4 վարժություն՝ առողջ ու ճկուն ողնաշար ունենալու համար

Առողջ ողնաշարը լավ ինքնազգացողության գրավականն է, իսկ սխալ կեցվածքն ու ողնաշարի ծռվածությունը խանգարում են արյան շրջանառությունը, ինչը նշանակում է, որ բջիջները դադարում են լիարժեք սնուցում ու բավարար քանակությամբ թվածին ստանալ:

«Առողջության ոսկե կարոններ» համակարգով հայտնի դարձած Կացուձո Նիշին մշակել է մի կարճ ու պարզ համակարգ, որը ներառում է ողնաշարի համար նախատեսված 4 վարժություն: Այդ վարժությունները թույլ են տալիս շտկել կեցվածքը, ուղղել ողնաշարը և բարելավել արյան շրջանառությունը:

Վարժություններ ողնաշարի համար

1. «Ծառի տերև»

Այս վարժությունը բարելավում է գլխուղեղի արյան շրջանառությունը, ուղղում է ողնաշարը և ազատում է սեղմված անոթները:

Պառկել մեջքի վրա չոր ու հարթ մակերևույթին: Բոլոր մկանները պետք է թուլացնել: Պատկերացրեք, որ ձեր ներսում հանգստացնող դատարկություն է, ինչի շնորհիվ մարմինը թեթև է և «լողում» է անկշռության մեջ:

Դանդաղ ծալել ծնկները, կրունկները ձգել դեպի նստատեղը, սակայն չկտրել հատակից: Առանց ողնաշարը հատակից կտրելու՝ բարձրացնել գլուխը և ձեռքերով ձգվել դեպի ծնկները: Երբ մատների ծայրերը դիպչեն ծնկներին, հարկավոր է մնալ այս դիրքում 1-2 րոպե: Պատկերացրեք, թե ինչպես է ողջ մարմնի միջով հոսում կենսական Էներգիայի հզոր հոսքը: Վերադառնալ սկզբնական դիրք և ամբողջությամբ թուլանալ 1-2 րոպե:

2. «Ուռենու ճյուղ»

Այս վարժությունն առողջացնում է ողնաշարը, մեղմացնում է մեջքի ցավերը և բարելավում է սրտի աշխատանքը:

Ոտքերը լայն բացած կանգնել, ոտնաթաթերը դնել միմյանց զուգահեռ և կենտրոնացնել ուշադրությունը մարմնի վրա: Ինչպես և նախորդ վարժության ժամանակ՝ հարկավոր է զգալ դատարկություն ու թեթևություն:

Ձեռքերը դնել մեջքին՝ երիկամների հատվածում, այնպես, որ մատները դիպչեն միմյանց սրբոսկրի հատվածում: Դանդաղ գլուխը ետ տանել՝ աստիճանաբար թեքվելով դեպի ետ: Երբ այլև հնարավոր չլինի ճկվել, հարկավոր է պարզապես մի ձեռքը ներքև իջեցնել՝ պահելով այդ կորությունը: Մարմինը կսկսի ինքնաբերաբար ճոճվել, ինչպես ուռենու ճյուղերն են ճոճվում: Մնալ այս դիրքում այնքան ժամանակ, մինչև այն դառնա անհարմար, այնուհետև ձեռքը կրկին դնել գոտկատեղին և վերադառնալ սկզբնական դիրք՝ զգուշությամբ ուղղելով ողնաշարը:

3. «Աղեղնալար»

Այս վարժությունը բարելավում է արյան շրջանառություն և մաքրում է ողնաշարն աղային կուտակումներից:

Հարկավոր է ծնկի իջնել, իսկ ձեռքերն իջեցնել մարմնի երկայնքով, այնուհետև դեպի ետ թեքվել բռնել ոտքերի կոճերը: Մնալ այս դիրքում առնվազն 5 վայրկյան և վերադառնալ սկզնական դիրք: Կրկնել վարժությունը 3-10 անգամ: Հարկավոր է սկսել քչից, սակայն ինքնազգացողության բարելավման հետ մեկտեղ ավելացնել նաև վարժությունների քանակը:

4. «Խաղողի որթատունկ»

4-րդ վարժությունը վերականգնում է ողնաշարի ճկունություն ու բարելավում արյան շրջանառությունը:

Կանգնել՝ ոտքերը ուսերի լայնությամբ բացած ու թուլացրած, այնուհետև ձեռքերով մերսել գոտկատեղի հատվածը և պատկերացնել, թե ինչպես է ողնաշարը դառնում ճկուն: Այնուհետև անել արագ ու սահուն, բայց ոչ կտրուկ խոնարհումներ: Աշխատեք ձեռքերով հասնել հատակին: Ոտքերը պետք է մնան ուղիղ, բայց հանգիստ: Վերադառնալ սկզբնական դիրք, այնուհետև անել մի քանի արագ, բայց սահուն խոնարհում դեպի աջ ու ձախ:

Այս վարժությունները հարկավոր է կատարել ամեն օր և շատ կարճ ժամանակ անց ողնաշարի և առհասարակ ամբողջ օրգանիզմի առողջությունը կվերականգնվի:

Նյութի աղբյուրը՝ econet.ru