Քնի ճիշտ դիրքերը, որոնք օգնում են բարելավել առողջական վիճակը

Քունն իսկապես անչափ կարևոր է առողջության համար և հենց սա է պատճառը որ մարդն իր կյանքի մոտ 1/3 մասը վատնում է քնի վրա: Քնի պակասը բացասաբար է ազդում դատողական մտածողության ու ճանաչողական գործառույթի վրա:

Փորձագետների խոսքով՝ քնի դիրքն ամենակարևոր բաներից մեկն է, ուստի կան որոշ դիրքեր, որոնք խորհուրդ են տրվում առողջական վիճակի բարելավման համար:

Պարանոցի ցավեր

Վերցնել բարձը և ձեռքերը դնել գլխի տակ: Փորի վրա քնելու դեպքում բարձը պետք տափակ լինի: Բացի այդ, հարկավոր է քնի ժամանակ հաճախ փոխել դիրքը՝ ցավոտ զգացողություններից խուսափելու համար:

Ուսի ցավեր

Ուսի ցավի դեպքում հարկավոր է խուսափել կողքի վրա քնելուց: Ցանկալի է առհասարակ քնել մեջքի վրա: Հարկավոր է օգտագործել օրթոպեդիկ բարձ և ևս մեկը պահել ձեռքերով: Եթե մեջքի վրա քնելն անհարմար է, կարելի է քնել առողջ կողքի վրա: Հարկավոր է բարձրացնել ոտքերը և ծնկների միջև բարձ դնել: Բացի այդ, ձեռքերը ոչ մի դեպքում չի կարելի դնել գլխի տակ:

Մեջքի ցավեր

Ցավի այս տեսակը սովորաբար պայմանավորված է լինում անորակ ներքնակով: Քանի որ սա ամենաճիշտ դիրքն է, այն չպետք է ցավ պատճառի: Անհրաժեշտ է ծնկների տակ բարձ դնել, որպեսզի ողնաշարը լինի ավելի լավ ու հանգիստ դիրքով: Բացի այդ, այս մեթոդն օգնում է նվազեցնել ջլերի լարվածությունը:

Ոտքի ցավեր

Քնած ժամանակ կարող են առաջանալ սպազմներ ու ջղաձգումներ, որոնք ազդում են ոտնաթաթերի և նույնիսկ ազդրերի վրա: Այս խնդիրից ազատվելու համար հարկավոր է խորհրդակցել բժշկի հետ: Ցավը մեղմելու համար կարելի է ձգել ոտքերն ու մկանները:

Ոտքի ցավեր, ջղաձգումներ ու սրտխփոց

Սրտի ցավերի դեպքում խորհուրդ է տրվում քնել ձախ կողքի վրա: Եթե ջղաձգումները պայմանավորված են արյան շրջանառությն խանգարումներով, ապա կարելի է ոտքերի տակ բարձ դնել՝ դրանք մի փոքր վեր բարձրացնելու համար: Նաև կարելի է մերսել ոտքերը քնելուց առաջ և խուսափել քնելուց առաջ առնվազն 6 ժամվա ընթացքում կոֆեին պարունակող ըմպելիքներ օգտագործելուց:

Խռմփոց

Այս խնդրի դեպքում խորհուրդ է տրվում քնել որովայնի վրա, քանի որ խռմփոցը կարող է խանգարել շնչառությունը: Նաև հարկավոր է օգտագործել ավելի կոշտ բարձ (կամ երկու փափուկ): Խռմփոցից կարելի է ազատվել նաև կողքի վրա քնելով, քանի որ այդ դեպքում ոչինչ չի խանգարի շնչառությանը:

Առավոտյան դժվարությամբ արթնանալը

Առավոտյան ավելի հեշտ արթնանալու համար հարկավոր է պարզապես ամեն օր նույն ժամին արթնանալ՝մարմնի ցիկլը չխախտելու համար:

Քնի խանգարումներ

Քնելուց առաջ հարկավոր է ազատվել բոլոր սարքերից (հեռուստացույց, համակարգիչ, բջջային հեռախոս), որոնք խանգարում են հանգիստ քնին: Բացի այդ, քնելուց առաջ 6 ժամվա ընթացքում չի կարելի օգտագործել կոֆեին պարունակող ըմպելիքներ, ալկոհոլ, սև թեյ, շոկոլադ, էներգետիկ և գազավորված ըմպելիքներ:

Նյութի աղբյուրը՝ worldhealthguide.org