Պրոբիոտիկները կօգնեն պաշտպանվել սեզոնային ալերգիաներից. գիտնականներ

Օգտակար բակտերիաներ պարունակող դեղամիջոցները կօգնեն ալերգիաներով տառապողներին հաղթահարել տհաճ ախտանշանները, հաղորդում են Ֆլորիդայի համալսարանի գիտնականները: Նրանք անց են կացրել մի գիտափորձ, որի ընթացքում 8 շաբաթ հետևել են 173 հիվանդի առողջական վիճակին, որոնց մոտ տարբեր բույսերի ծաղկափոշուց ալերիգիան էին առաջանում: Կամավորների մի մասը ստանում էր պրոբիոտիկներ, իսկ մյուս մասը չէր ստանում: Ընդ որում՝այդ ընթացքում նրանցից ոչ մեկը հակաալերգիկ դեղամիջոցներ չէր ընդունում: Սակայն այս գիտափորձը հնարավոր էր իրականացնել միայն այն պատճառով, որ ալերգիաները վառ արտահայտված չէին և դրանց ախտանշաններից ոչ մեկը կյանքի կամ առողջության համար վտանգավոր չէր:

Այն կամավորները, որոնք պրոբիոտիկներ էին ստանում, ալերգիաների սրման ժամանակահատվածը շատ ավելի հեշտ հաղթահարեցին: Նրանց ավելի քիչ էր անհանգստացնում քտի արտադրությունը, քթի և աչքերի քորը կամ արցունքազատումը, որոնք պոլինոզի՝ ծաղկափոշուց առաջացող սեզոնային ալերգիայի ախտանշաններն են: Գիտնականները նշում են, որ նման արդյունքի կարելի է հասնել երկու օգտակար միկրոօրգանիզմի` լակտոբացիլի և բիֆիդոբակտերիայի առկայության շնորհիվ:

Մարդու օրգանիզմի օգտակար բակտերիաները ներքուստ պաշտպանիչ հաստ թաղանթով են պատում հաստ աղիներն ու բարակ աղիների մի մասը՝ չեզոքացնելով նաև տոքսիններն ու ալերգենները: Մանրէների այդ թաղանթի վնասվածքն առաջացնում է օրգանիզմի իմունային համակարգի աշխատանքի խանգարումներ: Բանն այն է, որ մարդկանց իմունային համակարգը և այդ բակտերիաները կապված են, ուստի իմունային համակարգի թուլացման հետևանքով կարող է վնասվել բակտերիալ թաղանթը և հակառակը: Օրինակ՝ գարնանն իմունային համակարգի սեզոնային թուլացումը բացասաբար է ազդում բակտերիաների վրա: Դրանք բավականաչափ չեն չեզոքացնում բակտերիաները և արդյունքում՝ առաջանում է ալերգիկ ռեակցիա, որը կարող է տարբեր կերպ դրսևորվել:

Կարճ ասած՝ տարատեսակ ալերգիաները կարող են պայմանավորված լինել աղիների խնդիրներով, ուստի դրանց բուժումն ու կանխարգելումը կօգնեն ազատվել նաև ալերգիաներից: Ընդ որում՝ նման խնդիրները բուժելու ու կանխարգելելու համար կարելի է օգտագործել պրոբիոտիկներ պարունակող դեղամիջոցներ:

Բացի այդ, ալերգիաների դեպքում խորհուրդ է տրվում հանձնել դիսբակտերիոզի ախտորոշման անալիզ և խորհրդակցել գաստրոէնտերոլոգի հետ: Նման խնդիրների դեպքում շատ օգտակար է նաև մինչ ալերգիաների ի հայտ գալը դիսբակտերիոզի բուժում իրականացնելը: Նման բուժում հարկավոր է իրականացնել նաև հակաբիոտիկներով բուժվելուց հետո, քանի որ դրանք, որպես կանոն, վնասում են աղիների բակտերիալ թաղանթը:

Առողջ մարդիկ նույնպես կարող են պրոբիոտիկներ ընդունել: Սակայն այս դեպքում կարելի է ընդունել ոչ թե պրոբիոտիկներով դեղամիջոցներ, այլ կեֆիր, յոգուրտ և կաթնամթերքի այլ տեսակներ: Բացի այդ, կարելի է ընդունել նաև նույն կաթնամթերքը, սակայն հարստացված պրոբիոտիկներով ու պրեբիոտիկներով:

Նյութի աղբյուրը՝ aif.ru