Մ.թ.ա. 5-րդ դարում գրված կյանքը երկարեցնող տիբեթյան թեյի բաղադրատոմսը

14:50 • 06.02.17

1971 թվականին ՅՈՒՆԵՍԿՕ-ի կազմակերպած գիտարշավի ժամանակ մասնագետները Տիբեթի վանքերից մեկում կավի սալիկների վրա մ.թ.ա 5-րդ դարում գրված մի բաղադրատոմս են հայտնաբերել և թարգմանել տարբեր լեզուներով:

Սալիկի վրա գրված է մի թեյի բաղադրատոմս, որը ճիշտ պատրաստելու և խմելու դեպքում կարելի էր զգալիորեն երկարեցնել կյանքի տևողությունը:

Բաղադրությունը.

· 100 գրամ երիցուկ,

· 100 գրամ սրոհունդ (зверобой),

· 100 գրամ անթառամ (бессмертник),

· 100 գրամ կեչու բողբոջներ:

Պատրաստման եղանակը.

Բոլոր բաղադրիչները մանրացնել և լցնել ապակյա կամ ճենապակյա տարրայի մեջ: Երեկոյան ստացված խառնուրդի մեկ ճաշի գդալին ավելացնել կես լիտր եռման ջուր, թրմել 20 րոպե, այնուհետև քամել կտորի օգնությամբ և մեկ բաժակ տաք թուրմի մեջ լուծել մեկ թեյի գդալ մեղր: Թուրմը հարկավոր է խմել երեկոյան ընթրիքից հետո, իսկ այնուհետև ոչինչ չուտել և չխմել:

Առավոտյան անհրաժեշտ է գոլորշու վրա տաքացնել երեկոյան պատրասված թուրմի մնացորդը, ավելացնել մեկ թեյի գդալ մեղր և խմել: Այս պրոցեդուրան հարկավոր է շարունակել այնքան ժամանակ, մինչև պատրաստված խոտաբույսերի խառնուրդը վերջանա: Բուժման կուրսն ավարտելուց հետո այն հարկավոր է կրկնել միայն 5 տարի անց:

Այս ըմպելիքի շնորհիվ կտրուկ բարելավվում է մարդու օրգանիզմի նյութափոխանակությունը: Օրգանիզմը մաքրվում է ճարպային ու կրաքարային նստվածքներից, ինչը արդյունքում անոթները դառնում են ավելի առաձգական: Սա կօգնի կանխել այնպիսի հիվանդություններ, ինչպիսին են սկլերոզը, գլխուղեղի կաթվածը, ստենոկարդիան, սրտամկանի կաթվածը, արյան գերճնշումը և այլն: Բացի այդ, այն օգնում է ազատվել ականջներում լսվող աղմուկից, վերականգնում է տեսողությունն ու երիտասարդացնում օրգանիզմը:

Նյութի աղբյուրը՝ znaxyar.ru