բուրդը: Լանոլինն օժտված է հակաալերգիկ, հակաայտուցային և հակաբորբոքային հատկություններով և նպաստում է վերքերի արագ ապաքինմանը, հոդերի շարժունության ու հյուսվածքների վերականգնմանը, բորբոքային գործընթացների վերացմանը: Լանոլինն օգտագործվում է նաև քսուքների և մաշկի խնամքի այլ պարագաների պատրաստման մեջ:

Տարբեր ախտաբանությունների բուժումը

Ոչխարի բուրդը տաքացնում է նույնքան լավ, որքան և արջի բուրդը: Բրդյա բաճկոնակներն օգնում են կանխել մրսածությունը, թոքերի բորբոքումն ու բրոնխիտը: Սակայն այն հարկավոր է հագնել անմիջապես մերկ մարմնին:

Միջին ականջի և քթի բորբոքային ախտաբանությունների բուժման համար շատ օգտակար են չոր բրդի կոմպրեսները, որոնք խորհուրդ է տրվում դնել ախտահարված հատվածներին:

Հոդերի հիվանդությունների ժամանակ խորհուրդ է տրվում հոդը փաթաթել ոչխարի բրդով: Սա նպաստում է վիճակի զգալի բարելավմանն ու ցավի մեղմացմանը:

Վահանաձև գեղձի հիվանդություններով տառապող մարդկանց խորհուրդ է տրվում օգտագործել հետևյալ միջոցը: Հարկավոր է բրդի մի կտորը թաթախել աղի մեջ, դնել գեղձի հատվածին և ամրացնել բինտի օգնությամբ: Այս պրոցեդուրան ցանկալի է անել երեկոյան և թողնել ամբողջ գիշեր: Շարունակել այս պրոցեդուրաները մինչև ամբողջությամբ ապաքինվելը: Հարկ է հիշել, որ ամեն անգամ պետք է թարմ կոմպրես դնել:

Բացի այդ, ոչխարի բուրդը կօգնի նաև ազատել երեխային փորափքանքից: Պարզապես հարկավոր է բրդի մի կտորը դնել երեխայի որովայնին:

Հետծննդաբերական էնցեֆալոպաթիայի դեպքում, որը դրսևորվում է բարձր ներգանգային ճնշմամբ ու ուժեղ գլխացավերով, խորհուրդ է տրում երեխայի գլուխը փաթաթել ոչխարի բրդից պատրաստված ժապավենով: Բացի այդ, հարկավոր է նորածնի համար պատրաստել փոքրիկ բրդյա ներքնակ որը կտաքացնի երեխային և կնպաստի ճնշման իջեցմանն ու հյուսվածքներում միկրոշրջանառության կարգավորմանը:

Ճագարի մորթու գործածությունը

· Ողնաշարի ախտաբանությունների, մասնավորապես՝ օստեոխոնդրոզի դեպքում խորհուրդ է տրվում կրել ճագարի մորթի կամ պարզապես դնել այն հիվանդ հատվածին:

· Բացի այդ, ճագարի մորթուց պատրաստված իրերն օգտակար են այն մարդկանց համար, որոնց մոտ հաճախ են լինում քթի այունահոսություններ:

· Հին ժամանակներում մաստիտի բուժման համար ճագարի մորթին խորհուրդ էր տրվում ներքին կողմով դնել կրծքին:

· Ճագարի մորթուց պատրաստված բարձը հիանալի միջոց է անքնության դեմ:

Արջի մորթու գործածությունը

· Հաճախ մրսող ու հիվանդացող մարդկանց խորհուրդ է տրվում կրել արջի մորթուց պատրաստված մուշտակ:

· Արջի մորթին օգտագործվում է նաև հոդատապի բուժման համար: Հիվանդության սրման ժամանակ խորհուրդ է տրվում պառկել արջի մորթու վրա և տհաճ զգացողություններն անմիջապես կանցնեն:

· Բացի այդ, արջի մորթին նաև հիանալի միջոց է ոսկորների ցավերից ու ռևմատիզմից ազատվելու համար:

Աղվեսի մորթու գործածությունը

· Աղվեսի մորթուց պատրաստված մուշտակը շատ օգտակար է ավելորդ քաշով տառապողների համար, քանի որ օգնում է ազատվել այդ խնդրից:

· Բացի այդ, աղվեսի մորթին շատ արդյունավետ միջոց է ջղաձգումների դեպքում:

· Այն նաև շատ օգտակար է արյան շրջանառության հետ կապված խնդիրներ ունեցողների համար:

Շան բրդի գործածությունը ոչ ավանդական բժշկության մեջ

Շան բուրդն ամենաարդյունավետ ու փորձված միջոցներից է, որն օգտագործվում է տարատեսակ հիվանդությունների դեպքում (մրսածություն, երակների վարիկոզային լայնացում, երիկամների հիվանդություններ, օստեոխոնդրոզ, արթրոզ, արթրիտ, ռադիկուլիտ): Այն օժտված է հակաբորբոքային, կազդուրող և ցավազրկող հատկություններով և նպաստում է.

· մարմնի մակերևույթին առաջացող բացասական լիցքերի չեզոքացմանը,

· արյան շրջանառության բարելավմանը,

· մկանային աշխատանքի ակտիվացմանն ու հյուսվածքների սնուցմանը,

· այտուցվածությունների բուժմանը,

· մրսածությունների կանխմանն ու բուժմանը,

· արյան ճնշման կարգավորմանը:

Հարկ է հիշել, որ ոչ ավանդական բժշկության մեջ կիրառվող մեթոդները չի կարելի օգտագործել ինքնուրույն և որպես այս կամ այն հիվանդության բուժման միակ միջոց: Բացի այդ, որոշ ախտանշաններ կարող են պայմանավորված լինել լուրջ հիվանդություններով, ուստի հարկավոր է ախտորոշում անցնել համապատասխան մասնագետի մոտ, ընդունել նշանակած դեղամիջոցները, իսկ բուրդն օգտագործել, որպես օգնող միջոց:

Նյութի աղբյուրը՝ narodnymisredstvami.ru