7 «միֆ» օրգանիզմի մասին, որոնց մարդիկ մինչ օրս հավատում են

15:00 • 27.02.17

Կան մի շարք չհաստատված պնդումներ, որոնց մարդիկ այնուամենայնիվ հավատում են: Ձեր ուշադրությանն ենք ներկայացնում մի քանի «միֆ» մարդկային օրգանիզմի և առողջության վերաբերյալ:

1. Մարդն օգտագործում է ուղեղի հնարավորությունների միայն 10%-ը

Գիտականորեն ապացուցված է, որ մարդն օգտագործում է գլխուղեղի բոլոր հատվածները: Ընդ որում՝ դրանցից մի քանիսն աշխատում են գիշորուզօր: Սա իհարկե չի նշանակում, որ մարդիկ բոլորն էլ հավասարապես արդյունավետ կերպով են օգտագործում իրենց գլխուղեղը, սակայն այնուամենայնիվ մարդկանցից ոչ մեկի մոտ չկա գլխուղեղի այնպիսի հատված, որը նա չօգտագործի:

2. Գլխուղեղի մի կիսագունդը գերիշխում է

Այս պնդումը նույնպես չի համապատասխանում իրականությանը: Իսկապես կան մարդիկ, որոնք շատ ավելի լավ են լուծում տրամաբանական վարժությունները կամ նախընտրում է արվեստով զբաղվել, սակայն նույնիսկ այս դեպքում սխալ է ասել, թե մի կիսագունդը գերիշխող է, քանի որ դրանք հավասարաչափ են աշխատում:

3. Նյարդային բջիջները չեն վերականգնվում:

Սա նույնպես սխալ պնդում է՝ հատկապես, եթե խոսը գլխուղեղի նեյրոնների մասին է:Գիտափորձերը ցույց են տվել, որ մարդկային գլխուղեղն ընդունակ է ռեգեներացի նույնիսկ սրտամկանի կամ գլխուղեղի կաթվածից հետո:

4. Օղին տաքացնում է

Ալկոհոլային ըմպելիքները կարող են ստեղծել տաքության զգացողություն, մինչդեռ մարմնի ջերմաստիճանը բավական ցածր կլինի:

5. Ցուրտը նպաստում է հարբուխի առաջացմանը

Այս սխալ պնդումը պայմանավորված է նրանով, որ ցուրտ եղանակին մարդիկ հաճախ գտնվում են փակ տարածություններում, որտեղ վարակվելն ավելի հեշտ է: Իրականում հիվանդանալու հավանականությունը շատ ավելի մեծ է լինում, քանի որ վիրուստ տարածվում է օդակաթիլային ճանապարհով:

6. Վիտամին C-ն պաշտպանում է մրսածությունից

Վիտամիններով հարուստ սննդակարգն իսկապես կարող է ամրապնդել օրգանիզմը, սակայն չկա որևէ տեղեկություն այն մասին, որ վիտամին C-ն կանխում է հիվանդությունը: Ամեն դեպքում այն շատ կարևոր տարր է, քանի որ օգնում է պայքարել վարակների դեմ:

7. Մատների հոդերի ճտտոցը արթրիտի նշան է:

Այս ձայնն արթրիտի հետ բացարձակապես կապ չունի, քանի որ պայմանավորված է մատների հոդերում կուտակվող գազի մանր պղպջակներով:

Նյութի աղբյուրը՝ my.goodhouse.com.ua