10 ախտանշան, որոնք վկայում են լյարդի գերծանրաբեռնվածության մասին

19:40 • 31.10.16

Ընդամենը մեկ կիլոգրամից քիչ ավել կշռող լյարդը կարելի է համարել «բարդ քիմական գործարան», որն աշխատում է 24 ժամ շարունակ: Այն վերամշակում է մարդու կերած, խմած, շնչած և նույնիսկ մաշկի վրա հայտնված գերթե ամեն ինչը: Ընդ որում՝ սա լյարդի կատարած ավելի քան 500 գործառույթներից ընդամենը մի քանիսն են:

Լյարդն ամեն օր օգնում է օրգանիզմին, ապահովում է էներգիայով, պայքարում է վարակների ու տոքսինների դեմ և կատարում է մի շարք այլ կենսական նշանակության գործընթացներ:

Լյարդի գործառույթներն են.

1.      Այն մաքրում է արյունը. ազատում է ալկոհոլի և այլ քիմիական նյութերի վնասակար ազադեցությունից, չեզոքացնում ու ոչնչացնում է թունավոր նյութերը:

2.      Էներգիա է հաղորդում. մարմինն ու միտքը ակտիվ պահելու համար լյարդը արտադրում, պահում ու մատակարարում է էներգիա (գլյուկոզա): Բացի այդ, այն նաև կարգավորում է ճարպերի ստեղծումը, պահպանումն ու սպառումը:

3.      Արտադրում է սպիտակուցներ, որոնք անհրաժեշտ են օրգանիզմին արյունը տարատեսակ նյութերով հարստացնելու, արյան մակարդելիությունը կարգավորելու և վարակներից պաշտպանվելու համար:

4.      Կարգավորում է հորմոնալ հավասարակշռությունը (սեռական հորմոններ, վահանաձև գեղձի հորմոններ, կորտիզոն և մակերիկամների այլ հորմոններ):

5.      Կարգավորում են խոլեստերինի մակարդակը. արտադրում է խոլեստերին և վերածում է այն այլ անհրաժեշտ նյութերի:

6.      Կարգավորում է անհրաժեշտ հանքանյութերի (երկաթ, պղինձ և այլն) ու վիտամինների քանակը:

7.      Արտադրում է լեղի, որն էլ մաքրում է օրգանիզմը տոքսիկ նյութերից և նպաստում է մարսողությանը:

10 ախտանշան, որ լյարդը ծանրաբեռնված է տոքսիններով

·         գլխացավեր ու ուշադրության կենտրոնացման խնդիրներ,

· հոգնածություն,

· բացասական հույզեր,

· առատ քրտնարտադրություն,

· մկանային ցավեր,

· մարսողական խնդիրներ,

· անհանգստություն,

· դեպրեսիա,

· բերանի խոռոչի տհաճ հոտ,

· քաշի կտրուկ ավելացում:

Հարկ է հիշել, որ առողջությունն առաջին հերքին պայմանավորված է ճիշտ սննդակարգով: Հարկավոր է հրաժարվել վերամշակում անցած մթերքից և օգտագործել առողջ սնունդ: Խորհուրդ է տրվում ուտեստը պատրաստելիս օգտագործել միայն բնական բաղադրիչներ: Բացի այդ, հարկավոր է.

· գնել միայն բնական մթերք,

· խուսափել պահածոյացված մթերքից և ուտել թարմ մրգեր ու բանջարեղեն,

· հետևել համակարգված դիետայի,

· ուտել բնական և հիմնականում բուսական մթերք,

· սննդակարգում ներառել ծլած հացահատիկներ, ֆերմենտավորված մթերք, առողջ ճարպեր և հում ընկուզեղեն ու սերմեր,

· խուսափել ծանր կենդանական ծագման ճարպերից, կիսաֆաբրիկատներից ու ապխտած մթերքից,

· օգտագործել օգտակար բուսայուղեր և ձուկ,

· օրվա ընթացքում հարկավոր է պարբերաբար ջուր խմել,

· օգտագործել օգտակար ճարպեր (ավոկադո, կոկոսյան ընկույզի յուղ և այլն),

· օգտագործել մանրաթելեր (արտիճուկ, կտավատի սերմեր, ավոկադո և այլն),

· հրաժարվել զտված շաքարավազից,

· սահմանափակել ալկոհոլի օգտագործումը:

Լյարդի համար 3 լավագույն մթերքը

Արտիճուկ

Արտիճուկը պաշտպանում լյարդը և նպաստում է լեղու արտադրությանը: Բացի այդ, այն հարուստ է մանրաթելերով, ինչի շնորհիվ նպաստում է «վատ» խոլեստերինի մակարդակի իջեցմանը: Հատկանշական է, որ նույնիսկ ջերմային մշակումից հետո այն շարունակում է մնալ հզոր հակաօքսիդանտ և պայքարում է ազատ ռադիկալների դեմ:

Քրքում

Քրքումը հզոր հակաբորբոքային միջոց է, որը պաշտպանում է լյարդը և օգնում է վերականգնել նրա բոլոր գործառույթները:

Կաթնային ուղտափուշ (Молочный чертополох)

Սա լավագույն խոտաբույսն է լյարդի համար: Այն պարունակում է siymarin ակտիվ բաղադրիչ, որն օժտված է հակաֆիբրոզային, հակավիրուսային, հակաբորբոքային և հակաօքսիդանտային հատկություններով, որոնք պաշտպանում են լյարդի բջիջները վնասվածքից:

Նյութի աղբյուրը՝ barenaturaltruth.com