10 պատճառ՝ ամեն օր քրքումով ըմպելիք խմելու համար

Քրքումն ամենատարածված համեմունքներից մեկն է և դրա համար կան բազմաթիվ պատճառներ: Այն հարուստ է սննդարար նյութերով և բարենպաստ ազդեցություն է ունենում օրգանիզմի վրա, քանի որ օժտված է հզոր հակաօքսիդանտային հատկություններով, որոնք խոչընդոտում են ծերացման գործընթացներին: Բացի այդ, այս հրաշալի համեմունքն օժտված է նաև հակաբորբոքային հատկություններով:

Healthyfoodhouse.com-ը ներկայացրել է մի բրիտանուհու պատմությունը, որը 12 ամիս շարունակ ամեն առավոտ քրքումով ըմպելիք է խմել:

Քրքումը բարենպաստ ազդեցություն է ունեցել նրա ամբողջ օրգանիզմի վրա: Այն ապահովել է pH-ի առողջ մակարդակ: Սա նշանակում է, որ քրքումը հիմայնացրել է մարմինը, բարելավել մարսողությունը, ինչպես նաև ազատել արթրիտից, գլխացավերից ու մարսողական խնդիրներից:

Ամեն առավոտ այս ըմպելիքը խմելը շատ առողջարար է օրգանիզմի համար: Ձեր ուշադրությանն ենք ներկայացնում քրքումով ըմպելիքի օգտակար հատկությունները:

1.    Նպաստում է սրտի առողջությանը

Քրքումի հիմնական բաղադրիչը՝ քրքումինը մաքրում է արյունատար անոթները նստվածքից և խոչընդոտում թրոմբների առաջացմանը: Ուսումնասիրությունները ցույց են տվել, որ 3 շաբաթ քրքում օգտագործելով կարելի է զգալիորեն բարելավել սրտամկանի առողջությունը:

2.    Կանխում է 2-րդ տիպի շաքարայի դիաբետի առաջացումը

2009 թվականին Auburn University-ի գիտնականների հետազոտությունները ցույց են տվել, որ քրքումը շատ օգտակար է շաքարային դիաբետի դեպքում:

3.    Հիմնայնացնում է օրգանօզմը

Քրքումը հզոր հիմնայնացնող միջոց է և խոչընդոտում է քաղցկեղի բջիջների առաջացմանը:

4.    Պաշտպանում է գլխուղեղը

Գիտնականների կարծիքով՝ աճի հորմոնի ցածր մակարդակները հաճախ կապած են լինում Ալցհեյմերի հիվանդության ու դեմենցիայի (թուլամտություն) հետ: Բացի այդ, ապացուցվել է, որ քրքումը կարգավորում է այս հորմոնի մակարդակը՝ դրանով իսկ կանխելով գլխուղեղի տարիքային փոփոխությունների և հիվանդությունների առաջացումը:

5.    Պայքարում է բորբոքման դեմ

Բազմաթիվ հիվանդություններ պայմանավորված են լինում բորբոքումներով: Քրքումինն օժտված է հզոր հակաբորբոքային հատկություններով և այդպիսով պայքարում է բորբոքումների դեմ՝ պաշտպանելով օրգանիզմը:

6.    Կանխում է քաղցկեղի առաջացումը

Քրքումինը հզոր հակաօքսիդանտ է, ուստի արդյունավետ կերպով կանխում է քաղցկեղի առաջացումը:

7.    Մեղմացնում է արթրիտի ախտանշանները

Այտույցների և ցավերի բուժման ժամանակ քրքումինը նույնքան արդյունավետ է, որքան և ոչ ստերոիդային հակաբորբոքային դեղամիջոցները (ՈՍՀԲԴ), և շատ ավելի արդյունավետ, քան դիկլոֆենակը:

8.    Բարելավում է մարսողությունը

Գիտնականները վստահ են, որ պարբերաբար քրում օգտագործելը բարելավում է մարսողական համակարգի աշխատանքը:

9.    Պաշտպանում է լյարդը

Քրքումը նպաստում է լեղապարկի ճիշտ գործունեությանը, պաշտպանում է լյարդը տոքսինների վնասակար հետևանքներից և արդյունավետ կերպով վերականգնում է լյարդի բջիջները:

10. Դանդաղեցնում է ծերացման գործընթացն ու երկարացնում կյանքը

Քրքումինը քայքայում է ազատ ռադիկալներն ու կանխում բորբոքումը՝ դրանով իսկ դանդաղեցնելով ծերացման գործընթացը:

Քրքումով բուժիչ ըմպելիքի պատրաստման եղանակը

Հարկավոր է մեկ բաժակ եռման ջրին ավելացնել մեկ թեյի գդալ քրքում, մի պտղունց աղացած սև պղպեղ և լավ խառնել: Ընպելիքը խորհուրդ է տրվում խմել գոլ վիճակում: