Գետնախնձորն օգնում է ազատվել ավելորդ քաշից, կարգավորում է արյան ճնշումն ու իջեցնում արյան մեջ շաքարի մակարդակը. բուժիչ բաղադրատոմսեր

Գետնախնձորն արդեն վաղուց է օգտագործվում ժողովրդական բժշկության մեջ: Բացի այդ, այն պարունակում է շատ քիչ քանակությամբ կալորիաներ (100 գրամում ընդամենը 73 կկալ), ինչի շնորհիվ հիանալի միջոց է ավելորդ քաշից ազատվելու համար:

Այն անվտանգ է նույնիսկ մարսողական համակարգի խանգարումներ ունեցողների համար, քանի որ հարուստ է սննդային մանրաթելերով, որոնք բարելավում են մարսողական գործընթացները:

Բացի այդ, գետնախնձորը հարուստ է նաև մի շարք կարևոր վիտամիններով ու հանքանյութերով: Այն պարունակում է մեծ քանակությամբ կալիում, որը կարգավորում է արյան ճնշումը, ինչպես նաև սրտի և մկանների աշխատանքը: Այս հանքանյութը նաև կարգավորում է օրգանիզմում ջրի մակարդակը և նյարդային ազդակների փոխանցումը:

Կես բաժակ գետնախնձորը պարունակում է կալիումի օրական չափաբաժնի 20%-ը: Այն նաև պարունակում է մի շարք այլ սննդարար նյութեր, ինչպիսին են ինսուլինը, կալցիումը, երկաթը, մագնեզիումը, A, B, C և D վիտամինները, ինչպես նաև անփոխարինելի ամինաթթուներ:

Գետնախնձորը կարել է օգտագործել հում վիճակում, խաշած կամ խորոված: Շատերը նախընտրում են պատրաստել գետնախնձորով աղցան կամ նույնիսկ ապուր:

Գետնախնձորով ապուրի բաղադրատոմսը

Բաղադրությունը.

·         գետնախնձորի 4 պալար,

·         2 միջին չափի գազար,

·         1 մաղադանոսի արմատը և տերևները,

·         1 ճ.գ. ալյուր (առանց գլյուտենի),

·         3 ճ.գ. ձիթայուղ,

·         150 գրամ կարտոֆիլ,

·         մի պտղունց աղ և համեմունքներ՝ ըստ ճաշակի:

Պատրաստման եղանակը.

Գազարն ու մաղադանոսը կտրատել և տապակել ձիթայուղի մեջ: Երբ դրանք ստանան շագանակագույն երանգ, ավելացնել մի փոքր ալյուր և 1 լիտր ջուր (աղով): Գետնախնձորը մաքրել և բաժանել խորանարդիկների, այնուհետև մնացած բանջարեղենն ավելացնել խառնուրդին և շարունակել եփել, մինչև կարտոֆիլն ու գետնախնձորը փափկեն:

Գետնախնձորով աղցանի բաղադրատոմսը

Բաղադրությունը.

·         գետնախնձորի 2 պալար,

·         2 հատ կանաչ խնձոր,

·         1 ճ.գ. նարնջի հյութ,

·         ձիթայուղ:

Պարտաստման եղանակը.

Խնձորներն ու գետնախնձորները կեղևազրկել, այնուհետև քերիչով մանրացնել, ավելացնել նարնջի հյութն ու ձիթայուղը, լավ խառնել և մատուցել որպես թարմ աղցան:

Նյութի աղբյուրը՝ superhealthypage.com