Ավելի քան 80 հիվանդություն կապված են բորբոքված նշագեղձերի հետ. ինչպես մաքրել դրանք և բարելավել առողջական վիճակը

Վերջին ժամանակներում մարդիկ հաճախ են մաքրում իրենց օրգանիզմը տարբեր մեթոդներով, սակայն հիմնականում շեշտը դնում են աղիների, երիկամների, լյարդի և այլ խիստ կարևոր օրգանների վրա՝ մոռանալով ավելի «համեստները»: Տարվա այս եղանակին մարդու առողջության համար շատ մեծ նշանակություն ունեն նշագեղձերը, որոնք պաշտպանում են օրգանիզմը տարատեսակ վարակներից ու բակտերիաներից:

Գոյություն ունի ավելի քան 80 հիվանդություն, որոնք այս կամ այն կերպ կապված են բորբոքված նշագեղձերի հետ (ատամների, ողնաշարի հիվանդություններ, նյարդային, էնդոկրին, սրտանոթային, մարսողական համակարգերի հիվանդություններ և այլն), սակայն գեղձերի հեռացումից հետո հիվանդի վիճակը միշտ չէ, որ բարելավվում է:

Շատ խնդիրներ պայմանավորված են նրանով, որ նշագեղձերն իրենց կառուցվածքով նման են սպունգի, որը կլանում է ամեն ինչ՝ և՛ սննդի մնացորդները, և՛ մանրէներն ու բակտերիաները, որոնք էլ, հայտնվելով բարենպաստ պայմաններում, սկսում են բազմանալ: Նման դեպքերում օրգանիզմը սկսում է պայքարել այդ բակտերիաների դեմ արյան սպիտակ գնդիկների՝ լեյկոցիտների միջոցով, որոնք ներթափանցում են նշագեղձեր և սկսում պայքարել վարակի դեմ: Մահացած բջիջները հատուկ ֆերմենտ են արտադրում, որը կարծես «հալում» է գեղձերի հյուսվածքները՝ առաջացնելով թարախային պարկեր:

Սակայն ամեն ինչ այդքան վատ չէ, քանի որ մարդն ինքնաբերաբար «քամում» են նշագեղձերը որևէ բան կուլ տալիս, հորանջելիս, պարանոցի մկանները լարելիս կամ գլուխը պտտելիս: Սա է պատճառը, որ նշագեղձերը մաքրելու միջոցներից մեկը «առյուծի դիրքն» է: Հետաքրքրության համար նույնիսկ կարելի է համեմատել լեզվի գույնը պրոցեդուրայից առաջ ու հետո (իհարկե նախապես փառն արծաթյա գդալով կամ հատուկ քերիչով մաքրելուց հետո):

Այդ վարժությունը կատարելու համար հարկավոր է խորը շունչ քաշել, այնուհետև պահել շնչառությունը, լայն բացել բերանը և լեզուն հնարավորինս դուրս հանել ու ձգել դեպի կզակը: Միևնույն ժամանակ կզակը հարկավոր է սեղմել կրծքավանդակին: Կատարել այս վարժությունն այնքան ժամանակ, որքան բավականացնում է շնչառությունը: Կրկնել առնվազն 3-5 անգամ:

Բացի «առյուծի դիրք» վարժությունից խորհուրդ է տրվում կատարել այլ վարժություններ էլ, որոնք հատկապես օգտակար են գեղձերի հեռացումից հետո:

Շատ պարզ, բայց արդյունավետ վարժություն է «օղակը»: Բերանը հարկավոր է փակել, լեզվի ծայրը քիմքին հպած տանել հնարավորինս ետ և ֆիքսել այդ դիրքում: Լարել կոկորդի ու պարանոցի մկանները և կենտրոնանալ լարված մկանների և լեզվի վրա: Վարժությունը հարկավոր է կատարել այնքան, որքան բավականացնում է շնչառությունը: Կրկնել վարժությունը մի քանի անգամ, այնուհետև ողողել կոկորդը թույլ աղաջրով:

Նաև շատ օգտակար է գլուխը սահուն շարժումներով տարբեր ուղղություններով պտտելը: Սակայն վարժությունը կատարելիս հարկավոր է գլուխը որոշ ժամանակ ֆիքսել այդ դիրքով:

Այս վարժությունները պարբերաբար կրկնելը կօգնի ազատվել գլխացավերից ու կրկնակզակից: Բացի այդ, կանխարգելիչ նպատակներով պարբերաբար նշագեղձերը մաքրելը կօգնի բարելավել ինքնազգացողությունն ու առողջական վիճակը:

Նյութի աղբյուրը՝ «Наслаждаться здоровьем.» ֆեյսբուքյան էջ