Ինչպես պահպանել վահանաձև գեղձի առողջությունը

Մարդու օրգանիզմի նյութափոխանակությունը կարգավորում է վահանաձև գեղձը, ուստի հիպոթիրեոզի դեպքում, երբ վահանաձև գեղձը պատշաճ կերպով չի իրականացնում իր գործառույթները, մարմնի ջերմաստիճանն իջնում է, իջնում է էներգիայի մակարդակը, իսկ օրգանիզմը սկսում է ավելի դանդաղ այրել կալորիաները:

Հիպոթիրեոզը կարող է առաջանալ ինչպես կանանց, այնպես էլ տղամարդկանց մոտ: Այն ընդհանուր հիվանդություն է 60 տարեկանից բարձր կանանց ու տղամարդկան համար: Հիվանդության առաջացման հիմնական պատճառ է համարվում յոդի պակասը:

Հիպոթիրեոզի ախտանշաններն են.

·         դեպրեսիան,

·         մազերի ու մաշկի չորությունը,

·         հոգնածությունը,

·         ծանր դաշտանը,

·         մոռացկոտությունը,

·         քաշի ավելացումը,

·         տրամադրության տատանումները,

·         խռպոտությունն ու փորկապությունը,

·         ցրտի հանդեպ զգայունությունը:

Այս ախտանշաններից մի քանիսը նկատելու դեպքում հարկավոր է անցնել բուժննում և ստուգել վահանաձև գեղձի հորմոնների և թիրեոտրոպ (թիրեոխթանիչ) հորմոնի մակարդակը: Վահանաձև գեղձի գործառույթները բարելավելու համար նաև շատ օգտակար կլինեն վիտամիններն ու հանքանյութերը:

Սելեն

Մարդու օրգանիզմն ունի սելենի կարիք՝ վահանաձև գեղձի հորմոնների արտադրությունն արագացնելու համար: Օրական 200 մկգ սելենը կօգնի զգալիորեն բարելավել գեղձի առողջությունը:

Ցինկ

Արդյունավետ աշխատանքի համար վահանաձև գեղձին նաև ցինկ է հարկավոր: Խորհուրդ է տրվում օրական ընդունել 10 մգ ցինկ և 1-2 մգ պղինձ:

Յոդ

Յոդը նույնպես մեծ դեր է խաղում վահանաձև գեղձի հորմոնների արտադրության գործում, սակայն սա կարող է վտանգավոր լինել հիպոթիրեոզի դեպքում, քանի որ կարող է սրել իրավիճակը և գրգռել վահանաձև գեղձը:

Հարկավոր է օրական 150 մգ յոդ ընդունել: Յոդը մեծ քանակությամբ պարունակվում է ջրիմուռների, ձվի, ձկան և կաթնամթերքի մեջ: Պարբերաբար նման սնունդ օգտագործելու դեպքում յոդի հավելումների կարիք չկա, քանի որ այս տարրի ավելցուկը նույնպես կարող խնդիրներ առաջացնել:

Հարկ է հիշել, որ առողջ վահանաձև գեղձը շատ մեծ նշանակություն ունի օրգանիզմի ընդհանուր առողջական վիճակի համար, ուստի հարկավոր է օրվա ընթացքում անպայման ընդունել այս կարևոր սննդարար նյութերի անհրաժեշտ քանակությունը:

Նյութի աղբյուրը՝ healthandhealthyliving.com