Պարզ բաղադրատոմս՝ արյունը թարմացնելու համար

16:15 • 20.03.17

Արյունն անչափ կարևոր է և դրա մաքրությունից են կախված մարդու օրգաններում ու բջիջներում տեղի ունեցող բոլոր գործընթացները:

Չինացի բուժարարների կարծիքով՝ արյունը սնուցում, հովացնում ու խոնավեցնում է օրգանիզմը: Այն նպաստում է հոգեկան հանգստությանը, հանգստանալու և լավ քնելու կարողությանը: Առողջության վերականգնումն ու առողջ քունը կախված են արյան որակից: Բարձրորակ սննդամթերքը կարող է վերականգնել ներքին էներգիան ու արյունը, ինչի շնորհիվ մարդու օրգանները ստանում են բոլոր անհրաժեշտ նյութերը:

Արյունն ուժեղացնում է մարդու հմայքը, որն արտացոլվում է նրա դեմքին ու աչքերի մեջ: Այն նաև բարելավում է նրա ինքնադրսևորման կարողությունները, խոսքն ու դիմախաղը, ուստի արյունը թարմացնել շատ կարևոր պրոցեդուրա է:

Ձեր ուշադրությանն ենք ներկայացնում մի միջոց, որը կօգնի թարմացնել արյունը: Սակայն հարկ է հիշել, որ առողջական լուրջ խնդիրների դեպքում, մինչ ժողովրդական միջոցներ կիրառելը, հարկավոր է խորհրդակցել բժշկի հետ:

Բաղադրությունը.

• 1 կգ ճակնդեղ,

• 500 գրամ գազար,

• 1 կիտրոնից քամված հյութ,

• 2-3 հատ նարինջ (կամ 500 գրամ դդում),

• 2 հատ թթու խնձոր,

• 500 գրամ բնական մեղր:

Պատրաստման եղանակը.

Մաքրել ճակնդեղը, գազարն ու խնձորը, մանրացնել, լցնել կոտորակիչի մեջ և մանրացնել, մինչև դառնա համասեռ զանգված: Այնուհետև քամել նարինջների ու կիտրոնի հյութը և խառնել ստացված զանգվածին:

Ավելացնել մեղրը և լավ խառնել: Ցանկության դեպքում կարելի է ավելացնել նարնջի քանակը, քանի որ այն միայն համի ու բույրի համար է:

Ստացված մոտ 1 լիտր քաբակությամբ օշարակը լցնել ապակյա շշի մեջ: Այն կարելի է պահել 15-20 օր: Հարկավոր է ամեն առավոտ սոված փորին 70-100 մլ օշարակ խմել: Ցանկության դեպքում դրան կարելի է ավելացնել նաև մի փոքր ջուր (100-150 մլ):

Նյութի աղբյուրը՝ healthyfoodteam.com