Շաղգամի ամենաօգտակար հատկություններն ու հակացուցումները

Շաղգամը շատ օգտակար արմատապտուղ է, որն օգնում է հաղթահարել անքնությունը, խթանում է ստամոքսահյութի արտադրությունը, բարելավում է մարսողությունը և օգտագործվում է որպես լեղամուղ ու միզամուղ միջոց: Բացի այդ, այն նաև օժտված է ցավազրկող ու հակասեպտիկ հատկություններով, ինչի շնորհիվ դարեր ի վեր օգտագործվում է հազի, խռպոտության ու լարինգիտի ժամանակ:

Բացի այդ, շաղգամը նաև պարունակում է ծծմբային միացություններ, որոնք օժտված են բարձր հակաօքսիդանտային ակտիվությամբ: Դրանք ամրապնդում են իմունային համակարգը և նույնիսկ կանխում են քաղցկեղը: Այդ միացություններն անհրաժեշտ են մազերի ու եղունգների աճի համար և ակտիվացնում են լյարդի՝ օրգանիզմը վնասակար նյութերից մաքրող ֆերմենտների աշխատանքը:

Շաղգամը հարուստ է նաև ասկորբինաթթվով, թիամինով, РР վիտամինով, հանքային աղերով: Կալցիումի բարձր պարունակությունն օգնում է կանխել ռախիտը, օստեոխոնդրոզը և արյան որոշ հիվանդությունները:

Սակայն հարկավոր է զգուշանալ, քանի որ այս մթերքը ոչ բոլորին է կարելի: Բարձր թթվայնությամբ գաստրիտի, ստամոքսի կամ տասներկումատնյա աղիքի խոցային հիվանդության դեպքում այն կտրականապես հակացուցված է:

Հոդատապի և հոդացավերի դեպքում

·         Խաշել շաղգամն ու դարձնել այն խյուս, այնուհետև տաք վիճակում կոմպրեսի տեսքով դնել հիվանդ հոդերին:

·         Խաշած և քերիչով մանրացրած շաղգամը խառնել սագի ճարպին և ստացված քսուքն օգտագործել հիվանդ հոդերն ու ցրտահարված հատվածների բուժման համար:

Բաղադրատոմսեր

Կարտոֆիլով շաղգամ

Բաղադրությունը.

·         3-4 հատ շաղգամ և կարտոֆիլ,

·         2 ճաշի գդալ կարագ կամ հալած յուղ,

·         1 ճաշի գդալ պրովանսյան դեղաբույսերի խառնուրդ կամ խմելի-սունելի,

·         Աղ և պղպեղ՝ ըստ ճաշակի:

Պատրաստման եղանակը.

Բանջարեղենը կտրատել, 10 րեպո խաշել, լցնել ջեռոցի թավայի մեջ, ավելացնել յուղը, աղը, պղպեղն ու խոտաբույսերը և 40 րեպե եփել ջեռոցում (200 °C)

Ջեռոցում պատրաստված շաղգամ

Բաղադրությունը.

·         1,5 կգ շաղգամ,

·         1 հատ մեծ սոխ,

·         90 գրամ կարագ,

·         6 բարակ շորտ խոզապուխտ,

·         1 ճ.գ. ուրց,

·         100 գրամ կծու պանիր,

·         Աղ և պղպեղ:

Պատրաստման եղանակը.

Սոխն ու խոզապուխտը մար կտրատել և ավելացնել կարագի կեսն ու տապակել, այնուհետև հանել թավայից՝ թողնելով այնտեղ միայն յուղը: Շաղգամը մանր կտրատել և խոզապուխտի և սոխի հետ շերտ-շերտ լցնել թավայում եղած յուղի մեջ՝ շերտերի միջև լցնելով քերած պանիր ու յուղ: Ավելացնել ուրցը, աղն ու պղպեղը,  ծածկել թավան փայլաթիթեղով և մոտ մեկ ժամ եփել ջեռոցում (180 °C): Հանել ջեռոցից, թողնել մոտ 5 րոպե և մատուցել:


Նյութի աղբյուրը՝ aif.ru